BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقىشەۆ «7-20-25» باعدارلاماسى بويىنشا كىم باسپانالى بولاتىنىن ٴتۇسىندىردى

فوتو: 7kun.kz

7-20-25 باعدارلاماسىنا باسپاناسى جوق ازاماتتار عانا قاتىسا الادى. بۇل جونىندە بۇگىن ەلوردادا ٴوتىپ جاتقان قازاقستان حالقى اسسامبلەياسىنىڭ xxvi سەسسياسىندا ۇلتتىق بانك ٴتوراعاسى دانيار اقىشەۆ مالىمدەدى، دەپ حابارلايدى baq.kz ٴتىلشىسى.

«بىرىنشىدەن، نۇرسۇلتان ٴابىش ۇلى، ٴسىز باسپانا ماسەلەسىن شەشۋگە، قازاقستاندىقتاردى باسپانامەن قالاي قامتاماسىز ەتۋگە بولاتىنىنا ٴار كەز ەرەكشە نازار اۋدارىپ كەلەسىز. كوپتەگەن باعدارلاما ەنگىزىلدى جانە ولار ٴقازىردىڭ وزىندە جۇمىس ىستەپ جاتىر. سوڭعى ەكى جىلدا ەلىمىزدە 21 ملن شارشى مەتر تۇرعىن ٴۇي سالىندى. ياعني، سالىستىرمالى تۇردە ٴبىر جىلدىڭ ىشىندە ٴدال وسى استانا سەكىلدى ٴبىر قالا سالىندى. مۇنداي قۇرىلىس قارقىنىنا، ٴتىپتى، كەڭەستىك زامان كەزىندە دە قول جەتپەگەن.

ەندى بۇل قارقىندى جىل سايىن قولداۋ كەرەك. بۇل ەكونوميكا وسىمىنە ۇلكەن ۇدەرىس بەرىپ، حالىق شارۋاشىلىعىنداعى بارلىق سالاعا ٴتيىمدى سەرپىن بەرەدى. پايدالانۋعا بەرىلەتىن باسپانالارعا دەگەن سۇرانىستى ىنتالاندىرماي، قۇرىلىستان ەكونوميكالىق ناتيجە بولمايتىنى انىق. قۇرىلىس كومپانيالارى جاڭا باسپانالاردى سالۋ ٴۇشىن تۇرعىزىلىپ قويعان باسپانالاردى جىلدام ساتۋعا ادەتتەنۋى كەرەك. ال حالىق ول باسپانالاردى ساتىپ الۋ ٴۇشىن تارتىمدى ٴارى ٴتيىمدى مەحانيزمدەردى دۇرىس ۇعىنا ٴبىلۋى كەرەك. سوندىقتان، ٴسىزدىڭ باستاماڭىز سۇرانىستى ىنتالاندىرۋ بويىنشا جەتىسپەي تۇرعان ەلەمەنتتى تولىقتىرىپ تۇر»، - دەدى بانك ٴتوراعاسى.

اقىشەۆتىڭ ايتۋىنشا، ەندىگى رەتتە ەلىمىزدە تۇرعىن ٴۇي قۇرىلىسىن مەملەكەتتىك ىنتالاندىرۋ مەحانيزمدەرى مەن «7-20-25» باعدارلاماسى ۇيلەسىم تاباتىن بولادى.

«ەكىنشىدەن، بۇل باعدارلاماعا كىم قاتىسا الادى؟ ٴبىز باستاپقى كەزەڭدە بىرنەشە تالاپ بولادى دەپ بەلگىلەپ وتىرمىز. ٴبىرىنشىسى – 7-20-25 باعدارلاماسىنا باسپاناسى جوق ادام عانا قاتىسا الادى. باسپانالى بولعىسى كەلەتىن ادامدارعا جەڭىلدىك مەحانيزمىن ۇسىنۋ قاجەت. ەكىنشىسى – باسپانا باستاماسىنىڭ جاڭا مەحانيزمدەرى مەملەكەتتىڭ تەڭدەسى جوق قادامى بولىپ تابىلادى. ازاماتتارعا جەڭىلدىكتى جاعدايلار ۇسىنىلادى. ٴبىراق، باعدارلاما ماسىل بولۋعا مۇمكىندىك بەرمەۋى كەرەك. ازاماتتاردىڭ بولاشاقتا ٴوز قارىزدارىن تولەۋ مۇمكىندىگى بۇل باعدارلامانىڭ تۇراقتىلىعىنا كەپىل بولادى.

سوندىقتان، باعدارلاماعا تابىسى بار ازاماتتار قاتىسا الادى. ٴبىز بارلىعىن ەسەپتەدىك، سوندىقتان، بۇل باعدارالاماعا دەگەن سۇرانىس وتە جوعارى بولادى دەپ كۇتۋدەمىز. ٴۇشىنشىسى – اعاشقى كەزەڭدە ٴبىز تەك باستاپقى باسپانالاردى ەنگىزەمىز دەپ وتىرمىز. الداعى ۋاقىتتا باعدارلاما اياسى دا كەڭەيتىلەتىن بولادى. ٴتورتىنشىسى – بۇل الەۋمەتتىك باعدارلاما. سوندىقتان، ازاماتتاردى قولجەتىمدى باسپانامەن قامتاماسىز ەتۋ مەملەكەتتىڭ باستى مىندەتى. تۇرعىن ٴۇيدىڭ شەكتى قۇنى بەلگىلەنەتىن بولادى. مىسالى، استانا، الماتى، اقتاۋ مەن اتىراۋ سەكىلدى قالالاردا تۇرعىن ٴۇيدىڭ ەڭ جوعارعى قۇنى 25 ملن تەڭگەنى قۇراسا، باسقا وڭىرلەردە بۇل شاما 15 ملن تەڭگە شەگىندە بولادى. مۇنداي شەكتەۋلەر باسپانا باعاسىنىڭ شارىقتاپ كەتۋىنە جول بەرمەيدى»، - دەگەن اقىشەۆتەن ەلباسى «مۇنداي مالىمەتتەردىڭ قانداي نەگىزدە جاسالعانىن» سۇرادى.

«بۇل مالىمەتتەردى ٴبىز اكىمدىكتەرمەن جۇرگىزگەن جۇمىس بارىسىندا الدىق. ماكسيمالدى قۇنى بويىنشا بۇل 3 بولمەلى پاتەر»، - دەدى اقىشەۆ.

«باسقا قالالاردا ٴتىپتى باسقاشا جاعداي. سوندىقتان، قۇرىلىس جۇرگىزۋشىلەردەن بۇل كولەمدى ارزانداتۋدى تالاپ ەتۋىمىز كەرەك. مىنە، وسى تۇستا قانداي جەڭىلدىكتەر جاسالاتىنىن، قانداي مۇمكىندىكتەر بار ەكەنىن ٴتۇسىندىرۋ كەرەك. ٴبىز ٴبىرىنشى باسپانا دەگەندە الدىمەن جاس وتباسى جايلى ايتامىز. مىنە، سوندىقتان، سولار كوبىرەك السىن. ارينە، باسقالارى ٴۇشىن قولجەتىمدى بولۋى كەرەك»، - دەدى نازاربايەۆ.

اقىشەۆ ٴوز كەزەگىندە ۇلتتىق بانك باعدارلاما مۇمكىندىكتەرىن ٴتۇسىندىرۋ جانە حالىقتى باسپانامەن قامتاماسىز ەتۋ ىسىندە بار كۇشىن سالاتىنىن مالىمدەدى. سونىمەن قاتار، ەلباسى باعدارلامانىڭ جۇمىس ىستەۋ مەحانيزمنىڭ قاراپايىم حالىق ٴۇشىن تۇسىنىكسىز ەكەنىن سىنادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي