BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

دامىعان 30 ەلدىڭ قاتارىنا قوسىلۋ ٴۇشىن اعىلشىن ٴتىلىن دە مەڭگەرۋىمىز قاجەت - ا.ٴسادۋاقاسوۆا

استانا. 18 شىلدە. baq.kz – قازاقستاننىڭ الەمنىڭ دامىعان 30 ەلىنىڭ قاتارىنا كىرۋى ٴۇشىن حالىق قازاق جانە ورىس تىلدەرىمەن قاتار اعىلشىن ٴتىلىن دە مەڭگەرۋى ٴتيىس. قر پرەزيدەنتى جانىنداعى مەملەكەتتىك باسقارۋ اكادەمياسى ەتنوسارالىق قاتىناستاردى زەرتتەۋ ورتالىعىنىڭ جەتەكشىسى ايگۇل ٴسادۋاقاسوۆا وسىنداي پىكىردە. بۇگىن وكق الاڭىندا قحا-نىڭ 20 جىلدىعىنا ارنالعان بريفينگ ٴوتىپ، وعان اسسامبلەيانىڭ عىلىمي ساراپشىلىق كەڭەسى مۇشەلەرى قاتىسقان بولاتىن. 

«قحا-نىڭ باستى ماقساتى - كوپ ۇلتتتى ەلىمىزدە ۇلتارالىق تاتۋلىقتى ساقتاۋ، ۇلتتىق-مەملەكەتتىك ٴبىرتۇتاستىقتى قالىپتاستىرۋ، قازاقستاندىق ٴپاتريوتيزمدى نەگىز ەتە وتىرىپ، ۇلتتىڭ باسەكەگە قابىلەتتىلىگىن ارتتىرۋ بولىپ تابىلادى. ال، دامىعان وركەنيەتتى 30 ەلدىڭ قاتارىنا قوسىلۋ ماقساتىندا جۇرگىزىلىپ وتىرعان «ٴۇشتۇعىرلى ٴتىل» ساياساتى، شىن مانىندە، ەلدىڭ ەرتەڭى ٴۇشىن كەرەك نارسە. قاي زاماندا بولسىن، بىرنەشە ٴتىلدى مەڭگەرگەن مەملەكەتتەر مەن حالىقتار ٴوزىنىڭ كوممۋنيكاسيالىق جانە ينتەگراسيالىق قابىلەتىن كەڭەيتىپ وتىرعان. بۇگىنگى تاڭدا قازاقستان ٴۇشىن ٴۇشتۇعىرلى ٴتىل – ەلدىڭ باسەكەگە قابىلەتتىلىككە ۇمتىلۋىنىڭ ٴبىرىنشى باسپالداعى. ويتكەنى، بىرنەشە تىلدە ەركىن سويلەي دە، جازا دا بىلەتىن قازاقستاندىقتار ٴوز ەلىندە دە، شەتەلدە دە باسەكەگە قابىلەتتى تۇلعاعا اينالادى. سونىمەن قاتار، دامىعان 30 ەلدىڭ قاتارىنا كىرۋگە مۇمكىندىك الادى» دەدى ا.ٴسادۋاقاسوۆا.

سونداي-اق، ول جۋىردا قازاقستان حالقى اسسامبلەياسى جانە رەسەي حالىقتارى اسسامبلەياسى وكىلدەرى باس قوسىپ، ەكىجاقتى سەرىكتەستىكتىڭ نىعايا تۇسكەنىن حابارلادى.

«جاقىندا قازاقستان حالقى اسسامبلەياسى جانە رەسەي حالىقتارى اسسامبلەياسى وكىلدەرى باس قوسقان بولاتىن. جالپى، جيىندا رەسەيلىك قوناقتار ۇلتارالىق بىرلىك پەن تاتۋلىقتى تۋ ەتكەن قازاقستاننان ۇيرەنەتىندەرى كوپ ەكەنىن العا تارتى. سونداي-اق، جيىنعا قاتىسۋشىلار نۇرسۇلتان نازاربايەۆتىڭ «100 ناقتى قادام» ۇلت جوسپارى جونىندە وزدەرىنىڭ جىلى لەبىزدەرىن بىلدىرە كەلىپ، قازاقستاندىق بىرەگەيلىك پەن ىنتىماقتى نىعايتۋدىڭ تەتىكتەرىنە باسا نازار اۋداردى» دەدى ول ٴوز سوزىندە.

دانا ساعىنبەكقىزى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي