ۆيسە-مينيستر وتاندىق اۆتوكولىكتەردى قولداۋدىڭ ەكى ٴتۇرلى تەتىگىن اتادى

استانا. 6 ٴساۋىر. baq.kz – بۇگىن ورتالىق كوممۋنيكاسيالار قىزمەتىنىڭ الاڭىندا ٴباسپاسوز ٴماسليحاتىن وتكىزگەن ۇلتتىق ەكونوميكا ۆيسە-مينيسترى مارات قۇسايىنوۆ سوڭعى ايلاردا رەسەي فەدەراسياسىنداعى ماكروەكونوميكالىق جاعدايدىڭ ناشارلاۋى سالدارىنان رەسپۋبليكاعا يمپورتتالعان اۆتوتەحنيكا سانىنىڭ ۇلعايۋىنا بايلانىستى وتاندىق اۆتووندىرۋشىلەر ٴوندىرىس كولەمىن ازايتۋعا ٴماجبۇر بولعاندىعىن ايتا كەلە، ەندىگى جەردە وتاندىق اۆتووندىرۋشىلەردى قولداۋ تەتىكتەرى جايىنا دا ەگجەي-تەگجەيلى توقتالىپ ٴوتتى.

- بۇگىنگى تاڭدا ينۆەستيسيالار جانە دامۋ مينيسترلىگى مۇددەلى مەملەكەتتىك ورگاندارمەن جانە ۇيىمدارمەن بىرلەسە وتىرىپ، قر ۇكىمەتى جانە «بايتەرەك ۇبح» اق-نىڭ بىرلەسكەن ٴىس-قيمىل جوسپارىن ازىرلەپ ۇكىمەتىتىڭ قاراۋىنا ەنگىزدى جوسپار جاقىن ۋاقىتتا كەزەكتى ۇكىمەت وتىرىسىندا قارالاتىن بولادى، - دەدى مارات ابسامەت ۇلى.

اتالعان جوسپارعا سايكەس وتاندىق اۆتووندىرۋشىلەردى قولداۋ اۆتونەسيەلەندىرۋ جانە ليزينگتىك قارجىلاندىرۋ ارقىلى جۇزەگە اسىرىلاتىن بولادى. ونىڭ ٴبىرىنشىسى – اۆتونەسيەلەندىرۋ تەتىگى بويىنشا بولسا، ەكىنشىسى – ليزينگتىك قارجىلاندىرۋ تەتىگى اياسىندا جۇزەگە اسىرىلماق ەكەن.

- «قازاقستان دامۋ بانكى» اق 15 ملرد. تەڭگە كولەمىندەگى ۇلتتىق قور قاراجاتىن ەكىنشى دەڭگەيلى بانكتەردە ورنالاستىرىپ، كەيىننەن بۇل قاراجات جەكە جانە زاڭدى تۇلعالاردى، جەكە كاسىپكەرلەردى اۆتونەسيەلەندىرۋگە باعىتتالادى. نەسيە تۇپكى الۋشىلارعا 4 پايىزدان اسپايتىن سىياقى مولشەرىمەن 5 جىلعا دەيىنگى مەرزىمگە بەرىلەتىن بولادى. سونداي-اق، ەكىنشى دەڭگەيدەگى بانكتەر مەن ولارعا بولىنەتىن قاراجات كولەمى جانە قولداۋ كورسەتىلەتىن وتاندىق اۆتوموبيل وندىرۋشىلەردىڭ ٴتىزىمى قازاقستان رەسپۋبليكاسىنىڭ ەكونوميكاسىن جاڭعىرتۋ ماسەلەلەرى جونىندەگى مەملەكەتتىك كوميسسياسىمەن ايقىندالادى. ال ليزينگتىك قارجىلاندىرۋ «قدب-ليزينگ» اق ارقىلى اۋىل شارۋاشىلىق تەحنيكانى قوسپاعاندا، اۆتوكولىكتىك قۇرالدارى مەن ارنايى ماقساتتاعى اۆتوتەحنيكانى وتاندىق اۆتووندىرۋشىلەردەن ساتىپ الىپ، كەيىنننەن ونى ليزينگكە ۇسىنادى. ليزينگتىك قارجىلاندىرۋ جەكە جانە زاڭدى تۇلعالارعا، جەكە كاسىپكەرلەرگە 4 پايىزدان اسپايتىن سىياقى مولشەرىمەن 3-5 جىلعا دەيىنگى مەرزىمگە بەرىلەتىن بولادى، - دەپ توقتالدى ۆيسە-مينيستر ٴوز بايانداماسىندا.

ايتا كەتەيىك، بۇل ماقساتتارعا 5 ملرد. تەڭگە باعىتتالاتىن بولادى كۇتىلۋدە.
 

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!