BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ع.تەلەبايەۆ: قحا جانىندا مەدياسيا ورتالىعى اشىلادى

استانا. 6 تامىز. baq.kz – كەلەر جىلى رەسپۋبليكادا قحا جانىنداعى مەدياسيا ورتالىعى اشىلادى، ول قوعامدىق كەلىسىم سالاسى بويىنشا قىزمەت ىستەيتىن بولادى. بۇل جايىندا استانادا مەدياسيا سالاسىنىڭ ساراپشىلارى باس قوسقان حالىقارالىق جيىندا «قوعامدىق كەلىسىم» رمب ديرەكتورىنىڭ ورىنباسارى عازيز تەلەبايەۆ مالىمدەدى.

- ەلباسى ٴوز سوزىندە 2016 جىلعا دەيىن قازاقستاندا مەدياسيا ورتالىعى اشىلۋ كەرەك دەگەن بولاتىن. سونداي-اق، ول مەدياسيا قۇرىلىمدارىن ۇلتتىق جانە جەكە كومپانيالاردا قۇرۋ كەرەكتىگىن اتاپ كورسەتتى. سول سەبەپتەن، بۇگىننەن باستاپ وسى ٴىستى قولعا الىپ، يسپان جانە بولگار ساراپشىلارىنىڭ، وتاندىق مامانداردىڭ باسىن قوسىپ وتىرىس وتكىزىپ وتىرمىز. ٴبىز مەدياسيامەن بايلانىستى ماسەلەلەردى تالقىلايمىز، سونداي-اق، مەدياسيادان تىس كەڭىرەك اۋقىمداعى ماسەلەلەردى قارايتىن بولامىز. كەلەر جىلى مەدياسيا ورتالىعى قحا جانىنان قۇرىلادى. سونداي-اق، باسقا وڭىرلەردە دە قوعامدىق كەلىسىم مۇشەلەرى، قحا وكىلدەرى، دوستىق ۇيلەرىنىڭ قىزمەتكەرلەرى وسى جۇمىستى اتقاراتىن بولادى، - دەدى عازيز تەلەبايەۆ.

ايتا كەتەيىك، مەدياسيا – داۋ-جانجالداردى سوتتىڭ قاتىسۋىنسىز شەشۋ دەگەن ماعىنانى بىلدىرەدى. قازىرگى تۇسىنىكتەگى مەدياسيا xx عاسىردىڭ ەكىنشى جارتىسىندا اقش پەن اۆستراليادا دامي باستادى، سودان كەيىن ەۋروپاعا تارالا باستاعان. ال، الەم بويىنشا مەدياسيا 20 عاسىردىڭ ٴ70-شى جىلدارىنان كەڭىنەن قولدانىسقا ەنە باستادى.

- مەدياسيانى پايدالانۋ العاش رەت وتباسىلىق قاتىناس اراسىنداعى داۋلاردى شەشۋ بارىسىندا قۇرىلعان بولاتىن. كەيىننەن ول وتباسىلىق داۋلاردان باستاپ كوممەرسيالىق جانە باسقا دا سالاداعى كوپتاراپتى كۇردەلى داۋلاردى شەشۋدى قولعا العان. نەگىزگى ورتالىقتىڭ اشىلۋ ماقساتى - ەتنوسارالىق جانە الەۋمەتتىك جانجالداردى بولدىرماۋ. مىسالى، كوپشىلىگى مەدياسيا دەگەن ۇعىمدى جانجالدى سوتقا جەتكىزبەي شەشۋ دەپ تۇسىنەدى. ٴبىزدىڭ تۇسىنىگىمىز تەرەڭدەۋ. ياعني، ونداي جانجالداردى قوعامدا بولدىرماۋىن قاداعالاۋ، - دەدى تەلەبايەۆ ٴوز سوزىندە.

ايتا كەتەيىك، ٴىس-شاراعا حالىقارالىق ساراپشى مەدياتورلار، بولگاريادان، يسپانيا مەن رەسەيدەن كەلگەن عالىمدار، قر پارلامەنتى ٴماجىلىسىنىڭ دەپۋتاتتارى، قحا مۇشەلەرى مەن قازاقستان مەدياسيا ورتالىقتارىنىڭ وكىلدەرى قاتىستى. 

 

دانا ساعىنبەكقىزى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي