BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«قحا - 20 جىل» مەرەكەلىك مەدالدارى 25 اقتوبەلىك ازاماتقا تابىس ەتىلدى

 استانا. 3 شىلدە. baq.kz – بۇگىن استانا كۇنى قارساڭىندا اقتوبە قالاسى اكىمدىگىندە قالانىڭ ٴبىرقاتار بەلسەندى ازاماتتارىنا «قازاقستان حالقى اسسامبلەياسىنا 20 جىل» مەرەكەلىك مەدالدارى تابىس ەتىلدى، دەپ حابارلادى وبلىستىڭ ىشكى ساياسات باسقارماسى.

  مەملەكەت باسشىسى بەكىتكەن سىيلىققا 25 ادام لايىق دەپ تانىلدى. سىيلىقتاردى اقتوبە قالاسى اكىمىنىڭ ورىنباسارى ايگۇل ارىنعازيەۆا تابىستادى.

«بيىلعى جىل قازاقستان حالقى اسسامبلەياسىنا 20 جىلدىعى ٴار وڭىردە ەرەكشە اتالىپ وتىر جانە مەرەكە ۇلكەن دەڭگەيدە تويلانۋدا. سونداي-اق، اسسامبلەيا مەملەكەتتىڭ تۇراقتىلىعى ٴۇشىن ۇلكەن ۇلەس قوسىپ جاتىر. ٴبىزدىڭ ايماقتا ٴبىر وتباسى رەتىندە 90 ەتنوس ٴومىر سۇرۋدە. ەتنومادەني بىرلەستىك وكىلدەرى جەرگىلىكتى اتقارۋشى ورگاندار وتكىزگەن شارالارعا بەلسەندى قاتىسادى. قالا اكىمدىگى ۇلتارالىق ىنتىماقتاستىقتى نىعايتۋ بويىنشا شارالاردى وتكىزۋدە»، دەدى ايگۇل ارىنعازيەۆا.

ايتا كەتەيىك، بيىل ەلىمىزدە قازاقستان حالقى اسسامبلەياسىنىڭ 20 جىلدىعى اتالىپ ٴوتىپ جاتىر. ايتۋلى مەرەيتوي اياسىندا رەسپۋبليكانىڭ بارلىق ايماعىندا ٴتۇرلى مەرەكەلىك شارالار مەن قايىرىمدىلىق اكسيالارى ۇيىمداستىرىلعان. كوپشىلىگى حالىقتىڭ الەۋەتىن، رۋحانياتىن ارتتىرۋعا باعىتتالعان. اتاپ ايتار بولساق، "دەنساۋلىق" پويىزدارى، ۇلى جەڭىستىڭ 70 جىلدىعىنا ارنالعان شارالار جانە تاعىسىن تاعى.

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي