استانا: 
504 
0
استانا. 22 جەلتوقسان. baq.kz - قازاقستان رەسپۋبليكاسى ۇلتتىق بانكىنىڭ 2014-2018 جىلدارعا ارنالعان ستاتەگيالىق جوسپارى ۇسىندى. بۇل جىلدىق ينفلياسيانى 6،0-8،0% دالىزىندە ۇستاپ تۇرۋدى بولجايدى، دەپ حابارلايدى almaty.tv ٴتىلشىسى ۇلتتىق بانك ٴباسپاسوز قىزمەتىنە سىلتەمە جاساي وتىرىپ.
«2014 جىلدىڭ باسىنان باستاپ ازىق-تۇلىك تاۋارلارى – 5،5%-عا (1،7%-عا)، ازىق-تۇلىككە جاتپايتىن تاۋارلار – 4،7%-عا (1،1%-عا)، اقىلى قىزمەتتەر – 4،0%-عا (5،4%-عا) قىمباتتادى. وسىلايشا، 2014 جىلى ينفلياسيالىق پروسەستەردىڭ جەدەلدەۋى بايقالادى»، - دەلىنگەن حابارلامادا.
سونمەن قاتار، 2014 جىلعى قاڭتار-ماۋسىم ارالىعىندا رەسمي قايتا قارجىلاندىرۋ مӛلشەرلەمەسى وزگەرىسسىز قالدى. 2012 جىلعى تامىزدان باستاپ ول جىلدىق 5،5% دەڭگەيىندە ساقتالۋدا.
«تاياۋ اراداعى بەسجىلدىقتا ۆاليۋتالىق رەتتەۋ جانە ۆاليۋتالىق باقىلاۋ سالاسىندا ۇلتتىق بانك قىزمەتىنىڭ نەگىزگى باعىتتارىنىڭ ٴبىرى ۆاليۋتالىق وپەراسيالار مونيتورينگىنىڭ قۇرىلعان جۇيەسىن جاڭا جاعدايلارعا – كەدەن وداعىن (كو) جانە كەدەن وداعىنا قاتىسۋشى مەملەكەتتەردىڭ ٴبىرىڭعاي ەكونوميكالىق كەڭىستىگىن (بەك) قۇرۋعا جانە قازاقستاننىڭ دۇنيەجۇزىلىك ساۋدا ۇيىمىنا كىرۋىنە بەيىمدەۋ بولىپ تابىلادى. بەك جانە قازاقستاننىڭ دۇنيەجۇزىلىك ساۋدا ۇيىمىنا مۇشەلىگى شەڭبەرىندە كاپيتال مەن جۇمىس كۇشىنىڭ ەركىن قوزعالىسى قاعيداتتارىن ىسكە اسىرۋ ۆاليۋتالىق رەتتەۋ مەن ۆاليۋتالىق باقىلاۋ تاسىلدەرىن قايتا قاراۋدى تالاپ ەتەدى»، - دەلىنگەن حابارلامادا.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5010
0