BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جىلدىق ينفلياسيا ٴبىز كۇتكەن مەجەدەن تومەن بولدى — ۇلتتىق بانك

قازاقستان ۇلتتىق بانكىنىڭ وكىلدەرى ساراپشىلارمەن بىرلەسە وتىرىپ قرۇب-نىڭ بازالىق مولشەرلەمە تۋرالى سوڭعى شەشىمىن، سونداي-اق قارجى رەتتەۋشىسىنىڭ اقشا-كرەديت ساياساتىنىڭ نەگىزگى باعىتتارى بويىنشا وزەكتى ماسەلەلەردى تالقىلادى، دەپ حابارلايدى baq.kz اقپارات اگەنتتىگى.

«كەشە ۇلتتىق بانك +/-1% اۋىتقۋ دالىزىمەن بازالىق مولشەرلەمەنى 9،75%-عا دەيىن تومەندەتۋ تۋرالى شەشىم قابىلدادى»، - دەيدى زەرتتەۋلەر جانە ستاتيستيكا دەپارتامەنتىنىڭ ديرەكتورى ۆيتاليي تۋتۋشكين.

ول كەزدەسۋگە قاتىسۋشىلارعا بازالىق مولشەرلەمەنى تومەندەتۋ تۋرالى شەشىم 2017 جىلدىڭ قورىتىندىسى بويىنشا ينفلياسيا دەڭگەيىنىڭ بولجانعان دەڭگەيمەن سالىستىرعاندا ايتارلىقتاي تومەن ناقتى دەڭگەيىنە، ينفلياسيالىق پروسەستەر ودان ٴارى باياۋلايدى دەگەن باعالارعا، ىشكى سۇرانىستىڭ ٴالسىز قالپىنا كەلۋىنىڭ ساقتالۋىنا، سونداي-اق سىرتقى نارىقتارداعى ۇردىستەردىڭ قولايلى بولۋىنا بايلانىستى بولعانىن ايتتى.

«بۇدان بىلايعى اقشا-كرەديت تالاپتارىن جۇمسارتۋعا دەگەن ٴۇردىس الەمدىك نارىقتاعى جانە ساۋدا سالاسى بويىنشا ارىپتەس ەلدەردەگى جاعدايلارعا بايلانىستى. سونىمەن قاتار، وتاندىق ەكونوميكادا ينفلياسيانىڭ بولجامدى جانە ناقتى تراەكتورياسىنىڭ سايكەستىگىن ايقىندايتىن جاعىمدى ۇردىستەردىڭ ورنىعۋىنا بايلانىستى دا وزگەرەدى»، - دەدى ۆ.تۋتۋشكين.

ول جىلدىق ينفلياسيانىڭ كۇتكەن مەجەدەن تومەن بولعانىن جانە وعان نە سەبەپ بولعانىن ٴتۇسىندىردى.

«جىلدىق ينفلياسيا 2017 جىلعى جەلتوقساندا 7،1% بولدى، بۇل ٴبىز كۇتكەن 7،5-7،7%-دان ايتارلىقتاي تومەن. ينفلياسيانىڭ باياۋلاۋى جەكەلەگەن تاۋارلار مەن قىزمەتتەر نارىعىنداعى، اتاپ ايتقاندا ازىق-تۇلىككە جاتپايتىن تاۋارلار نارىعىنداعى باعانىڭ تۇراقتانۋىنا بايلانىستى. بەنزين باعاسىنىڭ كۇزدەگى وسۋىنەن كەيىن 2017 جىلعى جەلتوقساندا ول تومەندەدى. تومەن تۇتىنۋشىلىق سۇرانىس اياسىندا ۇزاق پايدالانىلاتىن تاۋارلار باعاسىنىڭ باياۋ ٴوسۋى بايقالادى. ازىق-تۇلىك تاۋارلارى مەن كورسەتىلەتىن قىزمەتتەر باعاسىنىڭ ٴوسۋى تاريحي سەرپىندى كورسەتىپ، بولجامعا سايكەس كەلدى. تەڭگەنىڭ ايىرباستاۋ باعامىنىڭ تومەن قۇبىلمالى دا جىلدىق ينفلياسيانىڭ باياۋلاۋىنا وڭ ۇلەس قوستى»، - دەپ ٴتۇسىندىردى ۆ.تۋتۋشكين.

ساراپشىلاردىڭ ينفلياسيانىڭ كوتەرىلۋىنە ىقپال ەتەتىن تاۋەكەلدەرگە قاتىستى سۇراقتارىنا جاۋاپ بەرە وتىرىپ، ول ۇلتتىق بانكتىڭ بولجاۋىنشا، ورتا مەرزىمدى كەزەڭدە دەزينفلياسيالىق ۇردىستەردىڭ ساقتالاتىنىن، الايدا قىسقا مەرزىمدى كەزەڭدە مونوپوليست كاسىپورىنداردىڭ اقىلى قىزمەتتەرىنىڭ تاريفتەرى جىلدىق ينفلياسيا دەڭگەيىن ساقتاۋ نەمەسە ٴتىپتى ازداپ كوتەرۋ ٴۇشىن اۋقىمدى تاۋەكەل بولاتىنىن اتاپ ٴوتتى.

«سوعان قاراماستان، ولاردىڭ ينفلياسياعا اسەرى شەكتەۋلى ٴارى اقشا-كرەديت تالاپتارىن قاتاڭداتۋ جونىندە تۇزەتۋشى شارالار قابىلداۋدى تالاپ ەتەتىن دەڭگەيدە دەپ باعالانادى. سەبەبى ينفلياسيا تاۋەكەلدەرى ۇلتتىق بانكتىڭ ساياساتىنان تاۋەلسىز ۇسىنىس نەگىزىندە ىسكە اسىرىلۋى مۇمكىن. سۇرانىس تاراپىنان حالىقتىڭ ناقتى كىرىستەرىنىڭ تومەندەۋىنە بايلانىستى تۇپكىلىكتى تۇتىنۋعا جۇمسالاتىن شىعىستاردىڭ ٴوسۋىنىڭ باياۋلاۋى بايقالادى، بۇل دا تۇتىنۋ باعالارىنىڭ ٴوسۋىن شەكتەيتىن بولادى»، - دەيدى ول.

ٴوز كەزەگىندە قرۇب مونەتارلىق وپەراسيالار دەپارتامەنتى ديرەكتورىنىڭ ورىنباسارى ٴادىل مۇحامەدجانوۆ ەلدەگى ۆاليۋتا جانە اقشا نارىعىنداعى احۋالعا تۇسىنىكتەمە بەردى.

«قازىرگى ۋاقىتتا ىشكى ۆاليۋتا نارىعىنداعى احۋال تۇراقتى، ۇلتتىق ۆاليۋتانىڭ ايىرباستاۋ باعامى شەتەل ۆاليۋتاسىنا دەگەن سۇرانىس پەن ونىڭ ۇسىنىسىنىڭ تەڭگەرىمىن كورسەتىپ وتىر. تۇتاستاي العاندا، باعامدى قالىپتاستىراتىن ىرگەلى فاكتورلار سەرپىنى ايتارلىقتاي قولايلى. وتكەن جىلى تەڭگە نومينالدى كورسەتكىش بويىنشا 0،3%-عا نىعايدى. اقشا نارىعىندا تەڭگە وتىمدىلىگىنىڭ قۇرىلىمدىق ٴپروفيسيتى ساقتالۋدا» - دەدى ٴادىل مۇحامەدجانوۆ.

ەسكە سالا كەتەيىك، ساراپشىلارمەن مۇنداي كەزدەسۋدى ۇلتتىق بانك قارجى رەتتەۋشىسىنىڭ نارىقپەن جانە جۇرتشىلىقپەن بەلسەندى كوممۋنيكاسيالارى ساياساتىنىڭ شەڭبەرىندە تۇراقتى وتكىزىپ تۇرادى. بازالىق مولشەرلەمە بويىنشا كەزەكتى شەشىم 2018 جىلعى 5 ناۋرىزدا استانا ۋاقىتىمەن ساعات 17:00-دە جاريالانادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي