BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قابىلدانعان باعدارلامالاردى ۇتىر-نۇكتەسىنە دەيىن ورىنداۋ كەرەكپىز – نازاربايەۆ

فوتو: Бауыржан Жуасбаев

مەملەكەت باسشىسى قازاقستان حالقى اسسامبلەياسىنىڭ xxvi سەسسياسىندا ەلىمىزدە قابىلدانعان «بەس الەۋمەتتىك باستاما»، «رۋحاني جاڭعىرۋ» باعدارلامالارىنداعى ايتىلعاندارى ۇتىر-نۇكتەسىنە دەيىن ورىندالۋ كەرەكتىگىن اتاپ ٴوتتى، دەپ حابارلايدى baq.kz ٴتىلشىسى.

سەسسيا سوڭىندا نۇرسۇلتان نازاربايەۆ قحا xxvi سەسسياسىنا قاتىسۋشىلارىنىڭ ۇندەۋىن قابىلدادى.

«ۇندەۋگە قارسىلىق بىلدىرۋشىلەر جوق بولعاندىقتان، ونى قابىلدادىق دەپ سانايمىز جانە ول قازاقستاندىقتاردىڭ بارلىعىنا جاريا ەتىلەدى. ٴبىز بۇگىنگى سەسسيانىڭ اياقتالۋىنا تاقاپ قالدىق. سەسسياعا قاتىسقان جانە ٴسوز سويلەگەن ازاماتتاردىڭ بارلىعىنا ۇلكەن راحمەت. بيىلعى 2018 جىل وتە ماڭىزدى بولدى. ٴبىزدىڭ ەكونوميكامىزدى مودەرنيزاسيالاۋ جونىندە جولداۋىم بولدى، ودان كەيىن «رۋحاني جاڭعىرۋ» جانە مىنە، ٴۇشىنشىسى «بەس الەۋمەتتىك باستاما». ولاردىڭ بارلىعى بىر-بىرىمەن بايلانىستى. ەكونوميكالىق، ساياسي ماسەلەلەردى شەشۋ ٴبىزدىڭ مادەنيەتىمىزدەن، رۋحىمىزدان، ٴبىزدىڭ تۇسىنىگىمىزدەن بولەك قاراستىرىلمايدى»، - دەدى مەملەكەت باسشىسى.

نازاربايەۆ رۋحى بيىك مەملەكەت كەز كەلگەن قيىندىقتاردى جەڭە الاتىنىن ايتىپ، وسى ورايدا، 16 ملن عانا حالقى بار ۆەتنام حالقىنىڭ رۋحىن امەريكالىقتار سوعىسپەن دە جەڭە الماعانىن ايتتى.

«ٴبىزدىڭ جەر بەتىندە جالعىز وتانىمىز بار. ول – قازاقستان. سوندىقتان، ٴبىز وسىندا تۇرامىز، بۇل ەل قانداي بولادى، ٴبىزدىڭ جانە بالالارىمىزدىڭ ٴومىرى قانداي بولادى، مۇنىڭ بارلىعى ٴوز قولىمىزدا. سوندىقتان، قابىلدانعان جانە ماقۇلدانعان باعدارلامالاردىڭ بارلىعىن ورىنداۋ اسا ماڭىزدى. «بەس الەۋمەتتىك باستاما»، «رۋحاني جاڭعىرۋ» باعدارلامالارى ٴبىز قابىلداعان اسا ماڭىزدى شەشىم دەپ سانايمىن. سول سەبەپتى، ٴبىز وندا ايتىلعاننىڭ بارلىعىن ۇتىر-نۇكتەسىنە دەيىن ورىنداۋ كەرەكپىز. ول ٴۇشىن بىزدە ٴبارى بار، قارجى بار، ادامدار بار. سوندىقتان جۇمىس ىستەيىك»، - دەدى مەملەكەت باسشىسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي