تەحنولوگيالىق دامۋدىڭ حالىقارالىق سەرىكتەستىك جۇيەسى كەڭەيدى

استانا. 17 قاراشا. baq.kz – بۇگىن قر پرەزيدەنتى جانىنداعى ورتالىق كوممۋنيكاسيالار قىزمەتىندە ۇدەمەلى يندۋستريالدى-يننوۆاسيالىق دامۋ مەملەكەتتىك باعدارلاماسى اياسىندا ەلىمىزدەگى يننوۆاسيالىق باستامالاردى قولداۋ ٴىسىنىڭ ناتيجەلەرىنە ارنالعان ٴباسپاسوز ٴماسليحاتى «تەحنولوگيالىق دامۋ جونىندەگى ۇلتتىق اگەنتتىك» باسقارما ٴتوراعاسىنىڭ مىندەتىن اتقارۋشى سانجار ىزتىلەۋوۆ وسىلاي مالىمدەدى، - دەپ حابارلايدى baq.kz ٴتىلشىسى.

- يننوۆاسيالىق ينفراقۇرىلىمدى دامىتۋ ماقساتىندا اگەنتتىك ٴوزىنىڭ ەنشىلەس مەكەمەلەرى – تاجىريبەلىك-كونسترۋكتورلىق بيۋرولارى ارقىلى ماشينا جاساۋ كومپانيالارىنا جاڭا ونىمدەردى شىعارۋ ىسىندە جاردەم كورسەتىپ كەلەدى. وتكەن ۋاقىت ىشىندە كونسترۋكتورلىق بيۋرولار 419 كونسترۋكتورلىق جوبالاردىڭ قۇجاتتارىن ٴوز ىشىندە دايىنداپ، تاعى دا 69-ىن شەت ەلدەردەن الدىردى. سولاردىڭ نەگىزىندە وتاندىق كاسىپورىندار 198 ٴتۇرلى جاڭا ٴونىمدى ٴوندىرۋ مۇمكىندىگىنە يە بولدى، - دەپ اتاپ ٴوتتى اگەنتتىك ٴتوراعاسىنىڭ مىندەتىن اتقارۋشى سانجار ىزتىلەۋوۆ.

سونىمەن بىرگە جوبالاردى كوممەرسياليزاسيالاۋ جۇيەسى قۇرىلىپ، رەسپۋبليكا بويىنشا 21 كوممەرسياليزاسيا وفيستەرى مەن 6 ايماقتىق ورتالىقتار اشىلعان. بۇل وفيستەردىڭ باستى ماقساتى كوممەرسيالىق الەۋەتى مول جوبالار مەن تەحنولوگيالاردى ىزدەستىرۋ، قولداۋ كورسەتۋ جانە نارىققا ەنگىزۋ بولىپ تابىلادى. باعدارلامانى جۇزەگە اسىرۋ بارىسىندا كوممەرسياليزاسيالاۋ وفيستەرى ارقىلى 406 ٴوتىنىم تۇسكەن بولسا، ونىڭ ٴ122-نىڭ جوباسى وندىرىسكە الىنعان.

- سونداي-اق، وسى جىلدار ىشىندە اگەنتتىكتىڭ حالىقارالىق سەرىكتەستىك جۇيەسى كەڭەيدى. بۇگىنگى تاڭدا اقش، قىتاي، وڭتۇستىك كورەيا، فرانسيا، نورۆەگيا سياقتى يننوۆاسيالىق پوتەنسيالى ۇلكەن ەلدەردە حالىقارالىق ترانسفەرت ورتالىقتارى جۇمىس ىستەپ، سول ورتالىقتاردىڭ باستاماسىمەن 22 بىرلەسكەن جوبا جۇزەگە اسىرىلدى جانە تاعى 29 جوبا زەرتتەلۋ ۇستىندە، - دەيدى ول.

نۇرلىبەك دوسىباي،
سۋرەتتى تۇسىرگەن – ازات ەسەمبەكوۆ
 

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!