جامبىل وبلىسىندا حيميالىق كەشەن سالىنادى

استانا. 28 ٴساۋىر. baq.kz - ەۋروحيم كومپانياسى اعىمداعى جىلى جامبىل وبلىسىندا مينەرالدى تىڭايتقىشتار ٴوندىرىسى بويىنشا حيميالىق كەشەن قۇرىلىسىن باستاماق، - دەپ حابارلايدى ينۆەستيسيالار جانە دامۋ مينيسترلىگىنىڭ ٴباسپاسوز قىزمەتى.

ينۆەستيسيالار جانە دامۋ ٴمينيسترى اسەت يسەكەشەۆ جانە «ەۋروحيم» محك» اق باس ديرەكتورى دميتريي سترەجنەۆ «جامبىل وبىلىسىندا جىلىنا 1 ملن. توننادان كەم ەمەس كولەمدە مينەرالدى تىڭايتقىشتار ٴوندىرىسى بويىنشا زاۋىت قۇرىلىسى» جوباسىن ىسكە اسىرۋ بارىسىن تالقىلادى. د.سترەجنەۆتىڭ ايتۋى بويىنشا، كومپانيا جوبانىڭ ٴبىرىنشى كەزەڭىن – ۇساقتاۋ جانە بولشەكتەۋدى قوسا، تاۋ-كەن كەشەنى قۇرىلىسىن تابىستى ىسكە اسىرۋدا. ٴبىرىنشى كەزەڭ بويىنشا كارەر جانىنداعى ونەركاسىپتىك الاڭ بويىنشا قۇرىلىس-جوندەۋ جۇمىستارى اياقتالدى، ينفراقۇرىلىمى بار ابك جوندەلدى جانە ىسكە قوسىلدى، بايىتۋ كەشەنىنىڭ ٴبىرىنشى كەزەكتى وبەكتىلەرىنىڭ قۇرىلىسى باستالدى (بولشەكتەۋ جانە قۇرعاق ۇساقتاۋ)، پايدالانۋعا بەرۋ اعىمداعى جىلدىڭ قىركۇيەگىنە جوسپارلانۋدا.

ەكىنشى كەزەڭ – جاڭاتاس قالاسىنداعى فوسفاتتى قايتا وڭدەۋ حيميالىق كەشەنىنىڭ قۇرىلىسى بويىنشا – كومپانيا حيميالىق كەشەندى جوبالاۋدى اياقتادى، اعىمداعى جىلدىڭ 3 توقسانىندا جوبانى مەملەكەتتىك ساراپتاماعا تاپسىرۋ جانە اعىمداعى جىلى حيميالىق كەشەن وبەكتىلەرى قۇرىلىسىن باستاۋ جوسپارلانۋدا.

حك قۇرىلىسىن 2018 جىلى اياقتاۋ جوسپارلانۋدا. حيميالىق كەشەن 300 مىڭ توننا npk تىڭايتقىشتارىن; 600 مىڭ. توننا كاليي سۋلفاتىن; 660 مىڭ توننا فوسفات ديكالسياسى; 1 200 مىڭ توننا گيپس; 390 مىڭ توننا كالسيي ٴحلوريدىن جانە 120 مىڭ توننا ماگنيي سۋلفاتىن وندىرەدى.
 

ايا ٴومىرتاي

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!