BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پرەزيدەنتتىڭ قاتىسۋىمەن مەرەكەگە ارنالعان تەاترلاندىرىلعان قويىلىم باستالدى

فوتو: Нұржас Жақсыбай

بۇگىن استانادا «قازاق ەلى» مونۋمەنتى الدىنداعى الاڭدا قر پرەزيدەنتى نۇرسۇلتان نازاربايەۆتىڭ قاتىسۋىمەن 1 مامىر قازاقستان حالقىنىڭ بىرلىگى كۇنىنە ارنالعان «رۋحاني جاڭعىرۋ – بىرلىك پەن تۇتاستىق نەگىزى» اتتى تەاترلاندىرىلعان قويىلىمى ٴوتىپ جاتىر، دەپ حابارلايدى baq.kz ٴتىلشىسى.

1 مامىر مەرەكەسىنە ارنالعان حالىقتىق سەرۋەن «قازاق ەلى» مونۋمەنتى الدىنداعى الاڭدا ساعات 11.00-دە باستالدى. قالا تۇرعىندارى مەن قوناقتارى ۇلتتىق مادەني بىرلەستىكتەردىڭ شىعارماشىلىق ۇجىمدارىنىڭ، استانا قالاسى مەملەكەتتىك اكادەميالىق فيلارمونياسى ارتيستەرىنىڭ جانە وتاندىق ەسترادا جۇلدىزدارىنىڭ قاتىسۋىمەن «رۋحاني جاڭعىرۋ – بىرلىك پەن تۇتاستىق نەگىزى» اتتى تەاترلاندىرىلعان قويىلىمدى تاماشالادى. كونسەرتتىك باعدارلامانى تۋرەسكيي حورىنىڭ «پرازدنيك پەسني» ٴان كەشى جالعاستىرادى. ەرلەر ۇجىمىمەن بىرگە ساحنا تورىندە تۋرەسكييدىڭ soprano ايەلدەر توبى ونەر كورسەتپەك. ايگىلى رەسەيلىك توپتان كەيىن ساحنا تورىندە قازاقستان حالقى اسسامبلەياسىنىڭ ەتنومادەني بىرلەستىكتەرى ونەر كورسەتەدى.

ودان باسقا «قازاق ەلى» مونۋمەنتىنىڭ الدىنداعى الاڭدا قازاق كۇرەسى، ارقان تارتىس، اسىق اتۋ، گىر تاسىن كوتەرۋ جانە قول كۇرەس سىندى ۇلتتىق سپورت تۇرلەرىنەن جارىستار وتكىزىلەدى.

وسى كۇنى ساعات 13.00-دە «بايتەرەك» مونۋمەنتىنىڭ الدىنداعى الاڭدا «دوستىق شەرۋى» ۆەلوشەرۋى باستاۋ الادى. شارا ەلوردادا ۆەلوسيپەد تەبۋ ماۋسىمىن اشادى. سونىمەن قاتار ساعات 15:00-دە دومبىراشىلاردىڭ ورىنداۋىندا « ۇلى دالا ٴۇنى» اتتى فلەشموب ۇيىمداستىرىلادى. شارا بارىسىندا 500 ادام قۇرمانعازىنىڭ ايگىلى «سارىارقا» كۇيىن كوپشىلىك نازارىنا ۇسىناتىن بولادى.

بۇدان باسقا، قالانىڭ كىتاپحانالارىندا، مۋزەيلەرىندە، تەاترلارىندا جانە باسقا دا مادەنيەت مەكەمەلەرىندە بىرلىك پەن دوستىق مەرەكەسىنە ارنالعان تاقىرىپتىق كورمەلەر، سپەكتاكلدەر مەن كونسەرتتەر وتكىزىلەدى.

1 مامىردا قۋىرشاق تەاترى ٴوز كورەرمەندەرىنە «ۆمەستە مى ودنا سترانا» اتتى قۋىرشاقتار كونسەرتىن ۇسىنادى. م.گوركيي اتىنداعى مەملەكەتتىك اكادەميالىق ورىس دراما تەاترىندا «زولوتوي سىپلەنوك» سپەكتاكلىنىڭ، ال ق.قۋانىشبايەۆ اتىنداعى قازاق تەاترىندا «قىزىل الما» كومەدياسى وتەدى.

2 مامىردا ساكەن سەيفۋللين مۋزەيىنىڭ ۇجىمى قالالىق مادەنيەت ورتالىقتارىنىڭ وكىلدەرىمەن «باقىت مەكەنى – استانا» تاقىرىبىندا كەزدەسۋ وتكىزەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي