تۇرعىن ٴۇي قۇرىلىسىنا تەك وتاندىق كومپانيالار عانا قاتىسۋدا

استانا. 6 مامىر. baq.kz – بۇگىن ورتالىق كوممۋنيكاسيالار قىزمەتىنىڭ الاڭىندا وتكەن ٴباسپاسوز ٴماسليحاتىندا «قازاقستاننىڭ يپوتەكالىق كومپانياسى» يۇ» اق باسقارما ٴتوراعاسى ازامات يبادۋللايەۆ تۇرعىن ٴۇي قۇرىلىسىن جۇرگىزۋگە ەشقانداي دا شەت ەلدىك كومپانيالار ەمەس، كەرىسىنشە تەك، وتاندىق كومپانيالار عانا قاتىستىرىلىپ جاتقاندىعىن مالىمدەدى، - دەپ حابارلايدى baq.kz ٴتىلشىسى.

- قازىرگى كەزدە مەملەكەت باسشىسىنىڭ باستاماسىمەن «نۇرلى جول» باعدارلاماسى ارقىلى قولعا الىنىپ، ايماقتاردا جۇزەگە اسىرىلىپ، سالىنىپ جاتقان تۇرعىن ۇيلەر قۇرىلىسىنا تەك قانا، قازاقستاننىڭ قۇرىلىس كومپانيالارى عانا قاتىستىرىلۋدا. ولاردىڭ قاتارىندا ەشقانداي دا شەت ەلدىك كومپنايالار جوق دەپ نىق سەنىممەن ايتۋعا بولادى، - دەدى ازامات امال ۇلى.

سونىمەن قاتار، سالا ماماندارىنىڭ ايتۋىنشا مەملەكەتتىك باعدارلاما اياسىندا سالىناتىن تۇرعىن ٴۇي قۇرىلىستارىندا مۇمكىندىگىنشە وتاندىق ونىمدەردىڭ مەيلىنشە مولىنان پايدالانۋ دا قىزۋ قولعا الىنعاندىعىن تىلگە تيەك ەتتى.

- وسى ماقساتتا، ٴوز ەلىمىزدە شىعارىلمايتىن كەيبىر قۇرىلىس ماتەريالدارى عانا بولماسا، كوپ رەتتە «قازاقستاندا جاسالعان» برەندىمەن وندىرىلگەن وتاندىق تاۋارلارعا سۇرانىس ارتقانى جاسىرىن ەمەس. سونداي-اق، مۇنداي قادام ٴوز كەزەگىندە تۇرعىن ٴۇي باعاسىنىڭ نارىقتاعى قۇنىنىڭ ارتىپ كەتپەۋىنە دە ٴوز سەپتىگىن تيگىزەتىنى ٴسوزسىز، - دەيدى باسقارما ٴتوراعاسى.
 

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!