BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

زەينەتاقى ٴوسىمى مەن باعا جارىسىپ كەلەدى

زەينەتاقى مەن ازىق-تۇلىك باعاسى جارىسىپ تۇر. باعا وق بويى وزىق كەلەدى. زەينەتكەر ەندى 5-6 كۇننەن كەيىن 30 پايىز ۇستەمە قوسىلعان زەينەتاقىسىن الىپ، دۇكەنگە كىرىپ، جاڭا جىلدا ەرەكشە ەكپىن العان باعانى نوقتالاي الماسىن ٴبىلىپ، قالتاسىن سيپالايدى. قانشا الىپ ەدى؟ ٴبىرىنشى قاڭتاردان باستاپ، تومەنگى زەينەتاقى — 24047، ورتاشاسى — 35950، جوعارىسى — 52226 تەڭگەگە جەتتى.
قازاقستان حالقىنىڭ 7 پايىزى زەينەتكەر، ياعني 1 ملن. 600 مىڭ ادام. ولار ٴار جىلدارى زەينەتاقىسى ٴارتۇرلى ەسەپتەلىپ، ٴارتۇرلى زەينەتاقىمەن قۇرمەتتى ەڭبەك دەمالىسىنا شىقتى. ماسەلەن، 2002 جىلى زەينەتاقىنى ٴاربىر ادام جۇمىس ىستەيتىن سالا بويىنشا ەسەپتەۋ تۋرالى نۇسقاۋ شىقتى. سول جىلى زەينەتكەرلىككە شىققان ساتۋشىنىڭ ايلىعى 18 مىڭ تەڭگە، مۇنايشى 85 مىڭ تەڭگە، اۋىل شارۋاشىلىعى مامانىنىڭ جالاقىسى 9 مىڭ تەڭگە دەپ الىنىپ، زەينەتاقى سولاي ەسەپتەلدى. سورلاپ قالعان كەشەگى قويشى، مالشى مەن ساۋىنشىلار. كەڭەس وكىمەتى قۇلاعاسىن ولار سەندەلىپ، بوس ٴجۇرىپ، 2002 جىلعا، زەينەتكەرلىك جاسىنا ارەڭ جەتسە، 2002-گە دەيىن ساتۋشى بولعان ايەلدىڭ زەينەتاقىسى كەشەگى «كوممۋنيستىك ەڭبەك ەكپىندىلەرىنەن» ەكى ەسە ارتىق بولىپ شىقتى. جوعارىدا ايتقان تومەنگى زەينەتاقى – 24 مىڭ تەڭگە سولاردى «جارىلقاپ» وتىر. مۇنداي جانداردىڭ سانى 500 مىڭ ادام، ياعني بۇكىل زەينەتكەرلەردىڭ 30 پايىزى. ولار زەينەتاقىلارىنىڭ دۇرىس ەسەپتەلمەگەنى جونىندە پارلامەنتكە، ۇكىمەتكە ۇنەمى جازىپ، شاعىنىپ كەلەدى. ەڭبەك جانە حالىقتى الەۋمەتتىك قورعاۋ ٴمينيسترى گۇلشارا ٴابدىحالىقوۆا وسىنداي مازاسىز سۇراقتاردان شارشاپ، «جىل سايىن 20-30 پايىزداپ ٴوسىپ كەلە جاتقان زەينەتاقى كەيىن ٴبارىن تەڭەستىرەدى» دەپ قالعانى بار. وعان ەڭ تومەنگى زەينەتاقى الىپ كەلە جاتقان جانداردىڭ ومىرلەرى جەتەدى مە؟ ٴبىر ميلليوننان ٴسال اساتىن ادام 35950 تەڭگە، ياعني ورتاشا زەينەتاقى السا، 90 مىڭداي ادام جوعارى — 52226 تەڭگە الادى. ۇكىمەت بازالىق زەينەتاقى ٴۇشىن عانا 2011 جىلدىڭ بيۋدجەتىنە 168 ملرد. تەڭگە قوسىپ وتىر. بىلتىر بازالىق زەينەتاقى كولەمى — 5981 تەڭگە بولسا، بيىل ٴبىرىنشى قاڭتاردان باستاپ، 8 مىڭ تەڭگەگە جەتتى. تۇسىنىكتىرەك بولۋ ٴۇشىن ايتساق، قازىرگى ەڭ تومەنگى زەينەتاقى 16 مىڭ 47 تەڭگە بولسا، وعان بازالىق تولەمدى قوسقاندا 24 مىڭ 47 تەڭگە بولىپ شىعادى. ايدوس شوكىش، «التىن وردا». http://altyn-orda.com/؟p=4788

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي