BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۇركىستاندا قالدىقتاردان ەلەكتر قۋاتىن وندىرەتىن زاۋىت سالىنۋى مۇمكىن

استانا، baq.kz. بۇل تۋرالى تۇركىستان وبلىسى اكىمىنىڭ ٴبىرىنشى ورىنباسارى قايرات نۇكەنوۆتىڭ تۇركيا رەسپۋبليكاسىنىڭ ٴبىر توپ كاسىپكەرلەرىمەن كەزدەسۋىندە ايتىلدى، دەپ جازادى تۇركىستان وبلىسى اكىمدىگىنىڭ ٴباسپاسوز قىزمەتى.

«بىزدەر، بۇگىندە، تۇركىستاننىڭ جاڭعىرىپ، جاڭارىپ جاتقان داۋىرىندە تۇرمىز. وسى ورايدا، تۇركى تىلدەس ەلدەر مەن ورتالىق ازيانىڭ رۋحاني-مادەني ورتالىعى بولىپ تابىلاتىن شاھارىمىزدى دامىتۋدا باۋىرلاس تۇرىك اعايىندارمەن ەكى جاقتى ٴتيىمدى ونەركاسىپتىك، ساۋدا-ەكونوميكالىق جانە ينۆەستيسيالىق ارىپتەستىك ورناتۋ مىندەتى تۇر دەپ بىلەمىن. اسىرەسە، تابيعاتى كورىكتى ٴھام دەنساۋلىققا پايدالى ورىندارعا باي وبلىسىمىزدىڭ تۋريزم سالاسىن كوتەرۋ ماقساتىندا وزدەرىڭىزدەن جاقسى ۇسىنىستار كۇتەمىز. جانە ولاردى قاشان دا قولداۋعا ٴازىرمىز»، - دەدى قايرات نۇكەنوۆ.

«biotrend energy» كومپانياسىنىڭ باسقارما ٴتوراعاسى م.اسلان كومپانيانىڭ اۋىل شارۋاشىلىعى ونىمدەرىن قايتا وڭدەۋدە وزىق كاسىپورىن ەكەنىن ايتىپ، وسى سالادا تۇركىستان وبلىسىنا ينۆەستيسيا سالۋعا نيەتتى ەكەنىن جەتكىزدى. اتاپ ايتقاندا، ٴتوراعا ماقتا قالدىقتارى مەن قوقىستان پوليەتيلەن ونىمدەرىن، ەلەكتر قۋاتىن جانە تابيعي گاز شىعارۋعا بولاتىنىن ايتىپ، ناقتىراق ايتقاندا، ماقتا قالدىقتارىنان ەلەكتر قۋاتىن وندىرەتىن زاۋىت سالۋ تۋرالى ۇسىنىسىن جەتكىزدى.

تۇركيالىق ينۆەستورلاردىڭ مالىمەتىنشە، 1 گەكتار ماقتا القابىنان 3 توننا ماقتا قالدىعى شىقسا، ودان 30-40 مۆت ەلەكتر قۋاتىن وندىرۋگە بولادى ەكەن. وسىنى ەسكەرگەن ماماندار "اق التىن" ەگىلەتىن شاردارا، جەتىساي جانە ماقتاارال اۋداندارىندا ماقتا قالدىعىن قابىلداپ، ونى وڭدەيتىن ەكى زاۋىت سالۋدى جوسپارلاپ وتىر. بۇل رەتتە، دەلەگاسيا جەتەكشىسى اكىمدىك تاراپىنان جەر تەلىمىن ٴبولىپ بەرۋ مەن قۇجاتتاردى راسىمدەۋ جاعىنان قاجەتتى قولداۋ كورسەتۋدى سۇرادى.

بارشا مالىمەتتەرگە قانىققان وبلىس اكىمىنىڭ ٴبىرىنشى ورىنباسارى ينۆەستورلارعا اكىمدىك تاراپىنان ٴتيىستى قولداۋلاردىڭ كورسەتىلەتىنىن جەتكىزدى. جەر تەلىمىن بەرۋدە ماسەلەنىڭ جوقتىعىن العا تارتقان ق.نۇكەنوۆ سالىق تولەۋ تۇرعىسىنان دا جەڭىلدىكتەردىڭ بولاتىنىن جەتكىزدى.
ايتا كەتەيىك، «biotrend energy» كومپانياسى حالىقارالىق ستاندارتتارعا سايكەس تازا قۋات ٴوندىرۋدى ماقسات تۇتقان، ىرگەتاسى 2012 جىلى قۇرىلعان ەنەرگەتيكالىق كاسىپورىن. وندا بۇگىندە 200-دەن استام بىلىكتى قىزمەتكەرلەر جۇمىس ىستەيدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي