BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا 500 دومبىراشى ٴبىر مەزەتتە قۇرمانعازىنىڭ كۇيىن تارتتى

فوتو: Нұржас Жақсыбай

استانادا «بايتەرەك» مونۋمەنتىنىڭ الدىندا 1 مامىر – قازاقستان حالقىنىڭ بىرلىگى كۇنىنە وراي 500 دومبىراشىدان قۇرالعان وركەستر قالا تۇرعىندارى مەن قوناقتارىنا ارناپ قۇرمانعازىنىڭ كۇيلەرىن ورىندادى، دەپ حابارلايدى baq.kz ٴتىلشىسى.

سونىمەن قاتار فلەشموبقا بەلگىلى ايتىسكەر اقىندار دا قاتىستى. مۇحتار نيازوۆ، سەرىكزات دۇيسەنعازين مەن مەيىربەك سۇلتانحان كۇيشىلەرگە ارناپ ارناۋ ايتتى. سونداي-اق، «nomad» ينسترۋمەنتالدى جوباسى ٴوزىنىڭ تانىمال كومپوزيسيالارىن ورىندادى.

«بۇل شارا استانا قالاسى مادەنيەت جانە سپورت باسقارماسىنىڭ قولداۋىمەن «بايتاق» قوعامدىق قوزعالىسىنىڭ ۇيىمداستىرۋىمەن مادەني مۇرامىز بەن ۇلتتىق رۋحاني قۇندىلىقتارىمىزدى كەڭ كولەمدە ناسيحاتتاۋ ماقساتىندا وتكىزىلىپ وتىر. قازاقتىڭ كۇيى ارقىلى جاستاردى پاتريوتيزمگە، وتانسۇيگىشتىككە، ۇلتجاندىلىققا شاقىرعىمىز كەلەدى. قازاقستان حالقىنىڭ بىرلىگى كۇنىنە تۇسپا-تۇس كەلگەن بۇل شارامىزعا 500 دومبىراشى قاتىسىپ وتىر. ولار قازاق ۇلتتىق ونەر ۋنيۆەرسيتەتىنىڭ، ل.گۋميلەۆ اتىنداعى ەۇۋ-دىڭ، اگرارلىق ۋنيۆەرسيتەتتىڭ ستۋدەنتتەرى، وقۋشىلار سارايى مەن №3 مۋزىكالىق مەكتەپتىڭ وقۋشىلارى جانە قالا تۇرعىندارى. الداعى ۋاقىتتا مۇنداي فلەشموبتى بۇدان دا اۋقىمدى ەتىپ وتكىزۋ جوسپاردا بار»، - دەدى «بايتاق» قوعامدىق قوزعالىسىنىڭ ٴتوراعاسى جاڭارعان قۇرال ۇلى.

فلەشموب قازاق حالقىنىڭ مادەنيەتى مەن مۋزىكاسىن دامىتۋ، پاتريوتتىققا تاربيەلەۋ ماقساتىندا استانا قالاسىنىڭ مادەنيەت جانە سپورت باسقارماسىمەن ۇيىمداستىرىلدى.

ايتا كەتسەك، جان-جاقتان جينالعان 500 دومبىراشى بۇل فلەشموبقا dombyra-flashmob.kz سايتىنا تىركەلۋ ارقىلى قاتىسىپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
30 جەلتوقسان 2018, 18:34
500 مىڭ تەڭگە ايلىق تىلەيمىن!
كوممەنتاريي