تۇركىستان وبلىسى مەن وزبەكستان اراسىنداعى تاۋار اينالىمى ٴوستى

استانا، baq.kz. وبلىستىق مەملەكەتتىك كىرىستەر دەپارتامەنتى قۇرامىندا التى شەكارالىق، ەكى ىشكى كەدەن بەكەتى قىزمەت اتقارادى. وزبەكستان رەسپۋبليكاسى اراسىندا تاۋار اينالىمى اعىمداعى جىلدىڭ 11 ايىندا 447 ملن. اقش دوللارىن قۇراپ، وتكەن جىلمەن سالىستىرعاندا 27،7 پايىزعا ٴوستى. بۇل تۋرالى تۇركىستان وبلىسىنىڭ وڭىرلىك كوممۋنيكاسيالار قىزمەتىندە وبلىستىق مەملەكەتتىك كىرىستەر دەپارتامەنتى باسشىسىنىڭ ورىنباسارى ەلدوس ساۋدابايەۆ مالىمدەدى.

2018 جىلدىڭ 11 ايلىق قورىتىندىسى بويىنشا دەپارتامەنتتىڭ كەدەن بەكەتتەرىمەن 14 539 تاۋارلارعا ارنالعان دەكلاراسيا رەسىمدەلگەن. بۇل بىلتىرعىعا قاراعاندا 16،2 پايىزعا وسكەندىگىن كورسەتىپ وتىر.

«دەپارتامەنتتىڭ كەدەن بەكەتتەرى ارقىلى 174 865 جۇك اۆتوكولىك قۇرالدارى ٴوتىپ، وتكەن جىلمەن سالىستىرعاندا 63،7 پايىزعا وسكەن. سونداي-اق، 244 310 جەڭىل اۆتوكولىك شەكارادان وتكەن. بۇدان وزگە، 17 019 264 ازامات شەكارادان ٴوتىپ، بىلتىرعىعا قاراعاندا 46،8 پايىزعا كوبەيگەن. كەدەن بەكەتتەرىندە كەزەكتە تۇرعان اۆتوكولىك قۇرالدارىنىڭ ٴوتۋىن جىلدامداتۋ ماقساتىندا كەدەن بەكەتىنە قوسىمشا قىزمەتكەرلەر مەن جۇمىس ورىندارى كوبەيتىلدى. سونداي-اق، اۆتوكولىك قۇرالدارىنىڭ وتكىزۋ قابىلەتتىلىگىن ارتتىرۋ ماقساتىندا، 2019 جىلدىڭ اقپان ايىنان باستاپ «ب.قونىسبايەۆ» وتكىزۋ پۋنكتىنىڭ قايتا قۇرۋ قۇرىلىسىنىڭ باستالۋى جوسپارلانۋدا. بۇل جوبادا اۆتوكولىكتەردىڭ كىرىپ-شىعۋ جولاقتارى 2 دەن 6 جولاققا دەيىن ۇلعايۋ قاراستىرىلعان»، - دەدى ەلدوس ەرماعانبەت ۇلى.

دەپارتامەنتتىڭ قىزمەت ەتۋ ايماعىندا ەۋرازيالىق ەكونوميكالىق وداقتىق كەدەن شەكاراسى ارقىلى وتكىزىلگەن تاۋارلار مەن تۇلعالارعا قاتىستى 514 اكىمشىلىك ٴىس قوزعالعان. ودان باسقا، 33 فاكتى بويىنشا قىلمىستىق ٴىس قوزعالىپ، ونىڭ ىشىندە، 31 فاكتى بويىنشا ەسىرتكى زاتتاردى تاسىمالداۋعا قاتىستى، 1 فاكتى مەديسينالىق پرەپاراتتار بويىنشا جانە 1 فاكتى بويىنشا ەكونوميكالىق كونترابانداعا قاتىستى قىلمىستىق ىستەر بولىپ وتىر.

سونىمەن قاتار، كەدەندىك راسىمدەردى جاڭعىرتۋ مەن كەدەندىك جانە سالىقتىق اكىمشىلەندىرۋ اۆتوماتتاندىرۋ جۇيەلەرى جاڭارتىلىپ كەلەدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!