BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاق پەن قىرعىزدىڭ ٴومىر ٴسۇرۋ سالتى ۇقساس — شاۆكات يسمايلوۆ ەكسكليۋزيۆ

بۇگىن — قازاقستان حالقىنىڭ بىرلىگى كۇنى. وسىعان وراي، قازاقستان حالقى اسسامبلەياسىنىڭ مۇشەسى، قىرعىز ەتنومادەني بىرلەستىگىنىڭ ٴتوراعاسى شاۆكات يسمايلوۆ بارشا جۇرتتى 1 مامىر مەرەكەسىمەن قۇتتىقتاپ، ەلىمىزدەگى قىرعىز حالقىنىڭ تۇرمىسى جايلى اڭگىمەلەپ بەردى، دەپ حابارلايدى baq.kz ٴتىلشىسى.

يسمايلوۆتىڭ ايتۋىنشا، بۇگىنگى تاڭدا قازاقستاندا 37 مىڭعا جۋىق قىرعىز ٴومىر سۇرەدى. ولاردىڭ بارلىعى - قازاقستان ازاماتتارى. سونداي-اق، قازاقستاندا جۇرۋگە رۇقساتى بار 17 مىڭعا جۋىق قىرعىزستان ازاماتى تۇرادى. ال، 40-60 مىڭعا جۋىق ادام – رۇقساتپەن جۇمىس ىستەپ جۇرگەن ەڭبەك ميگرانتتارى. ولار نەگىزىنەن قازاقستاننىڭ وڭتۇستىك ٴوڭىرى – الماتى، جامبىل، وڭتۇستىك قازاقستان وبلىستارى مەن ەكى ەلدىڭ شەكارالاس ايماعىندا تۇرادى. ال، استانادا 10 مىڭعا جۋىق قىرعىز ٴومىر سۇرەدى.

«قىرعىز ميگرانتتارى قازاقستانعا جىلدام ۇيرەنىپ كەتەدى. نەلىكتەن؟ سەبەبى، تىلدەرىمىزدىڭ، سالت-داسۇرلەرىمىزدىڭ، ٴومىر ٴسۇرۋ سالتىمىزدىڭ ۇقساستىعى مەن تاريحي جاقىندىعىمىز دا بار. قىز الىپ، قىز بەرىسۋىمىز دە بۇل پروسەسكە ىقپال ەتەدى. قازاقستان پرەزيدەنتى نۇرسۇلتان نازاربايەۆ ايتقانداي «ميلليونداعان تاعدىردىڭ توعىسۋى» دەگەن وسى»، - دەدى تىلشىگە بەرگەن سۇحباتىندا شاۆكات يسمايلوۆ.

قحا مۇشەسى قىرعىزداردىڭ قازاقستانعا كەلۋ تاريحى جايلى دا اڭگىمەلەپ بەردى. ونىڭ ايتۋىنشا، قازاق جەرىنە العاش رەت قىرعىزدار ابىلاي حاننىڭ تۇسىندا كوشىپ كەلگەن. ٴقازىر قاراعاندى، اقمولا، شىعىس قازاقستان وبلىستارى اۋماعىندا سولاردىڭ ۇرپاقتارى ٴومىر ٴسۇرىپ جاتىر. كەيىننەن قىرعىزدار قازالى، شالقار، بايقوڭىر، قىزىلوردا جاقتى پانالاعان. ول جەرلەردە ٴقازىر 15 مىڭعا جۋىق قىرعىز تۇرادى. ولار وزدەرىن قازالى قىرعىزدارى دەپ اتايدى. ٴبىراق، ولار ٴقازىر اسسيميلياسيالانىپ، قازاق بولىپ كەتكەن. بۇل وقيعالاردىڭ بارلىعى 16-18 عاسىرلار اراسىندا بولعان. ال، نەگىزگى كوشى-قون تىڭ يگەرۋ كەزىندە ورىن العان.

«سول كەزدەرى قىرعىزدار كوپ كەلگەن. سونداي-اق، قازاق جەرىنە اسكەرگە كەلگەندەر قالىپ قويعان، وتباسى قۇرىپ قالىپ قويعاندار دا بار. تاۋەلسىزدىك العاننان كەيىن حالىقتىڭ كوشى-قونى جاندانا ٴتۇستى. سودان بەرى ميگرانتتار رەتىندە كەلگەن قىرعىزدار سانى ارتىپ كەلەدى. ەگەر 1999 جىلى ساناق بويىنشا قازاقستاندا 10 مىڭ قىرعىز بولسا، بۇگىن ولاردىڭ سانى 37 مىڭعا جەتكەن. ياعني، قازاقستان ازاماتى اتانعان قىرعىزدار سانى 3،5 ەسەدەن اسا كوبەيگەن»، - دەپ اڭگىمەلەدى ول.

ماماننىڭ ايتۋىنشا، بۇگىنگى تاڭدا قازاقستاندا 9 مادەني ورتالىق جۇمىس ىستەيدى. ولار ەلدىڭ ٴتۇرلى اۋدانى مەن وبلىسىندا ورنالاسقان. ٴار ورتالىقتا ٴوزىنىڭ كوركەمدىك ۇجىمدارى جۇمىس ىستەيدى. استانادا دەمالىس كۇندەرى جۇمىس ىستەيتىن مەكتەپتەر مەن ەڭبەك ميگرانتتارىن قولداپ، وقىتاتىن ورتالىق بار.

«ەتنومادەني بىرلەستىكتەردىڭ باعىتتارىنىڭ ٴبىرى – مەملەكەتتىك-ۇلتتىق ساياساتتى جۇزەگە اسىرۋ. ٴبىز قازاقستان حالقى اسسامبلەياسىنىڭ قۇرامىندا باسقا ورتالىقتار سياقتى ۇلتتىق بىرلىگىمىزدى نىعايتۋعا، قازاقستانداعى قوعامدىق كەلىسىمدى قالىپتاستىرۋ باعىتىندا جۇمىس جاسايمىز. الداعى ۋاقىتتا ەتنومادەني بىرلەستىكتەردىڭ ٴرولى ارتپاق. مەنىڭ ويىمشا، بۇل قازاقستانداعى بەيبىتشىلىك پەن كەلىسىمدى نىعايتۋعا ىقپال ەتەدى. مەن بارشا جۇرتتى 1 مامىر – قازاقستان حالقىنىڭ بىرلىگى كۇنى مەرەكەسىمەن شىن جۇرەكتەن قۇتتىقتايمىن»، - دەپ تۇيىندەدى شاۆكات يسمايلوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي