BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ە.اپحاۆازا: قازاق پەن گرۋزين اراسىنداعى باستى ۇقساستىق - قوناقجايلىقتا

 استانا. 15 شىلدە. baq.kz – بۇگىندە ەلوردادا گرۋزين ۇلتىنىڭ 100 جۋىق وكىلى تۇرىپ جاتىر. ولاردىڭ باسىم بولىگى 2010 جىلى اشىلعان «كولحەتي» گرۋزين مادەني-قوعامدىق ورتالىعىنىڭ مۇشەلەرى.

 اتالعان ورتالىق ٴتوراعاسى ەلگۋدجا اپحاۆازا ٴوزىنىڭ سۇحباتىندا ەلىمىزدەگى وزگەرىستەردەن تىس قالماي، گرۋزين بىرلەستىگىن قۇرۋعا اتسالىسقانىن جەتكىزدى.

ونىڭ ايتۋىنشا، بۇگىندە قازاقستان حالقى اسسامبلەياسى بارلىق ۇلتتار مەن ۇلىستاردى ٴبىر شاڭىراق استىنا جيناعان ٴىرى ينستيتۋتقا اينالدى. ەلىمىزدىڭ تۇكپىر-تۇكپىرىندە كۇن سايىن ٴتۇرلى مادەني شارالار ۇيىمداستىرىلىپ، كونسەرتتەر وتەدى. مۇنىڭ ٴبارى ەل ىشىندەگى بەرەكە مەن بىرلىكتىڭ، تىنىشتىقتىڭ ساقتالۋىنا زور ۇلەسىن قوسۋدا.

- مەن گرۋزياعا بارعان سايىن وزىممەن بىرگە ۆيدەوعا تۇسىرىلگەن بەينە بايانداردى الىپ بارامىن. سول جەردەگى اعايىندارعا قازاقستانداعى ٴومىرىمىزدى كورسەتەمىن، ول ٴبىزدىڭ اسسامبلەيا تىنىسىنا ۇلكەن قىزىعۋشىلىق تانىتۋدا، - دەيدى ە. اپحازاۆا.

اپحاۆازانىڭ سوزىنشە، قازاق پەن گرۋزيننىڭ اراسىنداعى باستى ۇقساستىق - قوناقجايلىلىق پەن مەيىرىمدىلىك.

گرۋزين حالقىنىڭ ٴداستۇرلى تاعامى حاچاپۋري ەكەنىن بىلمەيتىن جان جوق شىعار. بۇل تاعامنىڭ دايىندالۋ ٴتاسىلى قاراپايىم: ۇن مەن برىنزا. بۇل قاراپايىمدىلىق تاعامنىڭ ۇمىتىلماس ٴدامىن ارتتىرا تۇسپەسە، كەمىتپەيدى.

گرۋزين مادەني-قوعامدىق بىرلەستىگىنىڭ ٴتوراعاسى بارشا قازاقستاندىقتارعا شىن جۇرەكتەن ٴوز تىلەگىن ارنادى:

- قازاقستان حالقىنا تىنىشتىق، ىنتىماق تىلەيمىن. بۇل بۇگىندە بارشا الەمدەگى ەڭ وزەكتى ماسەلە. ەلباسىمىزدىڭ، حالقىمىزدىڭ ارقاسىندا ەلىمىزدە بەيبىتشىلىك ۇستەمدىك ەتۋدە، ەڭ ماڭىزدىسى وسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي