استانا: 
446 
0
استانا. 4 ٴساۋىر. baq.kz - تۇرعىن ۇي-كوممۋنالدىق شارۋاشىلىقتى جاڭعىرتۋ بويىنشا جەرگىلىكتى اتقارۋشى ورگانداردان بارلىعى جالپى سوماسى 269،4 ملرد تەڭگەنى قۇرايتىن 200 جوبا ۇسىنىلعان. ولاردىڭ اراسىنان سوماسى 60 ملرد تەڭگەنى قۇرايتىن 96 جوبا تاڭدالعان. بۇل تۋرالى بۇگىن قر ۇلتتىق ەكونوميكا ۆيسە-مينيسترى قايىربەك وسكەنبايەۆ قر پرەزيدەنتى جانىنداعى ورتالىق كوممۋنيكاسيالار قىزمەتىندە وتكەن بريفينگ بارىسىندا ايتتى.
«جىلۋمەن جابدىقتاۋ جۇيەسىنىڭ جاڭعىرتىلۋى بويىنشا 66 جوبا، جىلۋ كوزدەرى بويىنشا 15 جوبا، سۋ بۇرۋ بويىنشا 8 جوبا، سۋمەن جابدىقتاۋ بويىنشا 7 جوبا تاڭدالدى. بۇل توزۋدى 67 پايىزدان 65 پايىزعا تومەندەتۋ ٴۇشىن 266،3 شاقىرىمدى قۇرايتىن جىلۋ، سۋمەن جابدىقتاۋ جانە سۋ بۇرۋ جۇيەسىن قايتا قۇرىلىمداۋعا جانە قۇرىلىسىن جۇرگىزۋگە مۇمكىندىك بەرەدى»، - دەدى ول.
ۆيسە-مينيستردىڭ سوزىنشە، بۇگىنگى تاڭدا جىلۋ، سۋمەن جابدىقتاۋ جانە سۋ بۇرۋ سالاسىنداعى وتاندىق كاسىپكەرلەرگە قۇبىرلاردىڭ، بەكىتكىش-رەتتەۋشى ارماتۋرالاردىڭ، سۋ سورعىش جابدىقتاردىڭ، بۋ قازاندىعىنىڭ قۇرىلعىلارىن، سۋ مەن اقابا سۋلارىن تازارتاتىن جابدىقتاردىڭ ٴوندىرىسى بويىنشا قولداۋ كورسەتەتىن 8 جۇمىس توبى جاساقتالدى. سونداي-اق، وتاندىق تاۋار وندىرۋشىلەردىڭ رەەسترى قۇرىلاتىن بولادى.
ۆيسە-مينيستردىڭ مالىمەتى بويىنشا، «نۇرلى جول» باعدارلاماسىن ىسكە اسىرۋ ٴۇشىن سايكەستەندىرىلگەن زاڭنامالىق نەگىز جاسالعان. اتاپ ايتسا، جىلۋ، سۋمەن جابدىقتاۋ جانە سۋ بۇرۋ جۇيەسىنىڭ قۇرىلىسى، قايتا قۇرىلىمداۋ جانە جاڭعىرتۋعا باعىتتالعان ينۆەستيسيالىق جوبالاردى بيۋدجەتتەن نەسيەلەندىرۋدىڭ ەرەجەسى، سونداي-اق، جىلۋ، سۋمەن جابدىقتاۋ جانە سۋ بۇرۋ جۇيەسىنىڭ قۇرىلىسى، قايتا قۇرىلىمداۋ جانە جاڭعىرتۋعا باعىتتالعان ينۆەستيسيالىق جوبالاردى (ينفراقۇرىلىمداردىڭ گارانتتىق ۇسىنىسى) مەملەكەتتىك ەمەس قارجى ۇيىمدارىمەن بىرگە قارجىلاندىرۋ جۇرگىزگەندە نەسيەلەندىرۋدىڭ ەرەجەسى ازىرلەندى.
ايا ٴومىرتاي
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5007
0