BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا «دوستىق ٴۇشىن» ۆەلوشەرۋىنە 1100-دەن استام ادام قاتىستى

فوتو: Нұржас Жақсыбай

1 مامىردا استانادا «بايتەرەك» مونۋمەنتىنىڭ الدىنداعى الاڭدا قازاقستان حالقىنىڭ بىرلىگى كۇنىنە وراي 1100-دەن استام ادام قاتىسقان «دوستىق شەرۋى» اتتى ۆەلوشەرۋ ٴوتتى، دەپ حابارلايدى baq.kz ٴتىلشىسى.

ۆەلوشەرۋ ساعات 13:00-دە دوستىق كوشەسىنەن باستالىپ، قاتىسۋشىلار استانانىڭ سول جاعالاۋىمەن ٴجۇرىپ ٴوتتى. مارشرۋتتىڭ ۇزىندىعى - 4 100 مەتر. سپورتتىق ٴىس-شارا ەلوردانىڭ 20-جىلدىعى جانە «رۋحاني جاڭعىرۋ» باعدارلاماسى اياسىندا جۇزەگە اسىرىلادى.

«استانا قالاسى اكىمدىگىنىڭ اتىنان قازاقستان حالقى بىرلىگى كۇنى مەرەكەسىمەن قۇتتىقتاۋعا رۇقسات ەتىڭىزدەر. بۇگىنگى ۆەلوشەرۋىمىزگە 1 000-نان استام ادام قاتىسقالى وتىر. مەنىڭ ويىمشا، بۇل تاماشا نارسە. ەلوردانىڭ الدىنا ەلباسىنىڭ قويىپ وتىرعان كوپ تالاپتارى بار: سونىڭ ٴبىرى اسىرەسە سپورتپەن اينالىساتىن استانالىقتاردىڭ سانىن كوبەيتۋ. بۇقارالىق سپورت تۇرلەرىن كەڭىرەك دامىتۋ، مىنە وسىنىڭ ناعىز ايعاعى بۇگىنگى ۆەلوشەرۋگە كەلىپ وتىرعاندارىڭىز. ٴاربىرىڭىزدى بۇگىنگى مەرەكەمەن قۇتتىقتايمىن. ارنايى دايىندالىپ، وسىندا كەلىپ ۆەلوشەرۋگە تىركەلگەندەرىڭىز ٴۇشىن سىزدەرگە راحمەت»، - دەدى استانا قالاسى اكىمىنىڭ ورىنباسارى ەرمەك امانشايەۆ.

ول جاريالانعانىنا ٴبىر جىل بولعان ەلباسىنىڭ «رۋحاني جاڭعىرۋ» باعدارلاماسىنىڭ قالاي ورىندالىپ جاتقانىنا وسىنداي بۇقارالىق ٴىس-شارالار ايقىن دالەل بولىپ وتىرعانىن اتاپ ٴوتتى.

«رۋحاني جاڭعىرۋ» دەگەن جاڭا داستۇرلەردىڭ پايدا بولۋى... قالامىزدى بىرىكتىرە تۇسەتىن، اۋقىمدى ٴارى جاقسى ىستەرگە جۇمىلدىرا تۇسەتىن وسىنداي ۆەلوجارىستار، داستۇرلەر كوبەيە بەرسىن»، - دەدى امانشايەۆ.

شاراعا الەمدىك دەڭگەيدە ەل نامىسىن قورعاپ جۇرگەن تانىمال ۆەلوشاباندوزدار، بەلگىلى سپورتشىلار، ەتنو-مادەني بىرلەستىكتەردىڭ وكىلدەرى، سونداي-اق، جاسى 12-دەن اسقان ەلوردا تۇرعىندارى مەن قوناقتارى قاتىسادى. مۇنىمەن قوسا، ۆەلوشەرۋگە «استانا» پرەزيدەنتتىك كلۋبىنىڭ «astana pro team» كاسىپقوي كومانداسىنىڭ وكىلى دميتريي گرۋزدەۆ تە شاقىرىلدى.

ۆەلوشەرۋ اياقتالعان سوڭ تىركەلگەن قاتىسۋشىلار اراسىندا ۆەلوسيپەدتەر مەن باسقا دا باعالى سىيلىقتار ويناتىلادى. جاپپاي شارا قالا تۇرعىندارىن بەلسەندى جانە سالاۋاتتى ٴومىر سالتىنا باۋلۋ، سونداي-اق كۇندەلىكتى ومىردە ۆەلوسيپەدپەن ٴجۇرۋدى دارىپتەۋ ماقساتىندا استانا قالاسىنىڭ مادەنيەت جانە سپورت باسقارماسىمەن ۇيىمداستىرىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي