استانا: 
371 
0
استانا. 18 جەلتوقسان. baq.kz – بۇگىن ورتالىق كوممۋنيكاسيالار قىزمەتىندە وتكەن بريفينگتە ۇلتتىق كاسىپكەرلەر پالاتاسى باسقارما ٴتوراعاسى نۇرجان التايەۆ اعىمداعى جىلدا قۇنى 64 ملرد تەڭگەنى قۇرايتىن 8 مىڭ مەموراندۋم بەكىتىلگەندىگىن مالىمدەدى، - baq.kz ٴتىلشىسى.
- جىل وتكەن سايىن ەلدەگى بيزنەستىڭ الەۋمەتتىك جاۋاپكەرشىلىگى ارتىپ كەلەدى. ەگەر تەك قانا جەرگىلىكتى اتقارۋشى ورگانداردىڭ مالىمەتىنە سۇيەنەتىن بولساق، اعىمداعى جىلدا قۇنى 64 ملرد تەڭگەنى قۇرايتىن 8 مىڭ مەموراندۋمعا قول قويىلىپ، كەلىسىمشارتتار تۇزىلگەن. بۇلاردىڭ باسىم بولىگى بيزنەستىڭ الەۋمەتتىك جاۋاپكەرشىلىگىن ارتتىرۋعا باعىتتالعان دەسەك تە بولادى. ياعني، وسى مەموراندۋمداردىڭ اراسىندا مەكتەپ، بالاباقشا قۇرىلىسى جۇرگىزىلىپ، دەنساۋلىق ساقتاۋ مەكەمەلەرى مەن سپورت جانە الەۋمەتتىك قورعاۋ نىساندارى كوپتەپ سالىنۋدا. سونداي-اق، مۇنداي كورسەتكىشتەر ۋاقىت وتكەن سايىن ارتىپ كەلە جاتىر، - دەدى نۇرجان باۋىرجان ۇلى.
سونىمەن قاتار ول الداعى ۋاقىتتا ۇلتتىق كاسىپكەرلەر پالاتاسى تىڭ تۇجىرىمداما اياسىندا قىزمەت كورسەتەتىندىگىن دە تىلگە تيەك ەتتى.
- ٴبىز دۇنيەجىزىلىك تاجىريبەگە سۇيەنە وتىرىپ بيزنەستىڭ كورپوراتيۆتىك الەۋمەتتىك جاۋاپكەرشىلىگى تۋرالى تۇجىرىمداما ازىرلەدىك. جىل سوڭىنا دەيىن قول قويىلىپ، زاڭدى كۇشىنە ەنەتىن تۇجىرىمداماعا ەلدەگى بارلىق كاسىپورىندار مەن كومپانيالار، قاۋىمداستىقتار قوسىلاتىن بولادى دەپ جوسپارلانۋدا. مۇندا كوزدەلگەن ماقسات - بيزنەستىڭ الەۋمەتتىك جاۋاپكەرشىلىگىن ارتتىرۋ جولىندا ٴوزارا ىنتىماقتاستىقتا بىرلەسىپ جۇمىس ىستەۋ بولىپ تابىلادى، - دەدى ول ٴوز بايانداماسىندا.
نۇرلىبەك دوسىباي،
سۋرەتتى تۇسىرگەن – عابيت ماداليەۆ
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5014
0