جاڭا جىلدان باستاپ پاۆلوداردا جول اقىسى قىمباتتاماق

 استانا. 20 قاڭتار. baq.kz – جاڭا جىلدىڭ العاشقى توقسانىندا پاۆلودار وبلىس ورتالىعىنداعى قوعامدىق كولىكتەردىڭ تاريفتەرى وسەتىن بولدى. بۇل تۋرالى پاۆلودار قالاسىنىڭ اكىمى بولات باقاۋوۆ وبلىس اكىمدىگىندە وتكەن بريفينگ بارىسىندا مالىمدەدى.

 - قوعامدىق كولىكتەگى جولاقىنى قىمباتتاتۋ ماسەلەسى وتكەن جىلى كوتەرىلگەن بولاتىن. جۋىردا تاريفتەردى ٴوسىرۋ ۇسىنىسى تاعى ايتىلدى. تاسىمالداۋشىلاردىڭ ٴوتىنىشى – كولىك تاسىمالىن 70 تەڭگەگە دەيىن كوتەرۋ. سول سەبەپتى جولاقى ۇستىمىزدەگى جىلدىڭ العاشقى توقسانىندا كوتەرىلەدى دەپ كۇتىلۋدە. تاريف مولشەرى وسكەن جاعدايدا بيۋدجەتتەن بەرىلەتىن سۋبسيديالىق كومەك توقتاتىلادى، - دەيدى شاھار باسشىسى.
بولات جۇمابەك ۇلى قوعامدىق كولىك جولاقىسىن قىمباتتاتۋعا ٴبىرقاتار فاكتور اسەر ەتىنىن جەتكىزدى. سولاردىڭ قاتارىندا كولىكتەردىڭ قوسالقى بولىكتەرى باعاسىنىڭ شارىقتاۋى، ەلەكر ەنەرگياسىنىڭ قىمباتتاۋى بار.
- قازىرگى تاڭدا قالالىق ٴماسليحات دەپۋتاتتارى اتالمىش ماسەلەنى قاراستىرۋ ۇستىندە. تۇپكىلىكتى شەشىم قابىلدانعان جوق، - دەيدى ب. باقاۋوۆ.
ەستەرىڭىزگە سالا كەتسەك، بيىلعى جىل باسىندا پاۆلودارلىق تاسىمالداۋشىلار ترامۆايلار مەن اۆتوبۋستاردا جولاقى باعاسىن 70-75 تەڭگەگە كوتەرۋدى سۇراعان بولاتىن. بۇل ماسەلە 1-قاڭتاردان باستاپ تولىق وڭتايلاندىرۋ جۇرگىزىلگەندىكتەن مارشرۋتتىق تاكسيلەردى دە اينالىپ وتپەيدى. تاسىمالداۋشى فيرمالار جولاقى مولشەرىن كوتەرۋدىڭ سەبەبىن شىعىندارمەن بايلانىستىرىپ وتىر.
- بارلىق تاۋار مەن قىزمەت اتاۋلىسىنا باعا شارىقتاپ بارا جاتقانى الەۋمەتكە بەلگىلى. ديزەل وتىنى، ماي، اككۋمۋلياتورلار مەن اۆتوبولشەكتەر قىمباتتادى. اۆتوبۋستاردىڭ ٴوزى 38 پايىزعا ارتتى. بۇگىن ٴبىز تەك شىعىندالۋمەن جۇمىس ىستەۋدەمىز، - دەپ ٴتۇسىندىردى تاسىمالداۋشىلار.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!