استانادا قازاقستان حالقى اسسامبلەياسىنىڭ ەتنومادەني بىرلەستىكتەرىنىڭ وتىرىسى ٴوتتى - قحا|10 قاڭتار 2015، 10:27
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا قازاقستان حالقى اسسامبلەياسىنىڭ ەتنومادەني بىرلەستىكتەرىنىڭ وتىرىسى ٴوتتى

استانا. 10 قاڭتار. baq.kz - بيىلعى 2015 جىل قازاقستاندا اسسامبلەيا جىلى بولىپ جاريالاندى. وسىعان وراي ەلىمىزدە ٴىرى ەتنومادەني ٴىس-شارالار وتەدى. استانا اكىمىنىڭ ورىنباسارى ەرمەك امانشايەۆتىڭ توراعالىعىمەن قازاقستان حالقى اسسامبلەياسى ەتنومادەني بىرلەستىكتەرىنىڭ وكىلدەرىنىڭ قاتىسۋىمەن كەزەكتى وتىرىس ٴوتتى،- دەپ حابارلايدى استانا قالاسى اكىمدىگىنىڭ ٴباسپاسوز قىزمەتى.  

تاراتىلعان اقپاراتقا سايكەس، بىررەتتىك اكسيا اياسىندا اسسامبلەيا جىلىنىڭ اشىلۋى 6 اقپاندا بەيبىتشىلىك جانە كەلىسىم سارايىندا ساعات 11.00-دە وتەدى.

ەرمەك امانشايەۆ قاتىسۋشىلاردى قازاقستان حالقى اسسامبلەياسى جىلىمەن قۇتتىقتاپ، ەلوردالىق ەتنومادەني ورتالىقتاردىڭ وسى اتاۋلى جىلدى جوعارى دەڭگەيدە اتاپ وتۋىنە بەلسەندى تۇردە قاتىساتىنىنا سەنىم ٴبىلدىردى.

كەزدەسۋ بارىسىندا «الەف» ەۆرەي مادەني-اعارتۋ قوعامدىق-ساياسي قوعامىنىڭ ٴتوراعاسى گولدبەرگ مويسەي ميحايلوۆيچ، «نۇر وتان» پارتياسى قالالىق فيليالىنىڭ تالداۋ، بولجاۋ جانە الەۋمەتتىك باستامالار ورتالىعىنىڭ باسشىسى، استانا قالاسى قازاقستان حالقى اسسامبلەياسىنىڭ مۇشەسى قازكەنوۆ قازبەك مايلىباي ۇلى، رەسپۋبليكالىق دۇنگەن ەتنومادەني قوعامىنىڭ ٴتوراعاسى، استانا قالاسى ماسليحاتىنىڭ دەپۋتاتى حاحازوۆ شاكير حۋساينوۆيچ تاۋەلسىزدىك پەن ۇلتتىق بىرلىكتى نىعايتۋعا، مادەنيەت ارالىق سۇحباتتى دامىتۋعا جانە قازاقستاندىق پاتريوتتىققا تاربيەلەۋگە قوسقان ەلەۋلى ۇلەستەرى ٴۇشىن قازاقستان حالقى اسسامبلەياسىنىڭ قوعامدىق «بىرلىك» التىن مەدالىمەن ماراپاتتالدى.

قالا باسشىسىىنىڭ ورىنباسارى قازاقستان حالقى اسسامبلەياسىنىڭ ٴرولى ەلىمىزدە كۇننەن كۇنگە ارتىپ وتىرعانىن اتاپ ٴوتتى. بۇل بىرەگەي ينستيتۋت، ساياسي ماڭىزدىلىعىمەن قاتار، قوعامدا الەۋمەتتىك مانگە دە يە. مۇنىمەن قوسا، قازاقستان حالقى اسسامبلەياسىنىڭ قىزمەتى ەلباسىنىڭ تۇراقتى نازارىندا ەكەنىن اتاپ ٴوتىپ، قازاقستان حالقى اسسامبلەياسىنىڭ 21-سەسسياسىندا ن.ٴا. نازاربايەۆ قحا جۇمىس ورگانى – حاتشىلىقتاردى نىعايتۋ ماقساتىندا «قوعامدىق كەلىسىم» كوممۋنالدىق مەملەكەتتىك مەكەمەسى – جاڭا قۇرىلىمىن قۇرۋ تۋرالى نۇسقاۋ بەرگەنىن جەتكىزدى.

ە. امانشايەۆ اكىمدىك جانىنان قۇرىلعان «قوعامدىق كەلىسىم» كوممۋنالدىق مەملەكەتتىك مەكەمەسىنىڭ باسشىسى جاراس بايبوسىنوۆتى تانىستىردى. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي