BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ا.تورس قازاقستاننىڭ ۇلتارالىق كەلىسىمدى قامتاماسىز ەتۋدەگى جەتىستىكتەرىن جوعارى باعالادى

 استانا. 20 شىلدە. baq.kz – ۆەنا قالاسىنداعى ەقىۇ شتاب-پاتەرىندە وتكەن تۇراقتى كەڭەستىڭ كەزەكتى وتىرىسىندا ەقىۇ ازشىلىق ۇلتتار ىستەرى جونىندەگى جوعارى كوميسسارى استريد تورس ٴوزىنىڭ قىزمەتى تۋرالى جىل سايىنعى بايانداماسىن جاسادى، دەپ حابارلادى ٴسىم.

 ا. تورس قازاقستاننىڭ قۇقىعىن ساقتاۋ جانە ازشىلىق ۇلتتاردىڭ دامۋى، ەتنيكالىق، ٴدىني جانە مادەني ٴارالۋاندىلىقدى قولداۋ قاعيدالارىنىڭ نەگىزىنە سۇيەنگەن كوپەتنيكالىق جانە كوپكونفەسسيالىق مەملەكەت قۇرۋ ۇدەرىسىندەگى جەتىستىكتەرىنە جوعارى باعا بەردى.

سونداي-اق، ول ٴوزىنىڭ قازاقستان حالقى اسسامبلەياسىنىڭ مەرەيتويلىق سەسسياسىنا قاتىسقانى تۋرالى حابارلاپ، اسسامبلەيا ينستيتۋتىنىڭ بىرەگەيلىگىن جانە ونىڭ ەتنوسارالىق تۇراقتىلىقتى ساقتاۋداعى ەرەكشە ٴرولىن اتاپ ٴوتتى.

جوعارعى كوميسسار ۇقساستىق جانە بىرلىك سالاسىنداعى ماسەلەلەردى شەشۋدەگى قازاقستان حالقى اسسامبلەياسى ينستيتۋتىنا ۇلكەن ٴرول بەرىلەتىن ستراتەگيالىق «100 قادام» ۇلت جوسپارى باعدارلاماسىنىڭ نوۆاتورلىق ٴتاسىلىن، سونداي-اق ونىڭ ەتنوسارالىق جانە ٴدىنارالىق كەلىسىمدى، توزىمدىلىك جانە ادامي قۇندىلىقتاردى ىلگەرىلەتۋدى قامتيتىنىن ايتتى.

سونىمەن قاتار، ول قازاقستاندا قولعا الىنىپ جاتقان ٴبىلىم سالاسىنداعى رەفورمالاردى قۇپتاپ، قر ۇكىمەتى ٴۇش تىلدىك باعدارلاماسىن جۇزەگە اسىرىپ، ازشىلىق ۇلتتار وكىلدەرىنىڭ تىلىندە ٴبىلىم بەرەتىن مەكتەپتەرگە قولداۋ كورسەتەتىنىن حابارلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي