ۇكپ پەن «دامۋ» اق كاسىپكەرلىكتى بىرلەسە دامىتۋ قۇجاتىن بەكىتتى

استانا. 30 جەلتوقسان. baq.kz – بۇگىن ۇلتتىق كاسىپكەرلەر پالاتاسى مەن «دامۋ» كاسىپكەرلىكتى دامىتۋ قورى» اق اراسىنكاسىپكەرلىك سۋبەكتىلەرى مەن كاسىبىن اشۋعا ىنتالى ازاماتتارعا قارجىلاي ەمەس قولداۋ شارالارىن كورسەتۋدەگى ارىپتەستىك تۋرالى كەلىسىمشارتقا قول قويۋ ٴراسىمى ٴوتتى. قۇجاتتى ۇكپ وڭىرلىك دامۋ دەپارتامەنتىنىڭ ديرەكتورى – باسقارۋشى ديرەكتورى دىنمۇحاممەد ٴابساتتاروۆ پەن «دامۋ» كدق» باسقارما ٴتورايىمى ٴلاززات يبراگيموۆا بەكىتتى، - دەپ حابارلايدى baq.kz ٴتىلشىسى.

كەلىسىم قۇجات نەگىزىندە كاسىپكەرلەرگە قىزمەت كورسەتۋ ورتالىقتارىندا «ٴبىر تەرەزە» ٴادىسى ارقىلى قارجىلاي ەمەس قولداۋ كورسەتىلمەك. كاسىپكەرلەرگە قىزمەت كورسەتۋ ورتالىقتارىندا كەڭەستەر بەرىلىپ، اقپاراتتىق ٴتۇسىندىرۋ شارالارى جۇرگىزىلمەك. سەرۆيستىك قولداۋ دا كورسەتىلەدى. بۇدان بولەك، ۇلتتىق كاسىپكەرلەر پالاتاسى «بيزنەس-كەڭەسشى»، «بيزنەس-وسىم» جانە «بيزنەستىڭ جول كارتاسى – 2020» جوبالارىن جۇزەگە اسىرماق. ارنايى باعدارلامالار كاسىپكەرلەر ٴۇشىن قىسقا مەرزىمدى وقۋ كۋرستارىن ۇيىمداستىرۋعا، بيزنەس جۇرگىزۋدىڭ ادىس-تاسىلدەرىن مەڭگەرۋگە ارنالعان ترەنينگتەر وتكىزۋگە، سونىمەن قاتار، وقۋ-ادىستەمەلىك ماتەريالداردى دايىنداپ، اقپاراتتىق-ساراپتامالىق قولداۋ بىلدىرۋگە مۇمكىندىك بەرەدى.

بۇعان دەيىن حابارلانعانداي، ۇلتتىق كاسىپكەرلەر پالاتاسى جانىنان كاسىبىن ەندى اشقاندار ٴۇشىن بيزنەس مەكتەپتەر اشىلماق. جوبا ەلىمىزدىڭ بارلىق قالالارى مەن وبلىس اۋداندارىن قامتىماق. سونداي-اق، مونيتورينگ جۇيەسىن ەنگىزۋ جوسپارلانىپ وتىر.
 

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!