BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قحا - 20 جىلدا جاڭا ينستيتۋت بولىپ قالىپتاسا الدى - ە.توعجانوۆ

استانا. 13 شىلدە. baq.kz – قازاقستان حالقى اسسامبلەياسى قۇرىلعان جيىرما جىلدان بەرى جاڭا حالىقتىق ينستيتۋت بولىپ قالىپتاسا ٴبىلدى. قحا ٴتوراعاسىنىڭ ٴبىرىنشى ورىنباسارى ەرالى توعجانوۆ بۇگىن استانادا قازاقستان مەن رەسەي اسسامبلەيالارى وكىلدەرىنىڭ قاتىسۋىمەن وتكەن دوڭگەلەك ۇستەلدە وسىلاي دەدى.

«اسسامبلەيا – ەلباسىنىڭ ۇلت ساياساتىن ازىرلەۋ مەن ونى جۇرگىزۋگە ىقپال ەتەتىن، ەتنوسارالىق كەلىسىم مەن جاراسىمدىلىقتى قامتاماسىز ەتۋ باعىتىن ۇستانعان، بۇكىل الەمدە بىرەگەي ينستيتۋت بولىپ تانىلعان مەملەكەتتىك قۇرىلىم. كوپۇلتتى، كوپەتنوستى تالاي ەلدەر، سونىڭ ىشىندە رەسەي فەدەراسياسى دا بىزدەگى وسى قۇرىلىمنىڭ تاجىريبەسىنە نازار اۋدارىپ وتىر. 1992 جىلعى دۇنيەجۇزى قازاقتارىنىڭ قۇرىلتايىنان كەيىن قازاقستان حالىقتارىنىڭ فورۋمى وتكىزىلدى. وسىدان كەيىن پرەزيدەنت ن.نازاربايەۆ اسسامبلەيا قۇرۋ تۋرالى يدەيانى تۇڭعىش رەت كوتەرگەن بولاتىن. 1994 جىل بويى بۇل يدەيا ابدەن جەتىلىپ، تارازىلانىپ، جان-جاقتى ساراپتالىپ، اقىرى 1995 جىلى اسسامبلەيا قۇرىلدى. قحا بۇل جىلدار اراسىندا حالىقتىق اسسامبلەياعا اينالدى، حالىقتىق ۇكىمەتتىڭ جاڭا ينستيتۋت تيپىنە تەڭەستى. ول حالىقتىڭ سەنىمدىلىگىن ارتتىرۋعا مۇمكىندىك بەرەدى» دەدى ە.توعجانوۆ ٴسوز بارىسىندا.

ونىڭ ايتۋىنشا قحا وتە كۇردەلى تاپسىرمالاردى ورىنداۋعا باعىتتالعان. بىرىنشىدەن، حالىقتىڭ بىرلىگى مەن ساياساتتىق بىركەلكىلىكتى قامتاماسىز ەتۋدى، ەكىنشىدەن، ۇلتتىق بىرلىك ارقاسىندا بارلىق ۇلتتىڭ مادەنيەتىن، ٴسالت-داستۇرىن ساقتاپ قالۋدى كوزدەيدى.

ايتا كەتەيىك، جيىنعا قحا حاتشىلىعىنىڭ وكىلدەرى، قر پارلامەنتى ٴماجىلىسىنىڭ دەپۋتتارى، قر پرەزيدەنتى جانىنداعى مەملەكەتتىك باسقارۋ اكادەمياسىنىڭ عالىمدارى، «ەۋرازيا حالىقتارىنىڭ دوستىعى» اكۇ-نىڭ عالىمدارى مەن ساراپشىلارى قاتىستى.

 

دانا ساعىنبەك، فوتو: عابيت ماداليەۆ


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي