BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قاراعاندىدا ۇلت جوسپارىنىڭ «بىرتەكتىلىك پەن بىرلىك» باعىتى تالقىلاندى

استانا. 7 تامىز. baq.kz – بۇگىن قاراعاندىدا قر مادەنيەت جانە سپورت ٴمينيسترىنىڭ ورىنباسارى عالىم احمەدياروۆ رەسپۋبليكالىق اقپاراتتىق-ناسيحاتتىق توپ جۇمىسى اياسىندا دوڭگەلەك ۇستەل وتكىزدى.

جيىندا ەلباسى ۇسىنعان بەس ينستيتۋتسيونالدىق رەفورماسىنىڭ «100 ناقتى قادام» ۇلت جوسپارىن ىسكە اسىرۋ كەڭىنەن تاقىلاندى. كەزدەسۋ بارىسىندا عالىم احمەدياروۆ ۇلت جوسپارىنىڭ ٴتورتىنشى باعىتى «بىرتەكتىلىك پەن بىرلىك» تۋرالى جان-جاقتى باياندادى. اتاپ ايتقاندا، 4-باعىتقا قاتىستى التى انىقتالعان قادامنىڭ مىندەتتەرى جانە ونى قالاي ىسكە اسىرۋ جونىندەگى الداعى اتقارىلار جوسپارلاردى جىكتەپ ايتىپ بەردى. سونىڭ ىشىندە قازاقستان حالقى اسسامبلەياسىنا جۇكتەلىپ وتىرعان مىندەتتەرگە توقتالا كەلە، ەل بىرلىگىن نىعايتۋ ٴۇشىن «ۇلكەن ەل – ۇلكەن وتباسى» ۇلت جوباسى جاسالىپ، اسسامبلەيا ونى ىسكە اسىرۋدى قولعا العانىن اتاپ ٴوتتى.

كەزدەسۋ بارىسىندا بيىلعى مەرەكەلەردى اتاپ ٴوتۋ جوسپارى دا ايتىلدى. ەڭ ەرەكشە نازار اۋداراتىندارى - كونستيتۋتسيانىڭ 20 جىلدىعى مەن قازاق حاندىعىنىڭ 550 جىلدىعى ەل تاريحىندا تۇڭعىش رەت اتاپ وتىلەتىن ۇلكەن مەرەكە بولاتىنىن، ونداعى دايىندىق بارىسىنان قىسقا دا نۇسقا اقپارات بەرىپ ٴوتتى. بۇل ورايدا دا جەرگىلىكتى بيلىك ورگاندارى بارلىق شارالاردان تىس قالماسا ەكەن دەگەن ٴوتىنىشىن ٴبىلدىردى.

ايتا كەتەيىك، جيىنعا وبلىستىق باسقارمالاردىڭ باسشىلارى، مادەنيەت مەكەمەلەرىنىڭ قىزمەتكەرلەرى، قازاقستان حالقى اسسامبلەياسىنىڭ مۇشەلەرى، جوعارعى وقۋ ورىندارىنىڭ وقىتۋشىلارى، باق وكىلدەرى قاتىستى.

 

دانا ساعىنبەك


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي