استانا: 
405 
0
استانا. 15 ٴساۋىر. baq.kz – بۇگىن ورتالىق كوممۋنيكاسيالار قىزمەتىنىڭ الاڭىندا وتكەن ٴباسپاسوز ٴماسليحاتىندا ينۆەستيسيالار جانە دامۋ مينيسترلىگىنىڭ جەر قويناۋىن پايدالانۋ دەپارتامەنتىنىڭ ديرەكتورى تيمۋر توقتابايەۆ جەر قويناۋىن پايدالانۋ كەلىسىمىن جاساۋ مەرزىمى 180 ەسەگە قىسقارعاندىعىن مالىمدەدى، - دەپ حابارلايدى baq.kz ٴتىلشىسى.
- ٴبىز بۇگىنگى تاڭدا ٴوز سالامىزعا قاتىستى رەفورمانى جالعاستىرۋ ۇستىندەمىز. سونىڭ ناتيجەسىندە، جەر قويناۋىن پايدالانۋ تۋرالى كودەكس قابىلدانىپ، جەر قويناۋىن پايدالانۋعا كەلىسىم جاساۋ مەرزىمىن 3 كۇنگە دەيىن قىسقارتۋعا مۇمكىندىك الدىق. مامانداردىڭ ەسەبىنە جۇگىنسەك، قىسقارعان مەرزىم 180 ەسەگە تەڭ بولعان. بۇل گەولوگيالىق بارلاۋدى، اۋقىمدى زەرتتەۋ جۇمىستارىن دامىتۋعا سەرپىن بەرۋى ٴتيىس، - دەدى ت.توقتابايەۆ.
سونىمەن قاتار، ول بيىلعى جىلدىڭ باسىندا كۇشىنە ەنگەن جەر قويناۋىن پايدالانۋ تۋرالى زاڭناما تۇزەتۋلەرىنە سايكەس كەلىسىم جاساۋ مەرزىمى 18 ايدان 25 كۇنگە دەيىن قىسقارعانىن اتاپ ٴوتتى.
- تۇزەتۋلەردى قابىلداۋعا بايلانىستى سالانىڭ نەگىزگى جاڭالىعى جەر قويناۋىن پايدالانۋعا قۇقىق بەرۋدىڭ اۋستراليالىق ٴادىسىن ەنگىزۋ بولىپ تابىلادى. بۇل ادىستە ەل اۋماعى بلوكتارعا ٴبولىنىپ، ونىڭ ٴار بلوگى شامامەن 2 شارشى كيلومەتردى قۇراپ، وعان كومپانيالار كەلىسىم جاسايدى، - دەپ ٴتۇسىندىردى دەپارتامەنت باسشىسى.
سونداي-اق، ونىڭ ايتۋىنشا، اۋستراليالىق تاجىريبەمەن قاتار اۋكسيون ەنگىزۋ جۇرگىزىلەدى. اۋستراليالىق ٴادىس از زەرتتەلگەن جەرلەردە، ال اۋكسيون – گەولوگيالىق مالىمەت بار جەرلەردە ارەكەت ەتەدى.
ايتا كەتەيىك، اۋكسيونعا جىل سايىن 100-دەن كەم ەمەس جەر تەلىمدەرى قويىلادى دەپ كۇتىلۋدە.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5007
0