BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قحا-20 جىل: ۋكراين حالقىنىڭ ٴسالت-داستۇرى

استانا. 20 مامىر. baq.kz – ٴبىر تۋدىڭ استىندا ٴبىر ٴۇيدىڭ باۋىرلارىنداي كۇن كەشىپ جاتقان وزگە ۇلت وكىلدەرىنىڭ ٴبىرى – ۋكراين حالقى. اتادان بالاعا جالعاسىپ وتىرعان سالت-داستۇرلەرى، ادەت-عۇرىپتارىن، زەرتتەپ قاراساق، قازاق حالقىنىڭ سالت-داستۇرلەرى مەن ۇقساستىقتارىن ايقىن بايقايمىز. بۇعان بىردەن-بىر سەبەپ رەتىندە جەرگىلىكتى حالىقتىڭ تۇرعىندارمەن ەتەنە ٴسىڭىسىپ، ٴوز ٴداستۇرىن ساقتاي وتىرىپ، وزگەنىڭ مادەنيەتىن بويىنا دارىتا بىلگەندىگىندە. وزگە ەلدە تۇرىپ، ٴوز جاۋھارلارىنىڭ ٴبىرى ٴسالت-داستۇرى، ٴتىلى بولسىن، الگى كۇنگە دەيىن وشىرمەي ماڭگىلىك ۇرپاققا مۇرا ەتىپ كەلەدى.

باسقا دا كوپتەگەن حالىقتار سياقتى ۋكرايندىقتاردا دا حريستياندىق عۇرىپتار مەن پۇتقا تابىنۋشىلىق عۇرىپتاردىڭ ۇقساستىقتارى بايقالادى. مىسالى، سۆياتكالار كەشكى ۇستەل باسىنداعى وتىرىستارمەن، رۋحاني اڭىگىمەلەسۋ، ماگيالىق ارەكەتتەرمەن، سالتتىق تاماقتارمەن بىرگە جۇرگەن. روجدەستۆودا كوليادكالار (ٴازىل-ىسقاق اندەر) ايتقان، بالالار كورشىلەرىنىڭ ۇيىنە بيداي سەپكەن. ماسلەنيسادا ورىستار سياقتى جۇقا قۇيماقتار، ۆارەنيكتەر ٴپىسىرىپ، ات جەگىلگەن شانامەن بىر-بىرىنە قوناققا بارعان. پاسحادا حوروۆود جاساپ، ساۋىق-سايران قۇرىپ، عۇرىپتىق تاعامدار: بويالعان جۇمىرتقا، بال، شۇجىق، قۋىرىلعان تواي دايىنداعان. ترويسادا حاتالارى مەن قاقپالارىن بۇتاقتارمەن بەزەندىرگەن. يۆان كۋپالا مەرەكەسىندە بيىك جاردا قيىپ الىنعان عۇرىپتىق اعاشتى ورناتىپ، ونى گۇلدەرمەن (مارەنا — كۋپالا) اشەكەيلەپ، الاۋ جاعىپ، بال اشقان. بۇل مەرەكەلەردىڭ بارلىعى بۇرىنعىداي بولماسا دا قازىرگى ۋاقىتقا دەيىن اتالىپ وتىلەدى. ۋكرايندىقتاردىڭ ومىرىنە كوپتەگەن جاڭا مەرەكەلەر ەنگەن. ۋكرايندىقتار تامىرى جالپى سلاۆياندىق جانە ەجەلگى ورىس كەزەڭىندە جاتقان ەجەلگى پوەتيكالىق مادەنيەتىن ەرەكشە قادىرلەپ، قاستەرلەيدى. پۇتقا تابىنۋشىلىق كەزەڭ ادام مەن تابيعاتتىڭ اجىراماستىعىمەن، قۇدايلاردىڭ كوپتىگىمەن بەلگىلى. ەجەلگى ٴرۋستىڭ حريستيان ٴدىنىن قابىلداۋى جاڭا، رۋحاني، زياتكەرلىك قۇندىلىقتاردىڭ ارالاسۋىنا الىپ كەلدى. ەجەلگى ورىس ادەبيەتى دەپ اتالاتىن، ورىس پوەزياسىنىڭ شىڭى "سلوۆا و پولكۋ يگورەۆە" داستانى ۋكراين مادەنيەتىنىڭ دە باستاۋى بولىپ تابىلادى.

ۋكراين حالقىندا ەرەكشە سانالاتىن سالت-داستۇرلەردىڭ ٴبىرى – ىدىس شاعۋ ىرىمى. بۇل ٴداستۇر ادام ومىرىندەگى وزگەرىستەرگە بايلانىستى ورىن الادى. مىسالى، ادام دۇنيەگە كەلگەندە، ۇيلەنۋ تويىندا نەمەسە ادام قايتىس بولعاندا. 

 

دانا ساعىنبەك


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي