BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قاراعاندى وبلىسىندا «كۇي-كەرۋەن» شەرتپە كۇي ورتالىعى اشىلدى

قاراعاندى وبلىسى قازاقستان حالقى اسسامبلەياسىنىڭ حاتشىلىعىنىڭ باستاماسىمەن، قاراعاندى وبلىسى اكىمى اپپاراتىنىڭ «قوعامدىق كەلىسىم» كمم قولداۋىمەن دوستىق ٴۇيى عيماراتىندا «كۇي-كەرۋەن» شەرتپە كۇي ورتالىعى اشىلدى، دەپ حابارلايدى ۆaq.kz اقپارات اگەنتتىگى قحا رەسمي سايتىنا سىلتەمە جاساپ.

بۇل ورتالىقتىڭ جۇمىسى قازاقستان حالقى اسسامبلەياسىنىڭ «قازاقتانۋ» مادەني-اعارتۋشىلىق جوباسىنىڭ تۇجىرىمداماسىن نەگىزگە الا وتىرىپ، ٴار ۇلت وكىلدەرىنە قازاق حالقىنىڭ مادەنيەتىن، ونەرىن يگەرۋگە ىقپال ەتۋ، جاستاردىڭ بويىنا ۇلتتىق قۇندىلىقتاردى سىڭىرۋگە باعىتتالعان.

قازىرگى زاماندا الەمدەگى جالپى جاھاندانۋ جانە كوممەرسيالاندىرۋ ٴۇردىسى، رۋحاني جانە مادەني سالانى قوسا العاندا، ادام ٴومىرى مەن قوعامنىڭ بارلىق سالاسىن ٴبىر ىزگە سالۋعا پارمەندى ىقپال ەتۋدە.

مۇنداي جاعدايدا بىرەگەيلىكتى ساقتاۋ ٴۇشىن قازاقتىڭ ۇلتتىق قۇندىلىقتارى، تاريحى مەن داستۇرلەرى شوعىرلاندىرۋشى قۇندىلىق بولىپ تابىلاتىنى بارىمىزگە بەلگىلى. سوندىقتان قازاقستان حالقى اسسامبلەياسىنىڭ «قازاقتانۋ» جوباسى — قازاق حالقىنىڭ جالپىقازاقستاندىق ۇلتتىق بىرەگەيلىكتى نىعايتۋدىڭ بىرىكتىرۋشى رۋحاني باستاۋى بولىپ تابىلاتىن مادەني فەنومەندەرىن جانە باستى ىزگىلىكتى كاعيدالارى مەن يمپەراتيۆتەرىن اشۋعا، تاراتۋعا جانە ونى قازاقستاننىڭ بارلىق ەتنوستارىنىڭ قابىلداۋىنا باعىتتالعان اۋقىمدى جوبا.

مىنە وسىناۋ ايتۋلى جوبانى جۇزەگە اسىرۋ ماقساتىندا قۇرىلعان ورتالىقتىڭ العاشقى وتىرىسى ٴوتتى.

«كۇي-كەرۋەن» شەرتپە كۇي ورتالىعىنىڭ العاشقى جيىنىندا قاراعاندى وبلىسى اكىمى اپپاراتىنىڭ «قوعامدىق كەلىسىم» كمم ديرەكتورى ەرلان قۇسايىن ٴسوز كەزەگىن الىپ، ورتالىقتى اشۋداعى نەگىزگى ماقساتتارى مەن مىندەتتەرىنە توقتالدى، ماڭىزدىلىعىن اتاپ ٴوتتى.

«كۇي-كەرۋەن» ورتالىعىنىڭ جەتەكشىسى قايروللا سادۋاقاسوۆ ورتالىقتىڭ جۇمىس جوسپارىمەن تانىستىرىپ، 22 ماۋسىمدا شەت اۋدانىندا داۋلەتبەك سادۋاقاس ۇلىنىڭ 80 جىلدىق مەرەي تويى شەڭبەرىندە وتكەن ٴبىرىنشى رەسپۋبليكالىق شەرتپە كۇي فەستيۆالىنىڭ جۇمىسىنا تالداۋ جاسادى. جيىن بارىسىندا ٴسوز العان قر ۇلتتىق جاراتىلىستانۋ عىلىمدارى جانە حالىقارالىق اقپاراتتاندىرۋ اكادەميالارىنىڭ اكادەميگى، حالىقارالىق «قازاق ٴتىلى» قوعامىنىڭ قاراعاندى وبلىستىق فيليالى ٴتوراعاسى تەمىرعالي كوكەتاي ٴسوز بارىسىندا ۇلتتىق مادەنيەتتى، ونىڭ ىشىندە ونەر سالاسىن دامىتۋعا ۇلكەن جاۋاپكەرشىلىكپەن قاراۋ كەرەك ەكەنىن ەسكەرە كەلە، شەرتپە كۇي ونەرى — قازاقتىڭ ٴتول ونەرى ەكەنىن ەرەكشە اتاپ ايتتى. سونىمەن قاتار، ورتالىق مۇشەلەرى قر مادەنيەت قايراتكەرى، قازاقستاننىڭ قۇرمەتتى ٴجۋرناليسى مۇحامەدقالي بايمۋحانوۆ، قازاقستاننىڭ قۇرمەتتى ٴجۋرناليسى تورەحان مايباس، قازاقستاننىڭ مادەنيەت قايراتكەرى ابىلاي شۋلانبايەۆ، جۋرناليست ايقىن نەسىپباي، حالىق اندەرىن ورىنداۋشى، دومبىرا جاساۋ شەبەرى ەرجان تۇرسىنوۆ ٴوز ويلارىن ورتاعا سالىپ، ورتالىق جۇمىسىنا ساتتىلىك تىلەدى. جيىن بارىسىندا الداعى ۋاقىتتا اتقارىلاتىن جۇمىس جوسپارى تالقىلانىپ، بەكىتىلدى.

جيىن سوڭىندا شەت اۋدانىندا العاش رەت وتكەن ٴبىرىنشى رەسپۋبليكالىق شەرتپە كۇي فەستيۆالىنىڭ جۇمىسىنا بەلسەنە قاتىسقان ازاماتتار ارنايى العىسحاتپەن جانە توسبەلگىمەن ماراپاتتالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي