BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا قحا جانە رەسەي حالىقتارى اسسامبلەياسى وكىلدەرى باس قوستى

 استانا. 13 شىلدە. baq.kz – بۇگىن استاناداعى ۇلتتىق اكادەميالىق كىتاپحانادا قازاقستان حالقى اسسامبلەياسى جانە رەسەي حالىقتارى اسسامبلەياسى وكىلدەرى باس قوستى. ولار «100 ناقتى قادام» ۇلت جوسپارى: قازاقستاندىق بىرەگەيلىك پەن بىرلىكتى نىعايتۋ مىندەتتەرى جانە تەتىكتەرى» اتتى تاقىرىپتا ٴسوز قوزعادى.

 جيىنعا قازاقستان حالقى اسسامبلەياسى، پرەزيدەنت جانىنداعى مەملەكەتتىك باسقارۋ اكادەمياسى جانە «ەۋرازيا حالىقتارىنىڭ دوستاستىعى» اۆتونومدى كوممەرسيالىق ەمەس ۇيىمى (رەسەي فەدەراسياسى) بىرلەسىپ ۇيىمداستىرعان اتالعان دوڭگەلەك ۇستەلگە ەلىمىزدىڭ تاراپىنان پرەزيدەنت اكىمشىلىگى قازاقستان حالقى اسسامبلەياسى حاتشىلىعىنىڭ وكىلدەرى، پارلامەنت ٴماجىلىسىنىڭ دەپۋتاتتارى، پرەزيدەنت جانىنداعى «قوعامدىق كەلىسىم» رمم ساراپشىلارى، پرەزيدەنت جانىن­داعى مەملەكەتتىك باسقارۋ اكادەمياسىنىڭ عالىمدارى، قحا عىلىمي-ساراپشىلىق كەڭەسىنىڭ مۇشەلەرى قاتىستى.
ال رەسەي فەدەراسياسىنان كەلگەن دەلەگاسيانىڭ قۇرامىندا رەسەي حالىقتارى اسسامبلەياسى كەڭەسى ٴتوراعاسىنىڭ ٴبىرىنشى ورىنباسارى ۆەناليي امەلين، ورىنبور وبلىستىق زاڭ شىعارۋشى جينالىسىنىڭ دەپۋتاتتارى، وسى وبلىستىڭ قوعامدىق پالاتا مۇشەلەرى، «ەۋرازيا حالىقتارىنىڭ دوستاستىعى» اكۇ-نىڭ عالىمدارى مەن ساراپشىلارى، ورىنبور مەملەكەتتىك ۋنيۆە­سيتەتى وڭتۇستىك ورال ەتنوگرافياسى مەن تاريحى جونىندەگى عىلىمي-زەرتتەۋ ينستيتۋتىنىڭ (عزي)، سونداي-اق، ورىنبور مەملەكەتتىك پەداگوگيكالىق ۋنيۆەرسيتەتىنىڭ وكىلدەرى بولدى.
جالپى، جيىندا رەسەيلىك قوناقتار ۇلتارالىق بىرلىك پەن تاتۋلىقتى تۋ ەتكەن قازاقستاننان ۇيرەنەتىندەرى كوپ ەكەنىن العا تارتى. سونداي-اق، جيىنعا قاتىسۋشىلار نۇرسۇلتان نازاربايەۆتىڭ «100 ناقتى قادام» ۇلت جوسپارى جونىندە وزدەرىنىڭ جىلى لەبىزدەرىن بىلدىرە كەلىپ، قازاقستاندىق بىرەگەيلىك پەن ىنتىماقتى نىعايتۋدىڭ تەتىكتەرىنە باسا نازار اۋداردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي