BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قاراعاندىدا جاستار پاتريوتتىق فورۋمى ٴوتتى

استانا. 6 تامىز. baq.kz – شىلدەنىڭ 30-31 ارالىعىندا اقتوعاي اۋدانىندا وبلىس بەلسەندىلەرىنىڭ باسىن قوسقان xii وبلىستىق اۋىل جاستارىنىڭ فورۋمى ايرىقشا قارقىنمەن وتكىزىلدى. بۇل جولعى جاستار فورۋمىنىڭ مازمۇنى دا جىلداعىدان وزگەشە: ەلباسىنىڭ «100 ناقتى قادام» ۇلتتىق جوسپارى باعىتى بويىنشا كوپتەگەن باستامالاردىڭ باعىتى انىقتالدى.

نەگىزگى مىندەتتەردىڭ ىشىندەگى ماڭىزدىلارى - مەملەكەتتىك جاستار ساياساتىنىڭ اۋىلدىق جەرلەردە جۇزەگە اسىرىلۋىن قاداعالاۋ، جاس كوشباسشىلاردىڭ تاجىريبە الماسۋى جانە اۋىل جاستارىنا سالماقتى سالالاردا قولداۋ كورسەتۋ.

وزەكتىلىگى كۇندەلىكتى ارتىپ كەلە جاتقان تاقىرىپتاردىڭ ٴبىرى – ۇلتتار بىرلىگى مەن مەملەكەتىمىزدىڭ تۇتاستىعى. اۋىلدىق ەلدى-مەكەندە بۇل ماسەلە ٴوز ماڭىزدىلىعىن جويعان جوق. بۇل تاراپتا وتكىزىلىپ جاتقان شارۋالار دا از ەمەس. ونىڭ ٴبىرشاماسى اجىراماس تاتۋلىقتى نىعايتۋعا باعىتتالعان وبلىستىق اسسامبلەيا باستامالارى. وسى ورايدا قاراعاندى وبلىستىق اسسامبلەيا حاتشىلىعىنىڭ باسشىسى ە.قۇسايىن جاستار فورۋمىندا قازاقستاننىڭ بىرتەكتىلىگى مەن بىرەگەيلىگىن بەكىتە تۇسۋگە ارنالعان مەملەكەت باسشىسىنىڭ «100 ناقتى قادام» - قازاقستان رەسپۋبليكاسىنىڭ دامىعان مەملەكەتتەردىڭ وتىزدىعىنا كىرۋ جونىندەگى جوسپارى اياسىندا ٴسوز سويلەدى. ٴوز ٴسوز كەزەگىندە ە. قۇسايىن مىرزا ۇلتتىق جوسپارداعى بىرتەكتىلىك پەن بىرلىك باعىتى بويىنشا جاسالىنىپ جاتقان جۇمىستارعا توقتالا كەتىپ، بۇل سالادا 6 ناقتى قادام قاراستىرىلعانىن اتاپ ٴوتتى:

- اتالمىش رەفورمانى جۇزەگە اسىرۋداعى ەڭ العاشقى قادام – «ماڭگىلىك ەل» پاتريوتتىق اكتىسىن ازىرلەۋ. قازاقستان حالقى اسسامبلەياسىنىڭ قىزمەتى كولەمى مەن باستى قۇندىلىقتارىمەن تانىستىرۋ جۇمىستارى دا اۋقىمدى اتقارىلدى. ەكىنشىدەن، قازاقستان حالقى اسسامبلەياسىنىڭ كولەمدى جوباسى «ۇلكەن ەل – ۇلكەن وتباسى» كەڭ كولەمدى جوباسىن قاناتتاندىرۋ. ۇشىنشىدەن، ازاماتتىق بىرتەكتىلىكتى نىعايتۋداعى «مەنىڭ ەلىم» ۇلتتىق جوباسىن دامىتىپ، ىسكە اسىرۋ. تورتىنشىدەن، «جالپىعا بىردەي ەڭبەك قوعامى» ۇلتتىق جوباسىن نىق بەلگىلەنگەن ىس-قيمىلدارمەن العا جىلجىتۋ. بەسىنشىدەن، «نۇرلى بولاشاق» جوباسىن دايىنداپ، جۇزەگە اسىرۋ. التىنشى، ول – وسى اتالعان بەس ينستيتۋتتىق رەفورماعا جان-جاقتى اقپاراتتىق قولداۋ كورسەتۋ، - دەپ بارلىق تاراۋعا قىسقا دا نۇسقا توقتالىپ كەتتى.

وبلىستىق اسسامبلەيا حاتشىلىعىنىڭ مەڭگەرۋشىسى ٴسوزىن قورىتىندىلاي كەلە، قاي سالادا بولماسىن اسسامبلەيا اتقارىپ جاتقان قىزمەتتىڭ اۋقىمدى ەكەنىن اتاپ ٴوتتى. قازاق جاستارىنىڭ بولاشاعىنا سەنىم ارتىپ، ولاردىڭ ۇلكەن ٴۇمىت كۇتتىرەتىنىن جەتكىزدى.

 

دانا ساعىنبەك


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي