جەڭىلدەتىلگەن 4 پايىزدىق ۇستەمەمەن اۆتونەسيە بەرۋ جالعاسۋدا - قازاقستان ەكونوميكاسى|21 قاڭتار 2016، 13:10
كۋرسى ۆاليۋت وبنوۆليايۋتسيا
استانا:

جەڭىلدەتىلگەن 4 پايىزدىق ۇستەمەمەن اۆتونەسيە بەرۋ جالعاسۋدا

استانا. 21 قاڭتار. baq.kz - الەمدى الاي-دۇلەي ەتكەن باعا اۋىتقۋلارىنا قاراماستان قازاقستانداعى جوسپارلانعان باعدارلامالار جۇزەگە اسۋدا.

وتكەن جىلى باستالعان وتاندىق اۆتوكولىكتەردى تومەن پايىزدىق ۇستەمەمەن نەسيەگە بەرۋ باعدارلاماسى بيىلدان باستاپ قايتا جالعاسادى. ول ٴۇشىن ۇلتتىق قوردان 11 ملرد تەڭگە ٴبولىندى. جەڭىلدەتىلگەن نەسيەنى قاي بانكتەر ارقىلى الۋعا بولادى جانە ول ٴۇشىن نە ىستەۋ كەرەك؟ جەڭىلدەتىلگەن 4 پايىزدىق ۇستەمەمەن اۆتونەسيە بەرۋ باعدارلاماسى جالعاسۋدا. بيىل «نۇرلى جول» جاڭا ەكونوميكالىق ساياساتى اياسىندا «قازاقستاننىڭ دامۋ بانكى» ۇلتتىق قور قاراجاتىنان قازاقستاندىق كولىك قۇراستىرۋ كاسىپورىندارىن قولداۋعا 11 ملرد تەڭگە ٴبولدى. 2015 جىلى وسى ماقساتقا 15 ملرد تەڭگە جۇمسالعان ەدى. وتكەن جىلى جەڭىلدەتىلگەن نەسيەدەن قۇر قالعان ەربولات بيىل العاشقىلاردىڭ ٴبىرى بولىپ، ٴتول تۇلپارىن تاڭداعانىن ايتادى.

ەربولات احمەت، كولىك الۋشى -بىلتىر وسى باعدارلاما بويىنشا ماشينانى نەسيەگە الا المادىم. بيىل ەندى 4 پايىزدىق جەڭىلدىك بويىنشا ماشينا الايىن دەپ جاتىرمىن. سوعان وتە، وتە قۋانىشتىمىن.

دميتريي ۋليانوۆ، كولىك ساتۋ كومپانياسى ٴبولىمىنىڭ ديرەكتورى ٴ-بىرىنشى ترانش كەزىندە ٴبىزدىڭ كومپانيا بولىنگەن قارجىنى نەبارى 3 اپتادا تولىق يگەردى. جەڭىلدەتىلگەن اۆتونەسيە جەتپەي قالعان ازاماتتار دا بولدى. بيىل سولارعا وتاندىق كولىكتەردى ساتۋدى جوسپارلاپ وتىرمىز. جەڭىلدەتىلگەن اۆتونەسيە حالىق، ەۋرازيالىق، رەسەي سبەربانكى مەن بانكسەنتركرەديت بانكتەرى ارقىلى 3 جىلدان 5 جىلعا دەيىن تەڭگەمەن بەرىلەدى. ساقتاندىرۋ جانە اۆتوكولىكتى كەپىلگە راسىمدەۋ شىعىندارىن قوسقاننىڭ وزىندە جىلدىق ۇستەمە 7،5 پايىزعا جەتپەيدى ەكەن. سوندىقتان بۇل باعدارلاما بويىنشا نەسيە الۋعا نيەت بىلدىرۋشىلەر كوپ. بيىلعى ترانش ەسەبىنەن 4 مىڭعا جۋىق وتاندىق كولىك ساتىلۋى ٴتيىس، بىلتىر 6 مىڭ اۆتو ٴوز يەسىن تاپقان. تۇتىنۋشىلارعا kia، toyota، chevrolet، skoda، hyundai سىندى برەندتەردىڭ 37 ۇلگىسى ۇسىنىلادى. ولاردىڭ تولىق ٴتىزىمى «قازاقستاننىڭ دامۋ بانكى» سايتىندا جاريالانعان. وتاندىق كولىك 5 ملن تەڭگە تۇرادى. تەمىر تۇلپار قۇنىنىڭ 30 پايىزىن الدىن الا تولەگەن كۇننىڭ وزىندە بانكتىڭ ادەتتەگى 16-17 پايىزدىق ۇستەمەسى ەسەبىنەن قوماقتى قارجىڭىزدان قاعىلاسىز. ال تاپ وسى كولىكتى جەڭىلدەتىلگەن 4 پايىزدىق ۇستەمەمەن الار بولساڭىز، وتباسىلىق بيۋدجەتىڭىز ايتارلىقتاي ۇنەمدەلمەك. ٴارى وتاندىق كولىك ٴوندىرىسىنىڭ ٴورىسىن كەڭەيتۋگە ٴتول ۇلەسىڭىزدى قوساسىز.
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي