BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

"قازاقستان ەنسيكلوپەدياسى" ينتەرنەت پورتالى قۇرىلادى

استانا. 3 تامىز. baq.kz – قحا جاقىندا قازاقستان حالقىنىڭ بىر-بىرىمەن جاقىن تانىسىپ، بىلىسۋىنە باعىتتالعان "قازاقستان ەنسيكلوپەدياسى" ينتەرنەت پورتالىن قۇرۋدى جوسپارلاۋدا، - دەپ حابارلايدى baq.kz.

 

بۇل جونىندە قر پرەزيدەنتى جانىنداعى وكق بريفينگىندە "ۇلكەن ەل - ۇلكەن وتباسى" اۋقىمدى جوباسىنىڭ تانىسىتىرىلىمىندا «قوعامدىق كەلىسىم» رمم ديرەكتورىنىڭ ورىنباسارى عازيز تەلەبايەۆ ايتتى.

- قازاقستان دۇنيەجۇزىندە اۋماعى بويىنشا 9 ورىندا. ٴبىراق ٴبىز گەوگرافيالىق تۇرعىدان عانا ەمەس، مəن-ماعىناسى بويىنشا ۇلكەن ەل بولۋىمىز قاجەت. ٴبىز بىرتەكتىلىك تۋرالى كوپ ايتامىز. ياعني، ٴبىز ٴبىر ۇلكەن وتباسى سىندى بولۋعا ٴتيىسپىز. ەلىمىزدە تۇراتىن بارلىق حالىقتىڭ ۇيىسىپ، ۇجىمداسىپ، ٴبىر-بىرىمىزدى باۋىر رەتىندە قابىلداۋىمىز قاجەت. سوندا ٴبىز ۇلكەن وتباسى بولا الامىز. ٴبىر وتباسىنىڭ ادامدارى ٴبىر-بىرىن تانيدى، بىر-بىرىنە سىيلاستىقپەن قاراپ، قۇرمەتتەيدى، ٴبىر-بىرىن باۋىر رەتىندە قابىلدايدى. ەلباسىنىڭ ناقتى قادامدارىندا "ايماقتىق مادەني-تۋريستىك كلاستەرلەردى قۇرۋ" تۋرالى ايتىلدى. ولار "استانا - ەۋرازيا جۇرەگى"، "الماتى - قازاقستاننىڭ ەركىن ايماعى"، "تابيعات بىرلىگى جəنە كوشپەلى مəدەنيەتتەر"، "التاي مارجانى"، "جىبەك جولىن جاڭعىرتۋ" جəنە "كاسپيي قاقپاسى". بۇل كلاستەرلەر حالىق بىر-بىرىمەن ارالاسىپ، ٴبىر-بىرىن تانىپ، بارىپ، جات بولماي ٴبىر-بىرىن ٴبىلۋى ٴۇشىن قاجەت. سوندا ٴبىز ۇلكەن وتباسى بولا الامىز، - دەدى عازيز تۇرىسبەك ۇلى.

سونىمەن قاتار، وسى باعىتتا "قازاقستاننىڭ ەنسيكلوپەدياسى" ينتەرنەت پورتالىن قۇرۋ جوسپارلانىپ جاتقاندىعىنا توقتالعان ول:

- بۇل دا سول باعىتقا ارنالعان جوبا. بىر-بىرىمىزبەن اقپارات الماسۋ ٴۇشىن ٴبىز ۇلكەن پورتال قۇرۋىمىز قاجەت، - دەپ اتاپ ٴوتتى. 

 

دانا ساعىنبەك

 

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي