BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستانداعى ەتنوستاردىڭ ورتاق ٴتىلى – قازاق تىلىنە اينالۋى ٴتيىس

استانا. 10 شىلدە. baq.kz – ەلىمىزدە ٴومىر ٴسۇرىپ جاتقان بارلىق دياسپورا وكىلدەرىنىڭ ورتاق ٴتىلى بولاشاقتا قازاق تىلىنە اينالۋى ٴتيىس دەيدى قر پرەزيدەنتى جانىنداعى قسزي ساراپشىسى جارقىن ٴجۇمادىلوۆ. بۇگىن قازاقستان ستراتەگيالىق زەرتتەۋلەر ينستيتۋتىندا قحا-نىڭ 20 جىلدىعى اياسىندا دوڭگەلەك ۇستەل وتكىزىپ، وندا ۇلتتار اراسىنداعى بىرلىك ماسەلەسى ٴسوز بولدى.

 

«قازاقستانداعى ۇلتتاردى بىرىكتىرۋ ٴۇشىن ەڭ نەگىزگى قۇرال – ورتاق ٴتىل. مەملەكەتتىك ٴتىل قازاق ٴتىلى قازىرگى جاعدايدا ۇلتتى ۇيىستىرۋشى رولگە يە بولا الماي وتىر. مەملكەتتىك بيلىك جيىرما ٴتورت جىل بويى حالىقتى ورىس ٴتىلى ارقىلى بىرىكتىرىپ كەلدى. ەندى ٴبىراز جىلدان سوڭ ورىس ٴتىلى دە قوعامدىق ستاتۋستان ايىرىلۋى مۇمكىن. ال، ونىڭ ورنىن مەملەكەتتىك ٴتىل، ياعني قازاق ٴتىلى باسۋى ٴتيىس» دەپ اتاپ ٴوتتى جارقىن تۇسىپبەك ۇلى.

ونىڭ ايتۋىنشا، قازاقستان حالقى ەلدىڭ تاۋەلسىزدىك العان ۋاقىتىنان باستاپ ٴبىرتۇتاس ۇلتقا اينالعان.

«قازاقستان قوعامىندا دا الەمنىڭ ٴبىرقاتار ەلدەرىندەگىدەي ۇلت ٴسوزىن ەكى ماعىنادا قابىلدايدى. ٴبىرىنشى توپ ازاماتتىققا نەگىزدەلگەن ساياسي ۇلت. ەكىنشىسى ەتنوستىق نەگىزگە قۇرىلعان ۇلت. بىزگە الدىمەن وسى تۇسىنىكتى ٴبىر ىزگە ٴتۇسىرۋ قاجەت. سەبەبى بارلىق قايشىلىقتار وسى جەردەن تۋىندايدى. ەتنيكالىق قازاقتار قازاقستاندىق ۇلت ٴسوزىن قابىلدامايدى. شىن مانىسىندە تاۋەلسىزدىك الىپ، ۇلتتىق مەملەكەت قۇرۋعا قادام جاساعان ساتتەن باستاپ، ٴبىز ٴتۇرىمىز، ٴتىلىمىز، دىنىمىزگە ۇقساس بولماعانىمەن جانى ٴبىر حالىققا، ۇلتقا اينالدىق. ونى ٴبىرى قازاق ۇلتى دەيدى، ٴبىرى قازاقستاندىق ۇلت دەيدى. كەز-كەلگەن ەلدىڭ حالقىن ورتاق ٴتىل، ەكونوميكالىق مۇددە، مادەني ٴبىرتۇتاستىق، سپورتتىق جەتىستىكتەر جانە ساياسي تاڭداۋ بىرىكتىرەدى. سولاردىڭ ەڭ نەگىزگىسى ەكونوميكالىق مۇددە. ماتەريالدىق جاعداي مەن ٴوزارا قارىم-قاتىناس تا وسىعان كىرەدى» دەپ اتاپ ٴوتتى ساراپشى.

ايتا كەتەيىك، بيىل ەلىمىزدە قازاقستان حالقى اسسامبلەياسىنىڭ 20 جىلدىق مەرەيتويى اتالىپ وتۋدە.

 

دانا ساعىنبەكقىزى

 

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي