استانا: 
721 
0
استانا. 22 جەلتوقسان. baq.kz – بۇگىن پارلامەنت ماجلىسىندە ٴوتىپ جاتقان ۇكىمەت ساعاتىندا دەپۋتتار «دۇنيەجۇزىلىك ساۋدا ۇيىمى مەن ەۋرازيالىق ەكونوميكالىق وداققا كىرۋ جاعدايلارىندا قازاقستان رەپۋبليكاسىندا زياتكەرلىك مەنشىك قۇقىقتارىن قورعاۋ جانە ساقتاۋ» تاقىرىبىنداعى ماسەلەلەردى تالقىلاۋدا. ادىلەت مينيترلىگىنىڭ قۇزىرەتىنە قارايتىن قىزمەت تۇرلەرى بولعاندىقتان ادىلەت ٴمينيسترى بەرىك يماشەۆ نەگىزگى باياندامانى جاسادى.
- سوڭعى ون جىلدا الەمدىك ەكونوميكادا زياتكەرلىك مەنشىك قۇقىقتارىنىڭ وزەكتىلىگى مەن ٴرولى ايتارلىقتاي وزگەرىسكە ۇشىراپ، دەڭگەيلىك كورسەتكىشى ٴوستى. ۇلتتىق ەكونوميكا مينيسترلىگىنىڭ دەرەكتەرىنە كوز جۇگىرتسەك، زياتكەرلىك مەنشىك الەمدىك تاۋار اينالىمىنىڭ قۇرامداس بولىگى رەتىندە شامامەن 1 پايىزدى قۇرايدى. ال، ٴوز كەزەگىندە، زياتكەرلىك مەنشىكتىڭ قورعالۋ دەڭگەيىنىڭ جەتكىلىكسىز بولۋىنا بايلانىستى شىعىنداردىڭ جالپى جيناقتىق كورسەتكىشى 1 ميلليارد دوللارعا جۋىقتايدى. سونىمەن قاتار، زياتكەرلىك الەۋەتى بار كەز-كەلگەن ەل وسى ماسەلەنى ايقىن قۇقىقتىق رەتتەۋگە مۇددەلى بولىپ تابىلادى، - دەدى مينيستر.
بەرىك ٴماجيت ۇلىنىڭ ايتۋىنشا، مەملەكەت باسشىسىنىڭ «قازقاستان-2050» ستراتەگياسى قالىپتاسقان مەملەكەتتىڭ جاڭا ساياسي باعىتى» اتتى جولداۋىندا 2050 جىلى الەمدەگى ەڭ دامىعان مەملەكەتتىڭ قاتارىنا كىرۋ ماقساتىن ورىنداۋدا اتالعان سالانىڭ دامۋىنا بارىنشا باسىمدىق بەرىلۋ كەرەك كورىنەدى.
- ويتكەنى، وسى ماقساتتارعا ول جەتكىزۋ ارقىلى ٴبىز ەلىمىزدىڭ يندۋستريالدىق-يننوۆاسيالىق دامۋىمىزدى رەتتەپ، جاڭا تەحنولوگيالار مەن يننوۆاسيالاردى ەنگىزۋدە اۋىز تولتىرىپ ايتارلىقتاي جەتىستىكتەرگە قول جەتكىزەتىن بولامىز. ياعني، ەكونوميكامىزدىڭ وسى باعىتتارىن دامىتۋ ارقىلى قازاقتاننىڭ ينۆەستيسيالىق تارتىمدىلىعىندا وڭ ٴۇردىس قالىپتاسادى. بۇل ارينە، زياتكەرلىك مەنشىك قۇقىقتارىن قورعاۋ مەن ساقتاۋعا تىكەلەي بايلانىستى شارالاردىڭ ٴبىر لەگى بولادى، - دەدى ب. يماشەۆ.
نۇرلىبەك دوسىباي
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5010
0