قحا-نىڭ جولداۋ بويىنشا جۇرگىزىپ جاتقان جۇمىستارى تانىستىرىلدى

ل.پروكوپەنكو ٴوز سوزىندە مەملەكەت باسشىسىنىڭ «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» اتتى جولداۋى، ەلباسىنىڭ بەس الەۋمەتتىك باستاماسىمەن بىرگە الەۋمەتتىك ٴال-اۋقاتتىڭ ۇلتتىق ۇلگىسىن قالىپتاستىرۋدىڭ ٴبىر كەزەڭى بولدى دەپ اتاپ ٴوتتى.

قحا مۇشەلەرى مەملەكەت باسشىسىنىڭ جولداۋىن ىلگەرىلەتۋ جانە ٴتۇسىندىرۋ بويىنشا بەلسەندى جۇمىس جۇرگىزۋدە. قحا-نىڭ بارلىق قۇرىلىمدارى جولداۋدى ٴتۇسىندىرۋ بويىنشا 1940 (29 رەسپۋبليكالىق) ٴىس-شارا وتكىزدى.

پارلامەنت ٴماجىلىسىنىڭ قحا-دان سايلانعان دەپۋتاتتارى وڭىرلەردە 7780 ادامدى قامتىعان 129 كەزدەسۋ وتكىزدى.

جولداۋدى ىسكە اسىرۋ بويىنشا جالپىۇلتتىق ٴىس-شارالار جوسپارىن جۇزەگە اسىرۋ اياسىندا قحا-نىڭ 12 ارنايى جوباسى ازىرلەندى.

وتىرىستا قازاقستان حالقى اسسامبلەياسىنىڭ (2025 جىلعا دەيىنگى) دامۋ تۇجىرىمداماسىنىڭ جوباسى قارالدى. قحا كەڭەسىنىڭ مۇشەلەرى قوعامدىق دامۋ مينيسترلىگى ۇسىنعان نەگىزگى تاسىلدەردى ماقۇلدادى.

«5 قازان جولداۋ جاريالانعاننان باستاپ، قازاقستان حالقى اسسامبلەياسى ٴوز جۇمىسىن باستاپ كەتتى. نەگىزى وسى ارادا اتقارىلعان جۇمىسقا كەلەتىن بولساق، جالپى ۇلتتىق جوسپارعا وسى جولداۋدا بەرىلگەن تاپسىرمالاردى ىسكە اسىرۋعا ارنالعان شارالاردىڭ تىزبەگىن جانە جوبالار دايىندادىق. ٴبىرىنشى كۇننەن باستاپ، اسسمابلەيانىڭ باسشىلىعى، ەتنومادەني بىرلەستىكتەرىنىڭ ٴتوراعالارى، كەڭەس مۇشەلەرى، ٴبىزدىڭ اتىمىزدان سايلانعان دەپۋتاتتار ەلدىڭ اراسىندا حالىققا قاجەتتى اقپاراتتى جەتكىزۋ ماقساتىندا جۇمىس ىستەپ جاتىر.

بۇگىنگى تاڭدا الدا تۇرعان ماسەلەرلەردىڭ ٴبىرى «ٴاربىر ازامات جولداۋدى قالاي ىسكە اسىرا الادى؟» دەگەن ماڭىزدى سۇراق تۇر. سەبەبى ٴبىزدىڭ تاراپتان ٴارتۇرلى ايماقتا 8 مىڭداي ادامدى قامتيتىن شارالار ٴوتتى. ال جوسپارعا كەلەتىن بوساق، بۇگىنگى تاڭدا ەتنومادەني بىرلەستىكتەردىڭ، اسسامبلەيانىڭ بەلسەندى مۇشەلەرىنىڭ ۇسىنىستارىنا سايكەس قالىپتاسقان جوبالار اراسىندا، ەرەكشە ايتىپ كەتەتىن جوبا بۇل «جاڭعىرعان اۋىل». سەبەبى ەلباسى ۋربانيزاسيا ماسەلەسىن كوتەرىپ جاتىر، ال ول دەگەنىمىز اۋىلدىڭ دەڭگەيىن كوتەرۋ دەگەن ٴسوز.

بارىمىزدە اۋىلدان شىققانبىز، سوندىقتان ٴار ادام ٴوز تاراپىنان كىشكەنە بولسا دا ۇلەس قوسۋ جانە اسسامبلەيا الدىندا ۇلكەن جوسپار تۇر. سونىمەن قاتار بولاشاق جاستاردىڭ قولىندا، ەلباسىنىڭ كەلەسى جىلعى ، «جاستار جىلى» جەپ جاريالاعانىنا بايلانىستى اسسامبلەيانىڭ جاڭعىرۋ جولى رەسپۋبليكالىق قوزعالىسىنىڭ جاستارى بىرگە جينالىپ، ٴبىر ٴجىلدىڭ ىشىندە اتقاراتىن شارالارىنىڭ «جول كارتاسىن» ازىرلەپ جاتىر. ونىڭ ىشىندە 1000 باعىت بار، ٴبىراق نەگىزگى باعىتىن تاعىدا اۋىلعا ارناپ وتىرمىز. وسىنىڭ اياسىندا قىزىقتى شارالار ۇيىمداستىرىپ جوسپارلاندى.

اسسامبلەا الدىنداعى ماقسات حالىقتىق باقىلاۋ. ارنايى كەڭەستەر قۇرىپ مىنا ماسەلەلەردى باقىلاۋعا الادى: سۋعا، جىلۋعا تولەنەتىن تاريف دۇرىس ساقتالۋى، كەدەرگىسىز ٴومىر ٴسۇرۋ، مۇگەدەكتەرگە ارنالعان جولداردىڭ سالىنۋى. ال بۇگىنگى وتىرىستىڭ ماقساتى وسىنداي جوسپارلاردى كەڭ اۋقىمدى قامتۋىن كەڭەس مۇشەلەرىنە بەرىپ، سولاردىڭ شەشىمىمەن ورتاق امال تابۋ بولىپ تابىلادى» - دەيدى قازاقستان حالقى اسسامبلەياسى حاتشىلىعى مەڭگەرۋشىسىنىڭ ورىنباسارى نازيپا شاناي.

سونىمەن قاتار، قحا كەڭەسى اسسامبلەيانىڭ ەتنومادەني بىرلەستىكتەرىن قوعامدىق اككرەديتتەۋ ەرەجەلەرىن، اككرەديتتەۋ جونىندەگى رەسپۋبليكالىق جانە وڭىرلىك كوميسسيالار تۋرالى ەرەجەنى، رەسپۋبليكالىق كوميسسيانىڭ قۇرامىن جانە اككرەديتتەۋدى وتكىزۋ كەستەسىن قاراپ، بەكىتتى.

وتىرىس قورىتىندىسى بويىنشا، كەڭەس ۇيىمداستىرۋ ماسەلەلەرىن قارادى، سونداي-اق قر پرەزيدەنتىنىڭ، قازاقستان حالقى اسسامبلەياسىنىڭ ٴتوراعاسىنىڭ قاراۋىنا اسسامبلەيانىڭ «بىرلىك» التىن مەدالىمەن، «جومارت جان» توسبەلگىسىمەن، قحا ٴتوراعاسىنىڭ قۇرمەت گراموتاسىمەن جانە العىس حاتىمەن ماراپاتتاۋ بويىنشا كانديداتۋرالاردى ۇسىندى.

فوتو/ۆيدەو: نۇرجاس جاقسىباي

تەگي
• جولداۋ
• قازاقستان حالقى اسسامبلەياسى
• ەلباسى جولداۋى

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!