"تارلان" اتتى ينۆەستيسيالىق قور قۇرىلدى

استانا. 23 جەلتوقسان. baq.kz – قازاقستاندا «تارلان» اتتى ۆاليۋتالىق ينتۆەرالدىق ۇلەسپۇلدىق ينۆەستيسيالىق تۇڭعىش قور قۇرىلدى.

«اسىل-ينۆەست» اق قازاقستاندا «تارلان» اتتى ۆاليۋتالىق ينتەرۆالدىق ۇلەسپۇلدىق ينۆەستيسيالىق تۇڭعىش قوردى (ٴۆيۇيق) ىسكە قوسىپ وتىر.

«تارلان» ۆيۇيق – حالىقتىڭ كەڭ توپتارىنا الەمدەگى جەتەكشى ەميتەنتتەردىڭ شەتەلدىك ۆاليۋتاداعى ٴتۇرلى باعالى قاعازدارىنىڭ يەسى اتانۋعا، بىردەي تاۋەكەل جاعدايىندا بانكتىك (ۆاليۋتالىق) دەپوزيتتەردىڭ تابىس دەڭگەيىنەن ايتارلىقتاي اسىپ تۇسەتىن تابىستى الۋعا مۇمكىندىك بەرەتىن تۇڭعىش قازاقستاندىق قور.

قوردىڭ ينۆەستيسيالىق دەكلاراسياسىندا ينۆەستيسيالاۋدىڭ نەگىزگى قۇرالدارى رەتىندە «ەميتەنتتەردىڭ شەتەلدىك ۆاليۋتاداعى كورپوراتيۆتىك وبليگاسيالارى»، «شەتەلدىك جانە وتاندىق ەميتەنتتەردىڭ شەتەلدىك ۆاليۋتاداعى قارجىلىق قۇرالدارى»، «شەتەلدىك مەملەكەتتەردىڭ جانە قازاقستان رەسپۋبليكاسىنىڭ مەملەكەتتىك باعالى قاعازدارى» بەلگىلەنگەن.

«تارلان» ۆيۇيق قىزمەتى زاڭمەن رەتتەلەدى، ال ۆاليۋتالىق قوردىڭ ۇلەسپ ۇلىن ەسەپكە الۋ جانە ساقتاۋمەن قر ۇلتتىق بانكى جانىنداعى نارىقتىڭ ليسەنزياتى بولىپ تابىلاتىن قۇرىلىم – باعالى قاعازداردىڭ ٴبىرىڭعاي تىركەۋشىسى (بقبت) اينالىسادى.

ينۆەستيسيالاۋدىڭ ەڭ از مولشەرى 100 (ٴجۇز) اقش دوللارىن قۇرايدى.
باستاپقى ورنالاستىرۋ كەزەڭىندە ۆيۇيق ۇلەسپ ۇلىنىڭ اتاۋلى قۇنى 10 (ون) اقش دوللارىن قۇرايدى. «تارلان» ۆيۇيق ۇلەسپۇلدارىن ساتىپ الۋ تۋرالى ٴوتىنىمدى كەز-كەلگەن جەكە نەمەسە زاڭدى تۇلعا «اسىل-ينۆەست» كومپانياسىنىڭ وفيسىنە جولىعىپ، تاپسىرا الادى. وسى رەتتە باسقارۋشى كومپانيا ۇلەسپۇلداردى ەسەپكە الۋ ٴۇشىن بقبت كليەنتتەرىنىڭ اتىنان شوت اشۋ قۇقىعىنا يە. سوندىقتان كليەنتكە ۇلەسپۇلعا قاتىسۋ ٴۇشىن قوسىمشا ارەكەتتەردى جاساۋدىڭ قاجەتى جوق.

قازىرگى كەزەڭدە قور باستاپقى ورنالاستىرۋدى اياقتاۋ ٴۇشىن قاجەتتى 100 000 اەك مولشەرىنەن كەم بولمايتىن سومانى تارتۋدى جوسپارلاپ وتىر. ارى قاراي جيناقتالعان اكتيۆتەر قور نارىعىنداعى قۇرالدارعا ينۆەستيسيالاناتىن بولادى.

قوردىڭ بانك-كاستوديانى «رەسەي جيناق بانكى» اق ەب بولىپ تابىلادى، ال تىركەۋشىسى - باعالى قاعازداردىڭ ٴبىرىڭعاي تىركەۋشىسى. «تارلان» ٴۇيق اكتيۆتەرىن كاسىبي باسقارۋمەن «اسىل-ينۆەست» اق باسقارۋشى كومپانياسى اينالىسادى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!