استانا: 
617 
0
استانا. 27 ناۋرىز. baq.kz - بۇگىن ورتالىق كوممۋنيكاسيالار قىزمەتىندە ٴباسپاسوز ٴماسليحاتىن وتكىزگەن قارجى ۆيسە-مينيسترى رۋسلان دالەنوۆ "نۇرلى جول" باعدارلاماسى اياسىندا رەسپۋبليكالىق دەڭگەيدەگى اۆتوجولداردى سالۋ جۇمىستارىن ورىنداۋعا 23 ملرد تەڭگە ٴبولىنىپ، قاراجات تولىق يگەرىلگەندىگىن مالىمدەدى، - دەپ حابارلايدى baq.kz ٴتىلشىسى.
- بۇگىنگى كۇنگە دەيىن 23 ملرد تەڭگە يگەرىلدى. ول قارجى رەسپۋبليكالىق دەڭگەيدەگى اۆتوجولدار سالۋ جۇمىستارىن جۇرگىزۋگە جۇمسالدى، - دەدى رۋسلان ەربولات ۇلى.
ۆيسە-مينيستردىڭ مالىمەتىنە سۇيەنسەك، جالپى العاندا اعىمداعى جىلدا قاراجات مىناداي باعىتتار بويىنشا جۇمساۋ جوسپارلانعان ەكەن. ينفراقۇرىلىمدىق جوبالاردى ىسكە اسىرۋعا - 207،8 ملرد تەڭگە بولىنگەن بولسا، قۇرىلىس جانە تۇرعىن ٴۇي كوممۋنالدىق شارۋاشىلىعىن دامىتۋعا - 112،5 ملرد تەڭگە شاماسىندا قارجىلاندىرۋ كوزدەلگەن. سونىمەن قاتار، حالىقارالىق قارجىلىق ۇيىمدارمەن بىرلەسە وتىرىپ جۇزەگە اسىرىلاتىن جوبالاردا قازاقستان رەسپۋبليكاسىنىڭ ۇلەسىن قارجىلاندىرۋعا - 39،2 ملرد تەڭگە جۇمسالاتىن بولادى دەپ كۇتىلۋدە.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5013
0