BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قحا رەسەي حالقى اسسامبلەياسىمەن جۇزەگە اسىرىلاتىن ىستەر تۋرالى حاتتاماعا قول قويدى

 استانا. 1 تامىز. baq.kz – ورالدا «قازاقستان مەن رەسەي اراسىنداعى شەكارامەن شەكتەس ىنتىماقتاستىقتى كەڭەيتۋ» تاقىرىبىندا حالىقارالىق دوڭگەلەك ۇستەل وتىرىسى ٴوتتى.

وبلىس اكىمى نۇرلان نوعايەۆتىڭ توراعالىعىمەن وتكەن جيىنعا قازاقستان حالقى اسسامبلەياسى ٴتوراعاسىنىڭ ورىنباسارى، حاتشىلىق مەڭگەرۋشىسى ەرالى توعجانوۆ، رەسەي حالىقتارى اسسامبلەياسىنىڭ ٴتوراعاسى سۆەتلانا سميرنوۆا، ورىنبور وبلىسى حالىقتارى اسسامبلەياسىنىڭ ٴتوراعاسى ۆەناليي امەلين، قر پارلامەنتى سەناتىنىڭ دەپۋتاتى راشيد احمەتوۆ، قر پارلامەنت ٴماجىلىسىنىڭ دەپۋتاتى ەلەنا تاراسەنكو، ورال قالاسىنداعى رف باس كونسۋلى سايد زابيتوۆ، «جايىق – دوستىق وزەنى» بىرلەسكەن ەكسپەديسياسىنىڭ مۇشەلەرى، ەتنومادەني بىرلەستىكتەر وكىلدەرى، وبلىستىق اسسامبلەيا مۇشەلەرى قاتىستى.

دوڭگەلەك ۇستەلدە ەلباسى نۇرسۇلتان نازاربايەۆتىڭ «100 ناقتى قادام» ۇلت جوسپارىن ىسكە اسىرۋ، قازاقستان مەن رەسەي اراسىنداعى گۋمانيتارلىق ىنتىماقتاستىق پەن مادەني ٴوزارا ارەكەتتەستىكتى نىعايتۋداعى قحا جانە رحا ٴرولى تالقىلاندى.

دوڭگەلەك ۇستەلدە قازاقستان حالقى اسسامبلەياسى مەن رەسەي حالىقتارى اسسامبلەياسى اراسىندا تاجىريبە الماسىلدى. بۇل جاعىنان رەسەيدىڭ بىزدەن ۇيرەنەرى كوپ. سەبەبى قازاقستاننىڭ اسسامبلەياسى بۇۇ-دا تانىستىرىلىپ، ەۋروپانىڭ 56 ەلىندە كوتەرىلگەن تاقىرىپ. «بولاشاقتا بىرلىك تاقىرىبى كۇن تارتىبىنەن ەشقاشان تۇسپەيدى. بارلىق ەل وعان كوز جەتكىزدى.

سونداي-اق 100 قادام باعدارلاماسى دا تەك بىرلىكتىڭ ارقاسىندا جۇزەگە اسپاق. بەس رەفورمانىڭ بارلىعىنا دا بىرلىكتىڭ ارقاسىندا قول جەتكىزە الامىز» دەدى قازاقستان حالقى اسسامبلەياسى ٴتوراعاسىنىڭ ورىنباسارى، حاتشىلىق مەڭگەرۋشىسى ەرالى توعجانوۆ. جيىن قورىتىندىسىندا قازاقستان حالقى اسسامبلەياسى جانە رەسەي حالىقتارى اسسامبلەياسى تاراپىنان ٴوزارا ىنتىماقتاستىق جونىندەگى حاتتاماعا قول قويىلدى.

 

دانا ساعىنبەك


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي