BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴۇش ايدا بەس ەسە قىمباتتادى

پاۆلوداردا قاراقۇمىق جارماسىنىڭ قىمباتتاعانى تۋرالى تەك قانا جەرگىلىكتى ەمەس، سونىمەن قاتار رەسپۋبليكالىق دەڭگەيدەگى باق وكىلدەرى جەرىنە جەتكىزە جازدى، تاياق ۇستاتقانداي ەتىپ تەلەارنالاردان كورسەتتى. ٴبىراق جاعداي وزگەرگەن جوق. حالىق اراسىندا «قارا بوتقا» دەپ ايدارلانعان قاراقۇمىقتىڭ قۇنى كۇزدەن بەرى بەس ەسەگە كوتەرىلدى.
 قالالىق كاسىپكەرلىك ٴبولىمىنىڭ ماماندارى قازىرگى كۇنى جەرگىلىكتى قوردىڭ تاپشى ەكەنىن، قالاداعى ساۋدا نۇكتەلەرىندە بۇل تاۋار اقپان ايىنان باستاپ پايدا بولاتىندىقتان، ازىرگە رەسەيدەن كەلەتىن ولشەپ سالىنعان ازىقتى ساتىپ الۋدى ۇسىنعان. ٴبىراق سول يمپورت بولىپ كەلگەن تاۋاردىڭ باعاسى قاتارداعى قاراپايىم زەينەتكەردىڭ قالتاسىنا سالماق تۇسىرەدى. ٴبىر كەلىسى 290 تەڭگەدەن باستالادى. بۇل - شەنەۋنىكتەردىڭ العا تارتىپ وتىرعان كورسەتكىشى. ال ٴتۇرلى ساۋدا نۇكتەلەرىندە ونىڭ باعاسى الدەقايدا جوعارى. جالپى، اتالمىش ونىمگە بۇرىن-سوڭدى مۇنشالىقتى سۇرانىس تا بولمايتىن. ال باعاسى ارتقان ۋاقىتتا ٴبىرىنشى بولىپ ايماقتاعى سۋسامىر دەرتىنە شالدىققاندار شۋ كوتەردى. سەبەبى سۋسامىرمەن اۋىراتىندار ناننىڭ ورنىنا قاراقۇمىقتى قورەك ەتەدى. ياعني مەديسينالىق تۇرعىدان العاندا ولارعا نان ونىمدەرىن، مايلى تاماق تۇرلەرىن جەۋگە شەكتەۋ قويىلعان. ول ٴبىرىنشى كەزەكتە اعزادا قانت مولشەرىنىڭ ارتۋىنا الىپ كەلەدى. ال ونىڭ قورىتىندىسى نەگە اپاراتىن كەز كەلگەن ادام بىلسە كەرەك. سوندىقتان دا سۋسامىر كەسەلىنەن تاۋقىمەت تارتىپ جۇرگەندەر ٴۇشىن العاشقى اس - قاراقۇمىق. ٴبىراق دۇكەندەردەگى باعاسى باس اينالدىراتىن بۇل ٴونىمدى ٴاربىرىنىڭ ساتىپ الۋعا شامالارى جەتپەيدى. سوندىقتان دا ولار ٴوز ومىرلەرىمەن بايلانىستىرعان تاۋار ٴتۇرىنىڭ باعاسى جاعىنان جاڭا ساتىعا كوتەرىلگەنىن اپاتقا بالايدى. ازىرگە جەرگىلىكتى شەنەۋنىكتەر رەسپۋبليكالىق قاراقۇمىق وندىرۋشىلەرگە ٴۇمىت ارتۋدا. ساۋدا نۇكتەلەرىندە اعىمداعى ايدا قاراقۇمىق دۇرلىكپەسى تولاستايدى دەپ كۇتىلۋدە. سول سەبەپتەن سۋسامىردان جاندارىن باققاندار دا دۇكەن سورەلەرىنە تەلمىرۋدەن باسقا امال قالماعانداي. ٴبىر ايتا كەتەرلىگى، پاۆلوداردا باسەكەلەستىكتى قورعاۋ جونىندەگى اگەنتتىك ينسپەكسياسىنىڭ ماماندارى مامانداندىرىلعان اكىمشىلىك سوتقا قاراقۇمىق جارماسىن جەتكىزىپ بەرۋشىلەردى ايىپتاپ ماتەريالدار بەردى. ياعني ولاردىڭ سوزىنە قاراعاندا، وتكەن كۇزدە بۇل كاسىپورىندار قاراقۇمىقتىڭ قۇنىن 78 پايىزعا دەيىن كوتەرگەن. ازىرگە اتالمىش جايت بويىنشا ناقتى شەشىم شىعارىلعان جوق. ٴبىراق بۇدان وزگەرەتىنى دە شامالى. جەكەلەگەن كاسىپورىنداردى كىنالاپ ايىپپۇل تولەتكەنمەن ول باسقالارىنا ساباق بولسا يگى. دەگەنمەن بۇدان ناۋقاس جاندارعا قانداي پايدا بار؟ قاراقۇمىقتى ەكىنشى ومىرلەرىنە بالايتىن ولار سوڭعى تيىندارىن ساناپ بولسىن ساتىپ الۋعا ٴماجبۇر. سونىمەن قاتار ۇستىمىزدەگى جىلى پاۆلودار وبلىسىندا ەگىس القاپتارىنىڭ كولەمىن 70 مىڭ گەكتارعا كوبەيتىپ، بيدايعا باسىمدىق بەرىلەدى دەپ جوسپارلانۋدا. قالاي دەسەك تە ەگىنجايلاردىڭ اۋماعىن ۇلعايتقانىمەن تۇسەر پايدادان قايىر بولماي تۇر عوي. ٴونىمدى كوپ جينادىق دەپ تاقيالارىن تىك اتىپ كۇزدە ماقتانعانىمەن، قىس تۇسە «قور تاۋسىلدى» دەپ قول جايادى جانە بۇل ۇيرەنشىكتى جاعداي بولىپ العان. بىلتىر كارتوپتان دا، بيدايدان دا تارشىلىق كورمەيمىز دەگەن جاۋاپتى ۆەدومستۆالار قىس كەلىسىمەن اۋىزدارىن قۇرعاق شوپپەن ٴسۇرتىپ قالدى. قاراقۇمىقتىڭ اينالاسىنداعى جاعداي دا وسى تەكتەس. بارىنەن بۇرىن اعزاداعى قانت مولشەرىنىڭ كوبەيىپ كەتپەسىن ويلاپ، ٴتۇن ۇيقىلارىنا توسەكتەرىن دە سالمايتىن حالىققا وبال بولدى. بەيبىت بوجەن پاۆلودار قالاسى http://www.aikyn.kz/index.php؟option=com_content&task=view&id=6009&itemid=2

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي