اسسامبلەيانىڭ 20 جىلدىعىن تويلاۋدا شەت ەلدەن ەشقانداي جۇلدىز كەلمەيدى - قحا|09 قاڭتار 2015، 17:25
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اسسامبلەيانىڭ 20 جىلدىعىن تويلاۋدا شەت ەلدەن ەشقانداي جۇلدىز كەلمەيدى

استانا. 9 قاڭتار. baq.kz – بيىل قازاقستان حالقى اسسامبلەياسىنىڭ 20 جىلدىق مەرەيتويى اياسىندا ەلىمىزدە ٴبىرقاتار مەرەكەلىك شارالار وتەتىن بولادى. دەگەنمەن، ۇيىمداستىرۋشى تاراپ شەتەلدەن ەشقانداي مەگاجۇلدىز شاقىرمايمىز دەپ مالىمدەپ وتىر. بۇل جايىندا بۇگىن وكق بريفينگى بارىسىندا قر قحا ٴتوراعاسى ەرالى توعجانوۆ مالىمدەدى.

– اسسامبلەيانىڭ 20 جىلدىعى اياسىندا وتەتىن مەرەكەلىك ٴىس-شارالاردىڭ بارلىعىنا ٴوزىمىزدىڭ ونەرپازدار قاتىسادى. ٴبىز ەشقانداي جۇلدىزداردى شاقىرمايمىز. اسىرەسە، باسىم كوپشىلىگى الىس اۋىلدار مەن اۋدان ورتالىقتارىنىڭ ونەرلى جاستارى بولادى. پرەزيدەنتتىڭ ٴوزى جۇلدىزداردى شاقىرۋدىڭ قاجەتى جوق ەكەنىن ايتتى. ٴبىز ٴوزىمىزدىڭ كەرەمەت تالانتتارىمىزدى باعالاۋىمىز كەرەك. مەرەكەلىك شارالار تەك كونسەرتتەرمەن شەكتەلمەيدى. وندا ٴار ۇلت وزدەرىنىڭ مادەنيەتتەرى مەن داستۇرلەرىن پاش ەتەتىن بولادى، – دەيدى ەرالى توعجانوۆ.

ەڭ العاشقى ٴىس-شارا – «اسسامبلەيا جىلى باستاماسى» استانا جانە الماتى قالالارىندا، سونداي-اق، اۋدان ورتالىقتارىندا 6 اقپاندا وتەدى. ودان بولەك مىنا بايقاۋلار ۇيىمداستىرىلادى:

1). «مىڭ بالا» مەملەكەتتىك ٴتىلدى ٴبىلۋ بايقاۋى;
2). ەتونومادەني بىرلەستىكتەرى اراسىندا ەڭ ۇزدىك الەۋمەتتىك جوبا;
3). ەڭ ۇزدىك عىلىمي جوبا;
4). ەڭ ۇزدىك پاتريوتتىق جاستارعا ارنالعان «مەنىڭ قازاقستانىم» جوباسى;
5). مەن ٴوز ماماندىعىمدى ماقتان تۇتامىن;
6). «شاڭىراق» ەتنوجۋرناليستيكا سالاسىنداعى شىعارماشىلىق سايىسى;
7). ۇلتتىق كومپانيالار اراسىنداعى ەڭ ۇزدىك قايرىلىمدىلىق جوباسى سايىسى;
8). ەڭ ۇزدىك ينوۆاسيالىق جوبالار سايىسى. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي