تۇرعىن ٴۇي قۇرىلىسىندا كەپىلدىك بەرۋ جۇيەسىن ەنگىزۋ كوزدەلۋدە

استانا. 18 جەلتوقسان. baq.kz – بۇگىن ٴماجىلىستىڭ جالپى وتىرىسىنان سوڭ، پارلامەنتتەگى «نۇر وتان» پارتياسى فراكسياسىنىڭ القالى جيىنىندا «بايتەرەك» ۇلتتىق باسقارۋشى حولدينگى» اق تۇرعىن ٴۇي قۇرىلىسىنىڭ باعدارلامالارىن ىسكە اسىرۋدا اتقارعان شارۋالارى مەن كەلەشەكتەگى جوسپارلارى تالقىلاندى. باسقوسۋدا بايانداما جاساعان قۋاندىق بيشىمبايەۆ اتالعان سالا جۇمىسىن جانداندىرا ٴتۇسۋ ٴۇشىن تۇرعىن ٴۇي قۇرىلىسىندا كەپىلدىك بەرۋ جۇيەسىن ەنگىزۋ قاجەتتىگىن اتاپ ٴوتتى، - دەپ حابارلايدى baq.kz ٴتىلشىسى.

- مەملەكەت باسشىسىنىڭ ۇلەستىك سالىمداردى ساقتاندىرۋ جۇيەسىن ازىرلەۋگە قاتىستى تاپسىرماسىن ورىنداۋ ٴۇشىن حولدينگ تۇرعىن ٴۇي قۇرىلىسىنا كەپىلدىك بەرۋ جۇيەسىن ەنگىزۋ بويىنشا جۇمىس جۇرگىزۋدە، - دەدى ول ٴوز بايانداماسىندا.

ونىڭ ايتۋىنا قاراعاندا، مۇنداي تەتىكتى ازىرلەۋدىڭ نەگىزى رەتىندە تۇرعىن ٴۇي قۇرىلىسىنا ۇلەستىك قاتىسۋداعى ۇلەسكەرلەردىڭ قۇقىقتارى مەن مۇددەلەرىن قورعاۋ تۋرالى زاڭنامانى جەتىلدىرۋ قاجەت كورىنەدى.

- سونىمەن قاتار، قازىرگى ۋاقىتتا «تۇرعىن ٴۇي قۇرىلىسىنا ۇلەستىك قاتىسۋ تۋرالى» قازاقستان رەسپۋبليكاسىنىڭ زاڭى قولدانىلمايتىن ۇلەستىك قاتىسۋ قاتىناستارى ٴۇشىن ارنايى قۇقىقتىق الاڭ قۇرۋ قاجەتتىگى تۋىنداپ وتىر، - دەدى قۋاندىق ۋاليحان ۇلى.

- الايدا، بۇل ماسەلەگە قاتىستى دەپۋتاتتار تاراپىنان كوپتەگەن ساۋال تۋىنداعاندىقتان، كەپىل بەرۋ جايىنا قاتىستى ايتىلىپ جاتقان ماسەلەلەر6 تەك قانا6 ۇسىنىس نەمەسە تالقىلاۋ نەگىزىندە ەكەندىگىن قاپەرلەرىڭىزگە سالامىز. ال ەندى قانداي دا ٴبىر  جاڭاشا شەشىم قابىلدانىپ، ونى جۇزەگە اسىرار الدىندا، ارينە زاڭ جوباسىن وزدەرىڭىزبەن بىرلەسە وتىرىپ كەڭ تالقىلاۋدان وتكىزەتىن بولامىز. ٴبىراق، قازىرگى قولدانىستاعى زاڭنامانى ۋاقىت تالابىنا ساي جەتىلدىرۋىمىز كەرەك، - دەپ تولىقتىردى ول ٴوز مالىمدەمەسىن.
 

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!