BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قحا ٴتوراعاسىنىڭ ورىنباسارلارى تاعايىندالدى

فوتو: Бауыржан Жуасбаев

قازاقستان حالقى اسسامبلەياسىنىڭ xxvi سەسسياسىندا اسسامبلەيا ٴتوراعاسى نۇرسۇلتان نازاربايەۆتىڭ ورىنباسارلارى تاعايىندالدى، دەپ حابارلايدى baq.kz ٴتىلشىسى.

«قازاقستان حالقى اسسامبلەياسىنىڭ سەسسياسىندا، سىزدەرمەن كەلىسكەندە، روتاسيا تارتىبىندە جىلىنا ٴبىر رەت وڭىرلەردىڭ ەتنومادەني بىرلەستىگىن تانىتاتىن اسسامبلەيا ٴتوراعاسىنىڭ جاڭا ەكى ورىنباسارى تاعايىندالادى. اسسامبلەيا كەڭەسى وسى جىلى قاراستىرىپ، ماعان ورىنباسار قىزمەتىنە «ليتۋانيكا» قوعامدىق بىرلەستىگىنىڭ ٴبىرىنشى ٴتوراعاسى ۆيتاليي تۆاريوناستى جانە قازاقستان حالقى اسسامبلەياسىنىڭ مۇشەسى، مەسەنات يسلامبەك ٴسالجانوۆتى تاعايىنداۋ جونىندە ۇسىنىس جولدادى. ول قايىرىمدىلىق ىستەردى قولعا الۋ ارقىلى كوپتەگەن ىستەردى جۇزەگە اسىرۋدا»، - دەگەن نازاربايەۆ اتالعان كانديداتتاردىڭ ۇسىنىلعان قىزمەتتەرگە تاعايىندالۋى تۋرالى بۇيرىققا قول قويدى.

ەسكە سالا كەتسەك، بۇگىن ەلوردادا قازاقستان حالقى اسسامبلەياسىنىڭ xxvi سەسسياسى ٴوتتى. «بەس الەۋمەتتىك باستاما – قوعامنىڭ الەۋمەتتىك بىرلىگىنىڭ تۇعىرى» تاقىرىبىندا وتكەن سەسسيا بارىسىندا ەلباسى ۇسىنعان «بەس الەۋمەتتىك باستاما» جانە «رۋحاني جاڭعىرۋ» باعدارلامالارى تالقىلاندى.

سونىمەن قاتار، اسسامبلەيا ٴتوراعاسى رەتىندە نۇرسۇلتان نازاربايەۆ قحا xxvi سەسسياسىنا قاتىسۋشىلارىنىڭ قورىتىندى ۇندەۋىن قابىلدادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي