تاجىكستان قازاقستاندىق تەمىر جول كولىگى ماشيناسى يمپورتىن ارتتىرۋعا مۇددەلى - قازاقستان ەكونوميكاسى|28 قاڭتار 2016، 16:00
كۋرسى ۆاليۋت وبنوۆليايۋتسيا
استانا:

تاجىكستان قازاقستاندىق تەمىر جول كولىگى ماشيناسى يمپورتىن ارتتىرۋعا مۇددەلى

استانا. 28 قاڭتار. baq.kz - قاڭتاردىڭ 27-سىندە بۇگىن «قازاقستان تەمىر جولى» ۇك» اق پرەزيدەنتى اسقار مامين «روحي وحاني توچيكيستون» (تاجىكستان تەمىر جولى) مەملەكەتتىك ۋنيتارلىق كاسىپورنى اكىمشىلىگىنىڭ باستىعى كوميل ميرزواليمەن كەلىسسوز وتكىزدى، دەپ حابارلايدى «قتج» ۇك» اق ٴباسپاسوز قىزمەتى. 

كەزدەسۋ بارىسىندا تەمىر جول كولىگى ماشيناسىن جاساۋ مەن لوگيستيكا سالاسىنداعى ەكى جاقتى سەرىكتەستىك ماسەلەلەرى قاراستىرىلدى. قازاقستان اۋماعىندا جۇرەتىن تاجىكستاندا جاساقتالعان جولاۋشىلار پويىزدارىنا قوسىمشا جەڭىلدىكتەر، قازاقستاندىق استىقتى تاجىكستانعا جەتكىزۋ جايى ٴسوز بولدى.

كەلىسسوز بارىسىندا تەمىر جول اكىمشىلىكتەرىنىڭ باسشىلارى ا. مامين مەن ك. ميرزوالي 2016 جىلى تاجىكستانعا تەمىر جول كولىگى ماشينالارىنىڭ كوپتەگەن ٴونىم تۇرلەرىن جەتكىزۋگە ۋاعدالاستى.

قول قويىلعان كەلىسىمگە سايكەس، تاراپتار تەپلوۆوزدار، باعىتتاۋىش بۇرمالار، جوندەۋ جيناقتارى مەن جۇك جانە جولاۋشىلار ۆاگوندارىنا ارنالعان تۇتاس قۇيىلعان دوڭعالاقتار جاساۋ ماسەلەسى بويىنشا سەرىكتەستىك اياسىن كەڭەيتەدى. ماڭىزدى قۇجاتتاعى نەگىزگى باپتىڭ ٴبىرى بويىنشا اقتوبە رەلس ارقاۋى زاۋىتىنىڭ ر-65 رەلستەرىن تاجىك تەمىر جولىنا جەتكىزۋ جايى قاراستىرىلدى.

ساپار اياسىندا «روحي وحاني توچيكيستون» مۋك وكىلدەرى ەلورداسىنداعى «لوكوموتيۆ قۇراستىرۋ زاۋىتى» اق، «تۇلپار-تالگو» جشس كاسىپورىندارىن ارالادى. ولاردى قازاقستانداعى تەمىر جول كولىگى ماشيناسىن جاساۋدىڭ وزىق تەحنولوگيامەن قامتىلعان سالاسىنىڭ بولاشاعى قىزىقتىردى.

تاجىكستاندىق دەلەگاسيا «قتج» ۇك» اق فيليالدارى – «كولىكتەگى تەحنولوگيا ورتالىعى» اق مەن «تاسىمالداۋدى باسقارۋ ورتالىعىندا» بولدى. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي