BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«قازاقشا ەت» ۇلتتىق تاعامى دۇنيەجۇزىلىك گيننەسس رەكوردتار كىتابىنا ەنەدى

استانا. 3 شىلدە. baq.kz – 6 شىلدە كۇنى ساعات 12.00-دە استانا قالاسىنداعى عاشىقتار ساياباعىندا قازاقستان حالقى اسسامبلەياسى مەن قازاق گەوگرافيا قوعامىنىڭ ۇيىمداستىرۋىمەن ەلوردا كۇنىنە ارنالعان «تايقازان» اكسياسى وتەدى، - دەپ حابارلايدى baq.kz «قوعامدىق كەلىسىم» رمم ٴباسپاسوز قىزمەتىنە سىلتەمە جاساي وتىرىپ.

ٴىس-شارا بارىسىندا اسپازدار تازا اۋادا، قازاق حالقىنىڭ ەت اسۋداعى ٴداستۇرلى رەسەپتىمەن قالا تۇرعىندارىنا ارناپ 700 كيلوگرامنان استام «قازاقشا ەت» ۇلتتىق تاعامىن دايىندايدى.

اكسيا اياسىندا شىعارماشىلىق ۇجىمدار مەن قازاق اندەرىن ورىنداۋشىلارىنىڭ قاتىسۋىمەن مەرەكەلىك كونسەرت، ۇلتتىق تاعامدى دايىنداۋ بويىنشا شەبەرلىك ساباقتار مەن جەردىڭ وڭتۇستىك جانە سولتۇستىك پوليۋستەرىن باعىندىرعان قازاق گەوگرافيالىق قوعامىنىڭ مۇشەلەرىمەن كەزدەسۋ ۇيىمداستىرىلادى دەپ جوسپارلانۋدا.

لوندون قالاسىنداعى گيننەسس رەكوردتار كىتابىنىڭ شتاب-پاتەرىنەن كەلگەن سۋپەرۆايزەر «ەلدىڭ ەڭ باستى ۇلتتىق تاعامىن دايىنداۋ» دۇنيەجۇزىلىك رەكوردىن تىركەۋدى جۇزەگە اسىرادى.

اكسياعا قر پارلامەنتى ٴماجىلىسىنىڭ دەپۋتاتتارى، قوعام قايراتكەرلەرى، قازاقستان حالقى اسسامبلەيا، ەتنومادەني بىرلەستىكتەردىڭ مۇشەلەرى، ونەر سالاسىنداعى زيالىلار، جاستار ۇيىمدارىنىڭ جەتەكشىلەرى، گيننەسس رەكوردتار كىتابىنىڭ وكىلدەرى مەن باق قاتىسادى.

ايتا كەتەيىك، بيىل ەلىمىزدە قازاقستان حالقى اسسامبلەياسىنىڭ 20 جىلدىعى تويلانىپ جاتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي