BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جارمەڭكە باعانى تۇراقتاندىردى

سوڭعى كەزدە ايماقتا باعانىڭ شارىقتاۋى جەرگىلىكتى بيلىكتىڭ تاراپىنان ٴبىرقاتار شارالاردى جۇزەگە اسىرۋعا نەگىز بولدى. اتاپ ايتقاندا، وتكەن جەكسەنبى كۇنى وبلىس ورتالىعىنداعى "دوستىق" الاڭىندا ۇيىمداستىرىلعان اۋىلشارۋاشىلىق ونىمدەرىنىڭ جارمەڭكەسى - وڭىردە باعانى تۇراقتاندىرۋداعى ىلكىمدى جۇمىستىڭ العىشارتى بولدى.
 ايماقتاعى بايزاق، جامبىل، جۋالى، ت.رىسقۇلوۆ، مەركى اۋداندارىنىڭ اۋىلشارۋاشىلىق ونىمدەرىن وندىرۋشىلەرمەن بىرگە تاراز قالاسىنداعى ازىق-تۇلىك تاۋارلارىن وندىرەتىن قۇرىلىمدار جامبىلدىقتارعا ونىمدەر باعاسىن بازار نارىعىنان 15-20 پايىزعا تومەن ۇسىندى. بۇل كۇنى وبلىس اكىمىنىڭ ورىنباسارلارى مۇراتباي جولداسبايەۆ، عاني سادىبەكوۆ جانە تاراز قالاسىنىڭ اكىمى بەكبولات ورىنبەكوۆ ونىمدەرىن شىعارعان شارۋالارمەن جانە تۇتىنۋشىلارمەن پىكىرلەسىپ، مۇنداي شارالار الداعى جەكسەنبىلەردە دە ۇيىمداستىرىلىپ تۇراتىندىعىن ايتتى. ياعني باعانى تۇراقتاندىرۋدا جارمەڭكە ٴار جەكسەنبى سايىن ۇيىمداستىرىلىپ، اۋدان ورتالىقتارىندا، جاڭاتاس، قاراتاۋ، شۋ قالالارىندا دا وتكىزىلەتىن بولادى. سونداي-اق جارمەڭكەگە قاتىسۋشىلار ٴتيىستى سالىعىن عانا تولەپ، ورىن تەگىن بەرىلىپ وتىر. ال قالا اكىمى بەكبولات ورىنبەكوۆ قالانىڭ ٴار وكرۋگىندە وسىنداي جارمەڭكەلەر وتكىزۋ ٴۇشىن ون جەر ۋچاسكەسى ٴبولىنىپ، وندا ارنايى پالاتكالار مەن سورەلەر قويىلعاندىعىن العا تارتتى. جارمەڭكە كۇنى 11 ميلليون 373 مىڭ تەڭگەگە 15165 كەلى ەت ونىمدەرى، 2 ميلليون 528 مىڭ تەڭگەگە 31،6 توننا ازىق-تۇلىك، 900 مىڭ تەڭگەگە 15 توننا ۇن، 1 ميلليون 760 مىڭ تەڭگەگە جەم ساتىلدى. 560 مىڭ تەڭگەگە ٴسۇت، 650 مىڭ تەڭگەگە شۇجىق ونىمدەرى وتكىزىلىپ، باعانى تۇراقتاندىرۋ قورى ارقىلى 320 مىڭ تەڭگەنىڭ كارتوبى، 110 مىڭ تەڭگەنىڭ 2 توننا پيازى مەن ٴسابىزى، 1 ميلليون 465 مىڭ تەڭگەنىڭ 3 توننادان اسا جىلقى، سيىر، قوي ەتتەرى مەن شۇجىق - بارلىعى 20 ميلليون 166 مىڭ تەڭگەنىڭ ٴونىمى ساتىلدى. جارمەڭكە الداعى جەكسەنبى كۇنى دە ۇيىمداستىرىلىپ، تارازدىقتار ازىق-تۇلىك تاۋارلارىن قولجەتىمدى باعاعا الا الاتىن بولادى. ەرمان ابديەۆ، جامبىل وبلىسى http://www.aikyn.kz/index.php؟option=com_content&task=view&id=6160&itemid=2

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي