ٴۇشىنشى توقسان بويىنشا ەلىمىزدەگى ورتاشا جالاقى - 141 مىڭ تەڭگە - قازاقستان ەكونوميكاسى|01 قاراشا 2016، 09:59
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴۇشىنشى توقسان بويىنشا ەلىمىزدەگى ورتاشا جالاقى - 141 مىڭ تەڭگە

2016 جىلعى 3 توقساندا ٴبىر قىزمەتكەردىڭ ورتاشا ايلىعى 141187 تەڭگەنى قۇرادى. اتاۋلى جالاقى يندەكسى 2015 جىلدىڭ وسى ۋاقىتىمەن سالىستىرعاندا 113،4%، ال ناقتى جالاقى يندەكسى 96،7% قۇرادى، دەپ حابارلايدى baq.kz ٴتىلشىسى.

ستاتيستيكا كوميتەتىنىڭ مالىمەتىنە قاراعاندا سالالىق قۇرىلىمدا ەڭ ۇلكەن اتاۋلى جالاقى كاسىبي، عىلىمي جانە تەحنيكالىق قىزمەتتە – 326،7 مىڭ تەڭگە (ورتاشا رەسپۋبليكالىق دەڭگەيدەن 2،3 ەسەگە ارتتى)، ودان كەيىنگى ورىندا كەن ٴوندىرۋ ونەركاسىبى مەن كارەرلەردى قازۋشىلار – 313،2 مىڭ تەڭگە (2،2 ەسەگە ارتتى). العاشقى ۇشتىكتى قارجى جانە ساقتاندىرۋ قىزمەتىندەگىلەر تۇيىندەدى – 254،9 مىڭ تەڭگە (1،8 ەسەگە ارتتى).

ال العاشقى بەستىكتى قورىتىندىلاعاندا اقپارات جانە بايلانىس سالاسىندا – 196،3 مىڭ تەڭگە (1،4 ەسەگە ارتتى)، كولىك جانە قويمالاۋ سالاسىندا – 182،0 مىڭ تەڭگە (1،3 ەسەگە ارتتى) جالاقى بەلگىلەندى.

سونىمەن بىرگە ەلىمىزدەگى ەڭ تومەنگى اتاۋلى جالاقى اۋىل، ورمان جانە بالىق شارۋاشىلىعى قىزمەتكەرلەرىندە بەلگىلەنگەن – 89،4 مىڭ تەڭگە، بۇل رەسپۋبليكا بويىنشا ورتا كورسەتكىشتەن 36،7%-عا تومەن جانە ٴبىلىم بەرۋ سالاسىندا – 87،5 مىڭ تەڭگە كولەمىندە (تيىسىنشە 38،0%-عا تومەن).

ال ايلىق كولەمى بويىنشا وڭىرلەر اراسىندا ٴالى دە اتىراۋ وبلىسى – 279،2 مىڭ تەڭگەمەن كوش باستاپ تۇر. بۇل ورتاشا رەسپۋبليكالىق كورسەتكىشتەن شامامەن 2،0 ەسەگە ارتىق. ال ەلىمىزدە ەڭ تومەن جالاقى الاتىندار جامبىل وبلىسىندا. ونداعى جالاقى كولەمى 94،5 مىڭ تەڭگەنى قۇرايدى، بۇل ەل بويىنشا ورتاشا دەڭگەيدەن 33،1%-عا تومەن.

ەسكەرتۋ. حالىقارالىق ستاندارتتارعا سايكەس ٴبىر قىزمەتكەردىڭ ورتاشا ايلىق اتاۋلى جالاقىسى قوسىمشا اقىلاردى، ۇستەماقىلاردى، سىياقىلاردى، سونداي-اق سالىقتار مەن باسقا دا ۇستالىمداردى (تابىس سالىعى، مىندەتتى زەينەتاقى جارنالارىن) ەسەپكە الا وتىرىپ قالىپتاستىرىلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي