استانا، baq.kz ٴتىلشىسى. ٴقازىر استانادا «مەملەكەت باسشىسىنىڭ تاپسىرمالارىن ورىنداۋ ٴۇشىن قازاقستان حالقى اسسامبلەياسى كاسىپكەرلەر اسسوسياسياسىنىڭ 5 باستاماسى» اتتى قازاقستان حالقى اسسامبلەياسى كاسىپكەرلەر اسسوسياسياسىنىڭ فورۋمى ٴوتىپ جاتىر.
استانا: 
3862 
0
استانا، baq.kz ٴتىلشىسى. ٴقازىر استانادا «مەملەكەت باسشىسىنىڭ تاپسىرمالارىن ورىنداۋ ٴۇشىن قازاقستان حالقى اسسامبلەياسى كاسىپكەرلەر اسسوسياسياسىنىڭ 5 باستاماسى» اتتى قازاقستان حالقى اسسامبلەياسى كاسىپكەرلەر اسسوسياسياسىنىڭ فورۋمى ٴوتىپ جاتىر.
فورۋم مەملەكەت باسشىسىنىڭ كاسىپكەرلىكتى دامىتۋ جونىندەگى تاپسىرمالاردىڭ شەڭبەرىندە وتاندىق ونىمدەردى جانە قازاقستاندىق كاسىپكەرلەردىڭ يمپورت الماستىرۋ بويىنشا باستامالارىن ناسيحاتتاۋعا باعىتتالعان.
وعان قحا ٴتوراعاسىنىڭ ورىنباسارى - قازاقستان حالقى اسسامبلەياسى حاتشىلىعىنىڭ مەڭگەرۋشىسى ل.پروكوپەنكو، قر پارلامەنتى ٴماجىلىسىنىڭ دەپۋتاتتارى، مەملەكەتتىك ورگان باسشىلارى، قازاقستان رەسپۋبليكاسىنىڭ شەتەلدىك ديپلوماتيالىق وكىلدىكتەردىڭ وكىلدەرى، ىسكەرلىك-قاۋىمداستىق، جاس ستارتاپشىلار، ەتنومادەني بىرلەستىكتەردىڭ باسشىلارى مەن مۇشەلەرى جانە ت.ب. قاتىسۋدا.
فورۋم اياسىندا قازاقستان حالقى اسسامبلەياسى كاسىپكەرلەر اسسوسياسياسى قۇرامىنا كىرەتىن وتاندىق تاۋار وندىرۋشىلەردىڭ، قولونەرشىلەردىڭ، جاستار ستارتاپشىلاردىڭ ونىمدەر كورمەسى ۇيىمداستىرىلدى.
قحا كاسىپكەرلەر قاۋىمداستىعىنىڭ قۇرامىنا كىرەتىن وتاندىق تاۋار وندىرۋشىلەردىڭ ٴبىرى «ۆيركرو» جشس ديرەكتورى ابىلاي ساعالباي ۇلى تۇرمىستىق، قۇرىلىس ٴارى مەديسينالىق زاتتاردى قالدىقتان ٴوندىرىپ شىعاراتىن كاسىپورىندى باسقارادى. ول كورمەدە ٴوز ٴونىمىن ۇسىندى.
«اۋراحانالار مەن قوقىس ۇيىندىلەرىنەن الىنعان قالدىقتاردى قايتا وڭدەپ شىعارامىز. كاسىپورنىمىزدا 5 ادام جۇمىس ىستەيدى. جۇمىستاردى ىڭعايلاندىرساق، ايىنا 45 توننا تازا بيتۋم شىعارا الامىز. بۇگىندە ول ٴونىم قازاقستان نارىعىندا كەم دەگەندە 130 مىڭ تەڭگە تۇرادى. ال ونىڭ ٴوز باعاسى 20 مىڭ تەڭگە بولىپ وتىر. يمپورتتى الماستىرۋ جانە جاڭا جۇمىس ورىندارىن قۇرۋدى جۇزەگە اسىرىپ جاتىرمىز»، - دەدى كاسىپكەر.
ديرەكتوردىڭ ايتۋىنشا، كاسىپورىن اۋانى لاستامايتىن تەحنولوگيالارمەن جۇمىس ىستەيدى.
«ٴبىزدىڭ نارىقتا 2012 جىلدان باستاپ جۇمىس ىستەپ جاتىرمىز. كەزەڭدەپ جۇمىس كولەمىن ارتتىرىپ جاتىرمىز. رەسەي تەحنولوگياسىن تاجىريبەدە قولدانامىز. ٴونىم ساپالى بولۋ ٴۇشىن تاجىريبەمىزدى جاقسارتىپ، جەتىلدىرىپ تۇرامىز. كەيدە تۇرمىستىق قالدىقتاردى رەسەيدەن، بەلارۋستەن جەتكىزەتىن جاعدايلار بولادى. سەبەبى، بىزدە قوقىستى جينايتىن الاڭعا قارجى جەتىسپەي جاتادى. سوندىقتان دا بىزگە سىرتتان جەتكىزىلگەن قالدىق تيىمدىرەك»، - دەدى ول.
قحا كاسىپكەرلەر اسسوسياسياسىنىڭ 5 باستاماسى مىناداي:
1. اگروونەركاسىپ كەشەنىنىڭ الەۋەتىن ىسكە اسىرۋ - عىلىمي اگرارلىق-يننوۆاسيالىق ورتالىق قۇرۋ، اق شاشتى تاجىريبەلى ادامداردى بەلسەندى، اۋىل شارۋاشىلىعى سالاسىنداعى بەدەلدى شەتەلدىك جانە وتاندىق مامانداردى تارتۋ;
2. جاستار كاسىپكەرلىگىن قولداۋ – جاس، باستاماشىل كاسىپكەرلەردى قولداۋ، اۋىلدىق جەرلەردە كاسىپكەرلىكتى دامىتۋ، وڭىرلەردە جاستاردى قولداۋ ورتالىعىن قۇرۋ;
3. يمپورتتى الماستىرۋ جانە كووپەراسيا ورتالىعىن دامىتۋ - حالىق تۇتىناتىن تاۋارلاردى وندىرەتىن كاسىپورىنداردىڭ («قاراپايىم زاتتاردىڭ ەكونوميكاسى») ىنتىماقتاستىعىن دامىتۋ;
4. تەحنولوگيا جانە قۇزىرەتتەردى بەرۋ - زاماناۋي تەحنولوگيالاردى تارتۋ، كاسىپكەرلەرگە جاڭا بيزنەس داعدىلارىن ۇيرەتۋ;
5. جاسىل ەكونوميكا - تابيعي رەسۋرستاردى ۇتىمدى پايدالانۋعا باعىتتالعان جوبالاردى قولداۋ جانە ىلگەرىلەتۋ، تابيعات پايدالانۋشىلارىنىڭ وداعىن، كوگالداندىرۋشىلار كونسورسيۋمىن قۇرۋ.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2602
0