BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

باتىس تيان-شاندا «قازاقستان حالقى اسسامبلەياسى» دەپ اتالاتىن شىڭ پايدا بولدى

استانا. 1 تامىز. baq.kz – وڭتۇستىك قازاقستان وبلىسىنداعى سايرام-وگەم شاتقالىنىڭ شىعىس جاق بەتىندە ورنالاسقان اسۋدىڭ بيىكتىگى 3 مىڭ 535 مەتر. ال تاجىريبەلى الپينيستەر باستاعان ەرىكتىلەر توبى ادام ٴىزى باسپاعان تاۋ شىڭىن باعىندىرىپ، دوستىقتىڭ سيمۆولىنا اينالعان اسۋدا ەلىمىزدىڭ كوك بايراعى مەن اسسامبلەيا تۋىن جەلبىرەتۋگە اتتانىپ كەتتى دەپ جازادى 24kz.

توپ جەتەكشىسى جولعا وزىمەن بىرگە ەڭ قاجەتتى دەگەن زاتتاردى عانا تۇگەندەپ الىپ جاتىر. سەبەبى الدا ادام ٴىزى باسپاعان شاتقالدار مەن الىنباعان اسۋ جاتىر. تالاي شىڭدى باعىندىرىپ، قار بارىسى اتانعان الپينيست ٴۇشىن بۇل ساپاردىڭ ورنى بولەك.

شاميل رافيكوۆ، تاۋ نۇسقاۋشىسى:

- شىڭعا قاراي قيىن دا اۋىر جولدارمەن جۇرەمىز. سازان اتا شاتقالىن بويلاي وتىرىپ، كەشكە قاراي ۇلكەن بالالار جازىعىنا جەتىپ سوندا تۇنەيتىن بولامىز. بۇيىرتسا، ەرتەڭ تاڭەرتەڭ جولعا شىعىپ، شىڭعا جەتەمىز دەپ ويلايمىن. ەلىمىزدەگى تۇراقتىلىقتىڭ سيمۆولى بولعان شىڭدى باعىندىرۋ – مەن ٴۇشىن باقىت.

ال، كاسىپقوي فوتوگراف بوگدان رۋدەنكو بۇل ساپارعا العاشقىلاردىڭ ٴبىرى بولىپ قاتىسۋعا نيەت ٴبىلدىرىپتى. جول اۋىر. دەگەنمەن مۇنداي ساتتەر كەلە بەرمەيدى. «سوندىقتان شىڭعا شىعىپ، قايتالانباس كاردلار ٴتۇسىرىپ قايتقىم كەلدى»، - دەيدى سۋرەتشى.

بوگدان رۋدەنكو، شاراعا قاتىسۋشى:

- تاۋدا جەڭىل جۇكتىڭ ٴوزى اۋىر بولادى. سوندىقتان مەيلىنشە از ٴارى جەڭىل زاتتار الۋعا تىرىستىم. دەگەنمەن جان سەرىگىم فوتواپپاراتىمدى ۇمىتقان جوقپىن. قانشاما كورىنىستەر مەن تابيعاتتىڭ تاماشا جەرلەرىن ٴتۇسىرىپ قايتامىن دەپ ويلايمىن.

«اسۋدى باعىندىرعىسى كەلگەندەر كوپ بولدى»، - دەيدى شارانى ۇيىمداستىرۋشىلار. دەگەنمەن ولاردىڭ بارىنە بىردەي رۇقسات ەتىلمەگەن. ويتكەنى جىقپىلى كوپ تاۋ شاتقالىندا ٴجۇرۋ ٴقاۋىپتى. ٴتىپتى كەيبىر جەرلەردەن تەك ارقاننىڭ كۇشىمەن عانا وتۋگە بولادى ەكەن. شىڭعا بارار جول الپەنيستەر تىلىمەن ايتقاندا وتە اۋىر اسۋ دەپ باعالانعان. تاريحي ٴساتتىڭ كۋاگەرلەرىنە ساپار الدىندا شىڭعا قويىلاتىن كاپسۋلا سالتاناتتى تۇردە تابىستالدى.

«بۇل ٴبىزدىڭ تاۋلار» دەپ اتالاتىن ٴداستۇرلى فەستيۆالگە قاتىسۋشىلار ەكى كۇن بويىنا سايرام-وگەم شاتقالىنداعى اسەم جەرلەردى ارالاپ، تابيعاتتى تاماشالاپ قايتادى. العان اسەرلەرىن قاعاز بەتىنە ٴتۇسىرىپ، سۋرەت سالۋدان سايىسادى. كەشقۇرىم الاۋ باسىنا جيىلىپ، اۆتورلىق ەڭ ۇزدىك دەگەن اندەردى شىرقاپ، بي بيلەپ تىنىعىپ قايتادى. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي